مساعدتكم في استلام هيونداي النترا 2013 اوتوماتيك

[fooz843]

انا حجزت النترا 2013 من الوكيل وان شاء الله سوف استلمها في مارس ياريت مساعدتكم في الاتي :-
اولا :في رأيكوا ايه احسن لون سواء للفرش او للعربيه لان بصراحه قدامي تلات اختيارات :
1-لون ابيض مع فرش داخلي اسود
2-لون احمر وبيسموه عنابي مع فرش داخلي بيج
3- لون فيراني مع فرش داخلي بيج
4-لون كحلي مع فرش داخلي اسود
وبصراحه الفرش الداخلي البيج بينطق العربيه بس بيتوسخ بسرعه فأيه رأيكوا

ثانيا:ايه الحاجات اللي بأستلمها مع العربيه وأتاكد من أيه وأيه اجرائات الاستلام
ثالثا:نصائحكم في الايام الاولي وفي أول شهر وأول 1000كم
رابعا :وده مهم اوي انا اول مره اسوق اوتوماتيك فلي بعض الاسئله:
1- هو الالنترا اوتوماتيك ولا اللي بيقولوا عليه استبترونيك او تيبترونيك واي الفرق بينهم وازاي الاستخدام الصحيح بدون ضرر علي الجيربوكس
2-ما هي عيوب فتيس الالنترا وكيف يمكن تلافيها
رابعا بقي والاخر :
ايه هي مميزات العربيه عاما وعيوبها ونصائحكم ليا
وكتر خيركم وجزاكم جزيل الشكر

[fooz843]

هو في لون ابيض مع فرش بيج ولا لا يا جدعان

[adel1212]

اللون الابيض مع اي لون فرش
شييييييك جدا
تحياتى ومبروك مقدما

[dozo]

الف مبروك مقدما و تستلم على خير .
اماموضوع الفرش و الحاجات التانيه الاخوه هنا يفيدوك فيه ان شاءالله

[DEVILRIDER]

3- لون فيراني مع فرش داخلي بيج
4-لون كحلي مع فرش داخلي اسود

[Mohab555]

انا حجزت النترا 2013 من الوكيل وان شاء الله سوف استلمها في مارس ياريت مساعدتكم في الاتي :-
اولا :في رأيكوا ايه احسن لون سواء للفرش او للعربيه لان بصراحه قدامي تلات اختيارات :
1-لون ابيض مع فرش داخلي اسود
2-لون احمر وبيسموه عنابي مع فرش داخلي بيج
3- لون فيراني مع فرش داخلي بيج
4-لون كحلي مع فرش داخلي اسود
وبصراحه الفرش الداخلي البيج بينطق العربيه بس بيتوسخ بسرعه فأيه رأيكوا

ثانيا:ايه الحاجات اللي بأستلمها مع العربيه وأتاكد من أيه وأيه اجرائات الاستلام
ثالثا:نصائحكم في الايام الاولي وفي أول شهر وأول 1000كم
رابعا :وده مهم اوي انا اول مره اسوق اوتوماتيك فلي بعض الاسئله:
1- هو الالنترا اوتوماتيك ولا اللي بيقولوا عليه استبترونيك او تيبترونيك واي الفرق بينهم وازاي الاستخدام الصحيح بدون ضرر علي الجيربوكس
2-ما هي عيوب فتيس الالنترا وكيف يمكن تلافيها
رابعا بقي والاخر :
ايه هي مميزات العربيه عاما وعيوبها ونصائحكم ليا
وكتر خيركم وجزاكم جزيل الشكر

بص انا وجهة نظرى الون الابيض مع فرش اسود لان البيج حلو بس مش بيعيش و بيتوسخ بسرعة

ثانيا : انت هتروح التوكيل و مندوب من التوكيل هيسلمك العربية و هتستلم معاها
( ولاعة - طفاية - اريال - كتالوجات العربية + الضمان+ كوريك و عده ) اول لما تجبها لف حواليها و اتأكد ان مفيش خرابيش او حاجة و بعدين اركب العربية و شغل التكييف واتاكد انو شغال و بعدين جرب الانوار و الكاسيت و خد معاك فلاشه علشان تجرب الفلاشه الى فى الكاسيت .. و توكل على الله .

ثالثا : فى اول 1000 كم بلاش تقرص على العربية او تحرق علشان الموتور و اجزائه لسه مطبعوش على بعض فأحسن عدم القرص خلى العربية تمشى مرتاحه براحتها و متزودش عن 100 - 110 بالكتير اوى اوى .. لحد اول 1000 كم ماتخلص و تعمل الصيانة و بعدين انطلق براحتك ... و اهم حاجة خلى ودنك مع العربية فى اول فتره علشان لو فى اصوات ولا حاجة تقلولها للتوكيل فى صيانة الالف كم ...

