ترشحلى اى عربية

[Dr Hossam Badr]

بسم الله الرحمن الرحيم
انا عايز اشترى عربية مستعملة فى حدود
30 الف جنية وحابب انها تكون بحالة كويسه
ياترى حضرتك ترشحلى اى عربيه ؟؟
اكسنت ولا اكسيل ولا حاجة احسن منهم ؟؟؟
وشكرا مقدما

[haroun707]

بسم الله الرحمن الرحيم
انا عايز اشترى عربية مستعملة فى حدود
30 الف جنية وحابب انها تكون بحالة كويسه
ياترى حضرتك ترشحلى اى عربيه ؟؟
اكسنت ولا اكسيل ولا حاجة احسن منهم ؟؟؟
وشكرا مقدما

طبعاً الاكسنت احسن فى حين تساوى الحالة

ولو انى اشك ان بالسعر ده ممكن تجيب حالة حلوة

انا اسف مش بحبطك لكن انا سمعت ان سعر المستعمل زاد علشان الجديد زاد

[abdo7000]

الاكسنت افضل بالسعر اللي حضرتك كاتبة

[Abdm]

المبلغ دة يجيب أكسيل مستريح وهى عربية ممتازة وعملية ونظيفة بس خلى حد معاك يكشف عليها كويس أو أعرضها على ميكانيكى وعفشجى كويس لكن الآكسينت النظيفة هتعدى معاك كتير

والله الموفق والمستعان

[M.Al-Hefnawy]

المبلغ ده فعلاً يجيب اكسيل كويسة.

[Dr Hossam Badr]

انا بشكر حضراتكم جدا على سرعة الرد
انا فى قدامى اكسيل اوتوماتك مو 97 راشة خوارج
بس الدواخل فابريكة هو طالب فيها 35 الف جنيه من الاخر
ياترى تبقى كدة كويسه بالسعر دة؟
ولا اشوف حاجة اكسنت طالما وصلت لل 35 الف ؟
وشكرا مقدما

[original]

هوا الميزة إن العربيات دى قطع غيارها متوفرة جديد واستعمال
لو حضرتك محتاجها أوتوماتيك يبأا تمام بس ممكن بالسعر ده تجيب أكسنت نظيفة بس مانوال..

[modo88]

طالما وصلت ل 35 الف يبقا دور علي اكسنت بقا لان الفرق كبير بين الاكسنت والاكسيل فرق عربيه.

[Dr Hossam Badr]

واضح من كلامكم ان الكسنت افضل من الاكسيل
وبصراحة انا مرتاح للاكسنت اكتر من حيث الشكل!!!
بس عايز اعرف ايه اللى يفضل الاكسنت على الاكسيل ؟؟؟

[original]

الأكسنت أحدث وأقيم من الإكسيل