منين اجيب مرايه شمال للاكسنت (الشكل الفديم)؟؟؟؟

[3mr Farrag]

المرايه الشمال الداخليه اتكسرت...و مش عارف اجيب منين..لأني جبت واحده و طلعت ابعدها مش مضبوطه و جبتها بي 20 جينيه....مع ان الراجل قال لي انها اصليه ...بس انا كنت حاسس انها ضرب
فهرجعها و عايزكوا تقولولي اجيب بقي منين الاصليه و ياريت لو حد يعرف السعر يقولي
مع العلم اني من سكان منطقه الهرم

[hazem_khidr]

فيش اصلي ب 20 جنيه دا خالص .
عندك حل من اتنين يا اما تروح وكاله البلح تشتري واحده استعمال يا اما التوكيل او محل قطع غيار نحترم و مش حتلاقيها اقل من 60 او 80 جنيه.
و في حل تاني انك تعمل وش مرايه عند اي حد بتاع زجاج بس بتبقي مرايه مستويه

[mohamed yousry]

تروح وكاله البلح تشتري

احسن حل لأن الأصلى غالية اكثر من 150 جنية.... وفية واحدة نازلم بمرايا مستوية غير مصغرة بحوالى 100 جنية....

[bassam nagy]

فى شارع فيصل عند دار الكتب وانت رايح الجيزة على ايديك اليمين محل قطع غيار هيواندى بس اسال هناك وهاتلاقى الاصلى

[3mr Farrag]

شكرا علي الردود يا جماعه....بس كتير اوي 100 ولا 150 جينيه علي حته مرايه ولا راحت ولا جت
دي اكسنت مش بي ام ايه انا بتكلم علي المرايه الداخليه بس مش المرايه الخارجيه و الداخليه

انا رحت سألت في المنير اللي في اول فيصل يا استاذ بسام وملاقتش عنده الشمال ...كان عنده اليمين فقط و قالي انها برضوا بعشرين جينه....

[bassam nagy]

طب بص حاول تتصل بالرقم دة واسالهم فين اقرب مكان فى الهرم والسعر كام 5390760دى نمرة مخزن قطع غيار غبور ابو رواش وان شاء الله تكون فى حدود المعقول

[3mr Farrag]

في GUNIUNE PARTS هيونداي في فيصل....بس انا عارف انهم اكيد هيقولولي رقم مالوش لازمه...
فاياريت لو حد يعرف اي محل في وسط البلد او اي حته اعرف مكانها يقولي ...و لو نزلت وكاله البلح اسأل عند مين بالضبط
و شكرا

[bassam nagy]

هما هناك مقسمين نفسهم من ناحية انواع العربيات وانزل واسال اكتر من واحد بس اتوقع يبعللك الهيكل كامل بالمراية وربنا يعمل الية فية الخير

[ihab]

فى شارع العشرين المنفرع من شارع فيصل اكثر من واحد بيبعوا حاجات الكورى استيراد اعتقد دول حايبقوا كويسين بس خلى بالك انك تركبها عنده و تشوف مجال الرؤية هناك
لان احنا حصل معانا موقف بس اخذنا بالنا منه ساعتها و كان فى مراية نيسان صنى 2001 كهرباء و كان مدى الرؤية بتاعها مضبوط على دركسيون يمين مش شمال لان اغلب حاجات الاستيراد اليابانى بتيجى من عربيات بها الدركسيون يمين و ليس شمال