فرنا 1600 جميع الكماليات أتوماتيك (كورى)

[abo3bdolrahman]

كانت معايا من شهر 10 سنة 2004 حتى بعتها فى شهر 10 عام 2006
العربية كانت حلوة و كانت مواصفتها هى
محرك 1600 سم[sub]3 و كانت 107 حصان و هو نفس المحرك اللى كان موجود فى الإلنترا و الماتريكس و كان تمنها 90 ألف جنيه كاش بناقل حركة أتوماتيك 4 سرعات + أوفر درايف
و الكماليات هى
تكييف - باور - سنتر - زجاج كهرباء أمامى و خلفى - مرايات كهرباء - إريال كهرباء - فوانيس شبورة و استوب خلفى
الجنوط حديد مقاس 185 /60 آر 14 و الإستبن نفس المقاس
الفرش قماش
كاسيت بلو بانكت
و كانت مميزاتهاكالآتى:
إتزان ممتاز على جميع السرعات ( حتى 200 كم /ساعة ) و ما جبتش بيها أكتر من كده
محرك ذو استجابة عالية
معدلات إستهلاك و قود معقولة
عفشة جيدة
و جود أماكن تخزين كتيرة و أماكن للزجاجات و أكواب المياة و المشروبات
العيوب:
واطية على الأرض
التوكيل لا يقوم بإصلاح المشاكل الكبيرة
إستغلال شديد من الوكيل فى أسعار قطع الغيار.
ضيق الصالون الداخلى و قلة فخامته.
أتمنى إن تكون المعلومات دى مفيدة و ما كونش طولت عليكم.
أبو بودى
مالك سابق للفرنا

[PAYOO]

يا ريت تقولنا يا باشمهندس على نوعية المشكلات التي لا يستطيع التوكيل حلها

لأن هذا الأمر سوف يجعلنا (وهو واجب علينا إن أردنا أن يكون لنا دور فعال) نخاطب الشركه الأم مباشرة وننبها بأن وكيلها مـُقصر في كذا وكذا وكذا

فنحن (Nile Motors) يجب أن يكون لنا دور فعال في المجتمع الواقعي ولا تقتصر خدماتنا على الشبكه الدوليه للمعلومات (الأنترنت) فقط

[abo3bdolrahman]

كانت المساعدين الخلفية فيها مشكلة و كل مرة يقولولى كشفنا عليها لقيناها كويسة و ده إستمر من 20 ألف كم حتى صيانة ال 40 ألف يعنى حوالى سنة و بعدين بعت العربية من غير ما تتحل المشكلة.
أبو بودى
:lol: 8) :lol:

[PAYOO]

أسمح لي يا باشمهندس "أبوعبدالرحمن" أقولك أيه المفروض يتعمل في الحاله دي

عشان احنا في مصر يبقى للأسف حقك مش هاتخده بالساهل كده ولازم عشان تاخد حقك وخصوصا مع نوعية التوكيلات إللي زي مستر "غبور" كده أنك تصعد المواضيع ويحسوا انك راجل بتاع مشاكل (للأسف) عشان يدوك حقك

المفروض إللي يتعمل في الحاله دي:-

أولا:- طالما أنت متاكد إن المساعدين فيها مشكله وهمه مصممين انهم ما انها سليمه يبقى لازم تطلب منهم report رسمي بيقولوا فيه أن المساعدين ليس بها أي عيب وعلى مسئوليتهم

ثانيا:- تصعدالموضوع للمدير المسئول في المركز وتفهمه انك هاتاخد التقرير ده وتتوجه به إلى مركز متخصص ومعتمد لفحص المساعدين ومن ثم سوف تقوم بالمقارنة بين التقريران وإذا ثبت أن المساعدين بها عيب كما تشعر أنت فسوف تقوم باتخاذ الأجراء المناسب ضدهم من حيث التوجه إلى جهاز حماية المستهلك وأيضا إلى الغرفه التجاريه وكمان وزارة الصناعه (يعني تفهمه أنك هاتخرب بيتهم إذا كانوا مهملين) ووقتها هايدفعوا تكاليف التقرير الثاني وكمان هترجع عليهم بالتعويض عن أهمالهم إللي كان ممكن يؤذيك وهاتشهر بيهم في كل مكان واوله المواقع المتخصصه على الأنترنت وكذا وكذا وكذا .....

وصدقني قبل ما أقولك على "ثالثا" هايحلولك مشكلتك ويغيرولك كمان الأربع مساعدين لانهم كده كده مش خسرانين حاجه خالص لان الشركه الأم (هيونداي) هيه إللي بتتحمل التكاليف ومستر غبور ما هو إلا مجرد ناقل للبضاعه التالفه وهياخد بدلهم ولن يتحمل أي شيء

[abo3bdolrahman]

ما هما كشفوا عليها أمامى و الجهاز كان بيقول سليمة.
و بالكشف عليها برة كانوا بيقولولى لازم تتغير و بعدين ماكانش فارق معايا قوى لأنى كنت كده كده بامشى بيها فى طرق مهببة فكنت مستنى إن المساعدين تبوز خالص فيغيروهالى و خلاص.
:lol: 8) :lol:

[PAYOO]

القصد

أنا أقصد من كلامي إننا دايما لازم نتمسك بحقنا يا "أبو عبدالرحمن" ولازم كل إللي بيعمل شغل للناس وبياخد مقابل أنه يفهم ويعرف إن الناس لها حق عنده ولو قصر هايتحاسب وإن الناس كلها بقت على أتصال ببعضها وبتكتب وبتنشر وبتتكلم في كل حاجه يعني مقدم الخدمه لما يقصر مع واحد لازم يفهم إن في ناس كتير جدا جدا هاتعرف وهاتاخد من مقدم الخدمه ده موقف
وأهم حاجه لازم يفهموا إن المصريين خلاص بقى ماعدش ينفع ينضحك عليهم بالفهلوه والكلام الكتير وإن إللي مابيعرفش في المسائل الفنيه بيعرف بعد كده وبيتناقش مع غيره وهايفهم وهايحسبهم

معلش يا "أبو عبدالرحمن" أصل أنا بكره الأهمال قوي قوي ونفسي ناخد مواقف إيجابيه ضد المهمل ونيجي قدام ببلدنا

[abo3bdolrahman]

و الله يا هانى و انا كمان بس المشكلة إنى كنت بانزل فى أجازة مخصوص للتوكيل و يضيع منى يوم بحاله هناك و الأجازة كلها 4 أيام شاملة السفر من إلى بورسعيد ده غير الزيارات العائلية فى القاهرة فكنت يادوب كده أخلص فى التوكيل و اتشاهد إنى خلصت و ماشى و بعدين أنا بعت شكوى رسمى للموضوع ده لهيونداى كوريا بس الرد جه بعد ما بعت العربية
:lol: 8) :lol:

[ايهاب عبد العزيز]

معلش ممكن تقول لنا شركة هيونادى فى كوريا ردت عليك وقالت ايه