رابعا :
1- الالنترا استبترونك و استخدمه فى اى وقت وانت سايق ولا فى اى مشكله ....
2- فتيس الالنترا حتى الان لم تظهر فيه عيوب صناعة و الفتيس رائع مع العربية

اهم مميزات العربية : اعتمادية عاليه - صالون واسع - شكل خارجى فخم - سعر اعاده بيع عالى - قطع غيار متوفره ..

اهم العيوب : العربية فيها بروز كتيره فلازم تخلى بالك و انت ماشى - الفوانيس الخلفية تصميمها مخليها عرضة للكسر - وسائل امان قليله نسبيا .... غير كده العربية تحفه و كفاية انها خدت المركز رقم 1 فى مبيعات هيونداى على مستوى العالم ...

[SHAW2Y_103]

.................................................. .................................................. ................................

استخدام الأحرف اللاتينية (الانجليزية) في كتابة اللغة العربية مخالف للقاعدة رقم 6 بند "ب".

يرجى مراجعة قواعد المنتدى

3 ب
12:07 AM
2013/2/10

[Samir Elshahawy]

انا حجزت النترا 2013 من الوكيل وان شاء الله سوف استلمها في مارس ياريت مساعدتكم في الاتي :-

اولا :في رأيكوا ايه احسن لون سواء للفرش او للعربيه لان بصراحه قدامي تلات اختيارات :
1-لون ابيض مع فرش داخلي اسود
2-لون احمر وبيسموه عنابي مع فرش داخلي بيج
3- لون فيراني مع فرش داخلي بيج
4-لون كحلي مع فرش داخلي اسود
وبصراحه الفرش الداخلي البيج بينطق العربيه بس بيتوسخ بسرعه فأيه رأيكوا

1- الأبيض مع فرش أسود : عملي جدا و جميل جدا علي العربية
2- الفيراني
3- العنابي
4- الكحلي


ثانيا:ايه الحاجات اللي بأستلمها مع العربيه وأتاكد من أيه وأيه اجرائات الاستلام

بتستلم مع العربية التالي :
1- طفاية السجائر
2- ولاعة
3- كتالوج العربية و كتيب الضمان
4- أطار أحتياطي و عدة تغيير الاطارات


ثالثا:نصائحكم في الايام الاولي وفي أول شهر وأول 1000كم

اول 1,000 كم ألتزم بتعليمات التليين في الكتالوج و بلاش تجري و عدد لفات الموتور لاتزيد عن 3,000 لفة.دقيقة


رابعا :وده مهم اوي انا اول مره اسوق اوتوماتيك فلي بعض الاسئله:
1- هو الالنترا اوتوماتيك ولا اللي بيقولوا عليه استبترونيك او تيبترونيك واي الفرق بينهم وازاي الاستخدام الصحيح بدون ضرر علي الجيربوكس

الالنترا الأوتوماتيك .. سيبترونيك 6 نقلات
الأستخدام الصحيح هو أنك تستخدمها علي الوضع D أثناء الحركة و عند التوقف في الاشارات أو لفترات قصيرة أستخدم الوضع N مع فرامل اليد , و عند الانتظار لفترة طويلة أستخدم الوضع P و يفضل معاه فرامل اليد طبعا , أما الوضع R فهو للرجوع للخلف

أما أوضاع السيبترونيك (+ / -) فهي للتحكم في الغيارات بشكل يدوي و هي تستخدم في حالات خاصة مثل :
- القطر
- المطالع الحادة أو الاحتياج الي عزم عالي

لكن خلي بالك أن حتي و أنت علي الوضع ده وحدة تحكم العربية لن تسمح لك بتجاوز مدي الغيار و العربية هاتنقل من الغيار الأقل للأعلي اوتوماتيك من تلقاء نفسها

2-ما هي عيوب فتيس الالنترا وكيف يمكن تلافيها

ليس هناك أي عيوب لهذا الفتيس حتي الأن بالعكس اثبت نجاحا و أكسب الالنترا اداء ممتاز و اقتصادي


رابعا بقي والاخر :
ايه هي مميزات العربيه عاما وعيوبها ونصائحكم ليا

راجع موضوعات فهرس الالنترا MD

وكتر خيركم وجزاكم جزيل الشكر

http://www.nilemotors.net/Nile/277467-md.html


http://www.nilemotors.net/Nile/250241-a.html