كشاف الفيرنا الأمامي

[Ashraf_Ibrahim]

ازيكم يا شباب أخباركم ايه؟
يارب تكونوا جميعا بخير دايما وأبدا
الحمد لله اول امبارح وانا في المؤسسة وبعد ما عديت الاشارة بتاعتها كان قدامي بيجو 504 وللأسف مكونتش سايب بيني وبينه مسافة لأني شايف الطريق قدامه فاضي ولا قدامه عربية ولا قدامه ناس بتعدي
للأسف توقف مفاجيء بدون أي سبب والحمد لله ملحقتش اتوقف فدخلت فيه
الخسائر عندي شرخ في الاكصدام وكسر كامل في الكشاف الامامي يمين عندي
نزلت النهردة التوفيقية سالت على الكشافات الأمامية
لقيت الصيني ب 95
التايواني نوع اسمه TSY او TYS مش فاكر اوي بس بيقولوا انه زي الديبو بالظبط تقريبا ب 140
الديبو لقيته ب 165
كلمت الكهربائي اللي بتعامل معاه قالي الصيني كويس وبيعمل 70 جنيه مش 95 وان هو ممكن يجبهولي
ايه راي حضراتكم اجيب مين فيهم ؟!
مع العلم اني مش محتاج فانوس يشتغل اكتر من سنة لأن كدة كدة هدخل العربية تأمين ان شاء الله السنة الجاية على شهر 3 قبل ما التأمين ينتهي عشان ماخسرهوش وتبقا العربية مجددة تماما
افيدوني يا سادة أفادكم الله

[mahmoud_afifi]

قدر الله وما شاء فعل وابقى سيب مسافه اكبر المره الجايه يامعلم.

انا شايف ان سنة وكام شهر الفانوس مهما كان ردئ مش هيلحق يصفر او يطوس!!
توكل على الله وهات الي ب70 جنيه.

[mshmshm3]

معلش يا اشرف باشا قدر و لطف
الفانوس فعلا كان ب 70 و غلي
والافضل هات الديبو احسن الصيني هايصفر وهايخلي شكل العربية وحش و هاتحتاج تغيره و الديبو غلي كمان

[Ashraf_Ibrahim]

قدر الله وما شاء فعل وابقى سيب مسافه اكبر المره الجايه يامعلم.

انا شايف ان سنة وكام شهر الفانوس مهما كان ردئ مش هيلحق يصفر او يطوس!!
توكل على الله وهات الي ب70 جنيه.

الحمد لله والله يا حودة
ممممممممممممم يعني فكرك ان سنة مش هيلحق يحصله حاجة فنجيب الصيني ؟!

معلش يا اشرف باشا قدر و لطف
الفانوس فعلا كان ب 70 و غلي
والافضل هات الديبو احسن الصيني هايصفر وهايخلي شكل العربية وحش و هاتحتاج تغيره و الديبو غلي كمان

الحمد لله يا مشمش باشا
هو بيقولي انه لسة جايبه من يومين ب 70 وقالي هيجبهولي بنفسه يعني !
الصيني هيصفر في اقل من سنة ؟!
أصل كدة كدة لما ادخل العربية التأمين هقوم شايل الفانوس دا وهركب القديم المكسور وهما يغيروه بقا !
ما رأيكم دام فضلكم ؟!

[ashourashour]

فداك
وقدر الله وما شاء فعل

[mazeen]

معلش يا اشرف باشا قدر و لطف
الفانوس فعلا كان ب 70 و غلي
والافضل هات الديبو احسن الصيني هايصفر وهايخلي شكل العربية وحش و هاتحتاج تغيره و الديبو غلي كمان

كلام سليم

[original]

الواحد بيقلق من الصينى والخوف إنه مايديش الإضاءة اللى إنتى عايزها خاصة فى السفر..

[mahmoud_afifi]

الحمد لله والله يا حودة
ممممممممممممم يعني فكرك ان سنة مش هيلحق يحصله حاجة فنجيب الصيني ؟!

انا جايب فوج صيني. وابتدى يصفر بعد سنه تقريبا
الفوانيس بتبقى مختلفه ومش هتصفر بنفس السرعه عشان الخامات مختلفه. ياسيدي ولو اصفر بعد سنه ولا 8 شهور. ابقى هات واحد تاني وهتبقى دفعت نفس سعر الديبو.
المهم حاجه تمشي حالها دلوقتي

[M.Al-Hefnawy]

بلاش الصيني عن تجربة والله في عربية اختي فيرنا بردو وكان نوره وحش جداً ... غير إن الرجلاش بتاعه بيبوظ لو حاولت تظبطه .... أنا مركب عندي في النترا ديبو ونوره ماشاء الله كويس جداً

[mshmshm3]

الحمد لله والله يا حودة
ممممممممممممم يعني فكرك ان سنة مش هيلحق يحصله حاجة فنجيب الصيني ؟!



