الحمد لله غيرت القواعد بالصور

[alaamousa]

السلام عليكم ورحمة الله وبركاته
اولا كل عام وانتم بخير بمناسبة المولد النبوي الشريف
اللهم صل وسلم وبارك على اشرف الخلق سيدنا محمد وعلى اله وصحبه وسلم


انهاردة الحمد لله غيرت قواعد القنطرة للمرة التانية متستغربوش ايوة للمرة التانية
لأني جبتها المرة الاولى جديدة كوري زي ما قالي البائع وللأسف عملت زنة في العربية صعبة اوي

فسألت ناس محترمة قالولي توكل على الله وركبها استيراد لأن الجديد الكاوتشة بتاعته ناشفة فهي اللي بتعمل الزنة دي
اولا دي القاعدة الخلفية للهيونداي اكسيل .......






شكلها غريب صح بس دي القاعدة بقى اعمل اييييه

ثانيا دي بقى شكل القاعدة الامامية ......








وده شكلهم الاثنين مع بعض في لقطة واحدة للأستفادة......






طبعا في حديدة تالتة زي ما انتوا شايفين سيبكوا منها معرفش ايه اللي جابها في الصورة اصلا

_______________________________
دي الحمد لله بعد ما ركبت في السيارة بنجاح






دي القاعدة الامامية اللي قدرت اصورها لان الخلفية تحت في العربية فمعرفتش اصورها اسف



بالنسبة للتكاليف لتركيب هذا القواعد :

بعد فصال ونقاش وصلت السعر بفضل الله للقاعدتين لي 120 جنيه استيراد
مصاريف التركيب 30 جنيه

اللي عايز اوصله من التقرير ده لكل راكبي وعاشقي الاكسيل هو ان جالك وقت واضطريت تغير القواعد نصيحة بجد اوعى تغيرهم جداد ويتعمل فيك زيي مهما اتقالك لان كله مضروب مضروب يا ولدي يارب اكون قدرت اوصل معلومة تفيدكوا بامر الله
لا تنسوني بخالص الدعاء ..... السلام عليكم ورحمة الله وبركاته

[al_manara]

طيب ماعرفناش اية الاخبار بعد التركيب

مبروك

[alaamousa]

طيب ماعرفناش اية الاخبار بعد التركيب

مبروك

ازيك يا باشا بص هو ان شاء الله الموضوع طبعا فرق الى حد كبير بس الميكانيكي قاللي سيبها بس تتطبع وشوف ايه النتيجة

ان شاء الله عايزين نشوفك في المقابلة الجاية ونتعرف عليك

http://www.nilemotors.net/Nile/331759-1.html

[al_manara]

اهلا بيك .
ان شاء الله لو عرفت اكيد هابلغكم . واتشرف بالتعرف عليكم

[aldesha989]

الف مبروك عقبالى نفسى اغير قواعد الماتور والفتيس للمازدا بس مش عارف لسه اجيبهم منين فى اسكندريه :)

[alaamousa]

اعمل موضوع ان شاء الله اخواتنا الاسكندرانية يفيدووووك

[S O P H O S]

الف مبروك يا باشا ..

[alaamousa]

الف مبروك يا باشا ..

حبيبي الله يبارك فيك دايما منور قسمنا المتواضع بلمستك الجميلة وبذوقك العالي

[Medicalist]

معلش يا باشا لو ممكن تقولى القواعد دى لازمتها ايه او لو فيها مشكله بتظهر ازاى على العربيه

[alaamousa]

معلش يا باشا لو ممكن تقولى القواعد دى لازمتها ايه او لو فيها مشكله بتظهر ازاى على العربيه

بص يا باشا موضوع القواعد ده عموما للسيارة دائما للثبات ولقوة السيارة في تحمل المكونات لها
مثل قواعد الماتور هي القواعد اللي بتدي ثبات للماتور
مثلها مثل قواعد القنطرة
القنطرة عبارة عن بالمعنى البلدي حديدة ماسكة سدر السيارة الامامي والسدر الخلفي حتى تعطي قوة للكابوت لتحمل ما به من مكونات وتعطي ايضا ثبات على الطريق

موضوع بتتعرف ازاي انا معايا حصلت والميكانيكي شغال قاللي القواعد مكسورة لكني بصراحة قبل ما يقولي مكنتش حاسس بحاجة في السيارة غير انها مفككة شوية وكل ما اروح للعفشجي يقولي العفشة تمام

[hamisa08]

معلش ممكن ترفع الصور تانى علشان انا عندى كسر فى القنطره قدام
وبمشى عليها من فتره كدة غلط ولا عادى ؟؟؟
وياترى هى بكام ومصنعيه كام ؟ ولا الحمها وخلااص عشان موضوع شغلنى اووى

[alaamousa]

up up

[alaamousa]

up up

[alaamousa]

معلش ممكن ترفع الصور تانى علشان انا عندى كسر فى القنطره قدام
وبمشى عليها من فتره كدة غلط ولا عادى ؟؟؟
وياترى هى بكام ومصنعيه كام ؟ ولا الحمها وخلااص عشان موضوع شغلنى اووى

استاذي الفاضل الصور موجوده في الموضوع اسف للتاخير في الرد
بالنسبه للقنطره انا غيرتها بعد كده فعلا وتكلفتها استيراد 150 بس تغيرها مهم جدا وضروري
اي مساعده انا في الخدمه

[HOSSAM99]

ألف مبرود تغيير القواعد
و فعلا القواعد الإستيراد أفضل و أضمن من القواعد اللي ماليه السوق و بيقولو عليها كوري
بالتوفيق