حد جرب تغيير بكر تكييف النترا hd لزراير تتش

[M.Al-Hefnawy]

يا ريت لو حد جرب الموضوع ده يقولنا احتاج تعديل ولا هو الجزء الخاص بالبكر بيتغير بس؟ والتكلفة قد ايه.

[elkorany]

حضرتك انا مش معايا الالنترا
بس اللى اعرفه
الفكرة مش فى تغيير البكر لزراير تاتش
الفكرة فى الجهاز نفس
زى بالضبط كده لو حضرتك فاكرة التليفزيون بتاع زماااااااااااان اللى فيه بكرة لتغيير القنوات
ده زى التكييف البكر
بعد كده عملو التليفزيون الزاير لكل قناه زرار
واخيرا التليفزيون اللى ممكن يدخل اى رقم قناه بالريموت
اى اعتقد انه لو ينفع يتغير يبقى هتغير وحده التحكم فى التكييف كلها
مش بس البكر
وعموما ممكن يكون فيه حاجة انا معرفهاش
ومستنى ردود باقى الأعضاء

[M.Al-Hefnawy]

هو أنا فعلاً دا كان قصدي مش مجرد تغيير البكر ... كنت اقصد تغيير الجزء بالكامل الموجود فيه البكر ... بس سؤالي هل الجزء ده من الداخل مجرد فيش تتوصل وخلاص والاختلاف طريقة التشغيل سواء بكر أو زراير ولا ايه الوضع؟

[mahmoud_afifi]

كان مره واحد قال ان ليه واحد صاحبه عمل الحكايه دي بس هتحتاج تغير الكومبرسور وحوار كبير ومكلف.

[exact]

الموضوع لا يمت بصلة للكباس او التلاجة هو ممكن موتور المروحة الداخلية... بالاضافة للشاشة والجزء اللي ورا الكونسول عشان تجيب واحد بمواتير (Actuator)عشان تتحكم فيه الكتروني بدل البكر (الميكانيكي) وأعتقد ان بتبقى فيه بوكس كونترول صغير

[roland_yamaha]

وفي سنسور شبه البلية كده عند البربريز الأمامي في منتصف الطابلوه لتحديد درجة الحرارة الخارجية مش عارف موجود عندك ولا لأ؟

[AlGazar2]

التكييف البكر بيبقى فيه وايرات من الخلف عشان تتحكم فى اتجاه الهوا هيعدى على السربنتينه السخن ولا البارد
فيه اما وايرات عشان تحديد اتجاه خروج الهوا اما خراطيم فاكيوم و الكلام ده فى التكييف التاتش بيبقى كله تحكم كهربائى و عشان تغيرها لازم تغير مداخل الهوا و مخارجها الى فى التابلوه - يعنى باختصار تجيب تابلوه كامل فيه التكييف تاتش عشان الشغل ميبقاش عك

[banboty]

واكيد كمان هتحتاج تغير الضفيرة

[azwoz65]

واكيد كمان هتحتاج تغير الضفيرة

ههههههه يبقى تغير العربية أحسن

[Nashaat Rady]

محتاج تغير التابلوه كله يا برنس، نظرا لتغيير أجزاء كثيرة ميكانيكية الي كهروميكانيكية، والتي تتحكم في اتجاه الهواء

زائد ان دائرة التحكم مختلفة كلياً.

يعني باختصار...... فكك