الحمد لله يا مشمش باشا
هو بيقولي انه لسة جايبه من يومين ب 70 وقالي هيجبهولي بنفسه يعني !
الصيني هيصفر في اقل من سنة ؟!
أصل كدة كدة لما ادخل العربية التأمين هقوم شايل الفانوس دا وهركب القديم المكسور وهما يغيروه بقا !
ما رأيكم دام فضلكم ؟! :u_thin1[1]:

لو متأكد من موضوع التأمين يبقي تسيبه زي ماهو
و اعرف برضو في التأمين لو الفانوس مكسور هاتدفع نفس قيمة القسط في حالة الفانوس مش مكسور ولا لا لو نفس القيمة سيبو لو القيمة زيادة شوف الفرق هايبقي في ثمن فانوس جديد ولا لا و من هنا تقدر تحدد
ممكن تتصل بيهم تسأل عشان موضوع التأمين ماليش فيه اوي

[haysam2000]

قبل اى حاجه فداك الف فانوس المهم ان انت تمام الحمد لله
هات الديبو يا اشرف انا مجربه لأن لو تفتكر حادثتى كنت غيرت الفانوس اليمين برضه :) و كان فعلا 165 و اضاءته على السكه محترمه جداو الفرق قليل بينها و بين الأصلى فى التوزيع و المسافه

[Ashraf_Ibrahim]

فداك
وقدر الله وما شاء فعل

الحمد لله رب العالمين
تسلم يا صديقي

الواحد بيقلق من الصينى والخوف إنه مايديش الإضاءة اللى إنتى عايزها خاصة فى السفر..

والله فعلا كلامك سليم !

انا جايب فوج صيني. وابتدى يصفر بعد سنه تقريبا
الفوانيس بتبقى مختلفه ومش هتصفر بنفس السرعه عشان الخامات مختلفه. ياسيدي ولو اصفر بعد سنه ولا 8 شهور. ابقى هات واحد تاني وهتبقى دفعت نفس سعر الديبو.
المهم حاجه تمشي حالها دلوقتي

مممممممممممم
والله لو 8 شهور يكون كويس
هو كلام بتاع قطع الغيار انه سنة :D

بلاش الصيني عن تجربة والله في عربية اختي فيرنا بردو وكان نوره وحش جداً ... غير إن الرجلاش بتاعه بيبوظ لو حاولت تظبطه .... أنا مركب عندي في النترا ديبو ونوره ماشاء الله كويس جداً

اهم حاجة الرجلاش عشان النور يكون مظبوط :D

لو متأكد من موضوع التأمين يبقي تسيبه زي ماهو
و اعرف برضو في التأمين لو الفانوس مكسور هاتدفع نفس قيمة القسط في حالة الفانوس مش مكسور ولا لا لو نفس القيمة سيبو لو القيمة زيادة شوف الفرق هايبقي في ثمن فانوس جديد ولا لا و من هنا تقدر تحدد
ممكن تتصل بيهم تسأل عشان موضوع التأمين ماليش فيه اوي

التأمين كدة كدة مش بدفع فيه حاجة :D
دا تأمين شركة انا ضيف شرف بودي العربية تتظبط واخدها زيرو ومدفعش نكلة :D

قبل اى حاجه فداك الف فانوس المهم ان انت تمام الحمد لله
هات الديبو يا اشرف انا مجربه لأن لو تفتكر حادثتى كنت غيرت الفانوس اليمين برضه :) و كان فعلا 165 و اضاءته على السكه محترمه جداو الفرق قليل بينها و بين الأصلى فى التوزيع و المسافه

كلام سليم
على خيرة الله يا نجيب التايواني ال TYS يا اما الديبو
يا مسهل يا رب

[drmohamedkhater]

انا كنت جايب الفانوس الخلفى tyc بصراحة ماركة كويسة و خامة محترمة و لسة مركبة امبارح

[original]

نسيت أقوللك أنا مركب فوجات صينى ومكملتش سنة وموصلتش الكهرباء بتاعتها أصلا يعنى ماشغلتهاش واصفرت!!