الاوراق و الاجراءات اللازمة لاستلام عربية من هيونداى؟؟

[eng_nagwa]

ازيكم يا جماعة (-:

انا كنت محتاجة اعرف ايه الاوراق الى المفروض استلمها من هيونداى عند استلام العربية و كمان الاجراءات الى اضمن بيها حقى خصوصا انى ها دفع ثمن العربيه كله فى يوم و ها ستلمها بعدها ب 4 ايام ؟ .. و كمان ازاى اضمن انهم ما يرفعوش السعر عليا عند الاستلام خصوصا انى ها كون دفعت ثمانها كله مقدما قبل الاستلام ... منتظرة ردكم بسرعة و اسفة لللاطالة.

[eng_nagwa]

يا جماعة محتاجة رايكم و ردكم فى اسرع وقت !

[eng_nagwa]

ليه كده بس ما فيش ردود !!!! انا محتاجة اعرف هاعمل ايه؟؟؟ ارجوكم حد يفيدنى!

[kind]

ياباشمهندسه نجوى

انتى لو هتدفعى اى مبلغ كاش هتاخدى وصل بيه وده هيكون ضمانك لازم تاخدى الوصل ده

لكن اى اوراق تانيه بتكون بعد ما تستلمى العربيه

بس انتى ليه هتدفعى تمن العربيه كله مش مقدم بس

[eng_nagwa]

شكرا على ردك و اهتمامك يا استاذ حسن... بالنسبة لدفع المبلغ كله هم قلولى كدة فى غبور انى لازم اسدد تمن العربية كله قبل الاستلام! ... كمان كنت عايزة اعرف اضمن ازاى انى بعد ما اسدد تمن العربية كله ان ساعة الاستلام ما يرفغوش تمن العربية عليا خصوصا ان الاسعار هاتزيد اول اغسطس؟؟

[kind]

شكرا على ردك و اهتمامك يا استاذ حسن... بالنسبة لدفع المبلغ كله هم قلولى كدة فى غبور انى لازم اسدد تمن العربية كله قبل الاستلام! ... كمان كنت عايزة اعرف اضمن ازاى انى بعد ما اسدد تمن العربية كله ان ساعة الاستلام ما يرفغوش تمن العربية عليا خصوصا ان الاسعار هاتزيد اول اغسطس؟؟

انا حصل معايا نفس الموضوع ده بس كان من معرض ولما السعر ارتفع مزودوش حاجه عليا

المفروض يكون فى اتفاق ولو زودو عليكى متستلميش واطلبى الفلوس تانى عشان هما بيستهبلو

طالما هياخدة تمن العربيه مقدم يبقى خلاص كده

[CryptonX]

انتي مش كنتي حاجزة بونتو برده و قربتي تستلمي من اسبوع ولا حاجة ؟

[eng_nagwa]

هااااااى ... ازيك يا استاذ كريم

ده فعلا حصل بس لاسف فلوسى مكملتش و الى معايا مكنش كافى!