زياده اسعار هيونداى غدا 1-2-2013

[mahmoud_afifi]

تخيل ياعزيزي ان السعر ده كان بتاع الفولي لودد في الصيف الي فات حاجة لا تصدق
ومبرر زيادة الدولار غير صحيح
يعني العربية الفاضية الاوتوماتيك كانت ب 124 الف في الصيف والدولار كان ب 6.10
دلوقتي الدولار بقى ب 6.71 يبقى العربية تبقى ب 136.5 الف لو مش عاوز يضحي باي مكسب ولا حاجة
لكن شغل استغلال زيادة الدولار ان كل التوكيلات وعلى رأسها الالنترا تستغل المشتري وتضحك عليه غير مقبول
ويمكن ممكن استثني نيسان وهوندا من الحكاية دي

انا بس محتار لما الدولار يبقى فوق ال 7 جنيه وطبعا ده المتوقع مع قرض البنك الدولي لانهم لما جم مصر انتقدوا سعر الجنيه وقالوا انه لا يعبر عن الواقع وطالبوا برفع الدولار وده الي بيحصل وباسرع ما توقعت

وكمان لما يرفعوا ضريبة المبيعات هتوصل العربيات لكام
يظهر ان الطبقة المتوسطة خلاص هتركب اخرها فيرنا ولانوس ولا يمكن اسبرانزا ايه 113 ولا ماروتي

لا حول ولا قوة الا بالله

كلام حضرتك سليم جداً.
وانا الي غايظني هو الزياده الغير مبرره من غبور في حين باقي التوكيلات زيادتها لم تتجاوز ال10 الاف. وياريت العربيه تستاهل مع احترامي لملاكها.

الي معاه عربيه يحافظ عليها ويمسك فيها بإيده وسنانه. لأن كل العربيات الي كانت متوسطه بقى غاليه وحتى سعر قطع الغيار غاليه كمان.
ربنا يتولانا برحمته
وانا شاكر ليك على مداخلتك المفيده

[Ultramisho]

فعلا كلامك سليم

انا كنت حشتريها فى شهر 7 الى فات اول فئه اوتو فتحة سقف بــ 126000

وبعد الزياده الرهيبه والمقارنه بالكروز اشتريت الكروز هاى لاين ــ 150 بالعافيه وفيها abs و 2 ايرباج وجنوط 17

ألف مبروك عليكم وربنا يديك خيرها ويكفيك شرها وتكون قدم السعد عليكم وعلى الاسرة الكريمة ان شاء الله

اعتقد ان الكروز غليت دلوقتي عن 150 ؟

ياريت تتكرم حضرتك وتبقى تعملنا تقرير عن الاوبشنز في الكروز دي وادائها خاصة السحب والتكييف والعزل والوسع وكده

انا مازلت في حيرة اغير لايه خاصة اني هانزل في الصيف من الغربة عودة نهائية لاني زهقت
ومازلت فعلا محتار والسعر مش الفيصل في اختياري بقدر تحقيق القيمة مقابل السعر وتحقيق اولوياتي من سحب وتكييف ثلاجة واوبشنز زي السيراتو على الاقل وصيانة سهلة وشكل لائق وده الي مش عارف الاقيه في بحثي فبرغم من اقتناعي بالتيدا لكن صعب انزل في الشكل من سيراتو الى التيدا هاتش الي بتبان صغيرة رغم وسعها
الكروز فعلا بقت ملفتة بموتورها الجديد بس ياترى سحبه كويس وياترى الاوبشنز كفاية اصل معلوماتي المتواضعة ان الشيفروليه بتقلل في الاوبشنز وبرضه فكرت في الفلونس الجديدة الي بموتور تيدا بس خايف السي في تي ياثر على السحب وكمان لو تكييفها زي الي قبلها ماهتنفعنيش ده انا من اسباب رغبتي في تغيير السيراتو ان تكييفها مش عاجبني طبعا بجانب العفشة العقاب والبلالين الي كلفتني ميزانية لوحدها بسبب الجنوط ال 17

معلش اطالت عليكم اصلي من متابعتي للمنتدى الشهور القليلة الي فاتت وجدت تعليقاتكم موضوعية ومتزنة وصائبة دائما

في انتظار التقرير المبدئي من عروس البحر المتوسط عشقي الاسكندرية المرية

تحياتي

[Ultramisho]

كلام حضرتك سليم جداً.
وانا الي غايظني هو الزياده الغير مبرره من غبور في حين باقي التوكيلات زيادتها لم تتجاوز ال10 الاف. وياريت العربيه تستاهل مع احترامي لملاكها.

الي معاه عربيه يحافظ عليها ويمسك فيها بإيده وسنانه. لأن كل العربيات الي كانت متوسطه بقى غاليه وحتى سعر قطع الغيار غاليه كمان.
ربنا يتولانا برحمته
وانا شاكر ليك على مداخلتك المفيده

شكرا على كلامك كلك ذوق
وانا الحقيقة كنت معجب بالالنترا لتحقيقها رغباتي لكن بعد السرقة في سعرها بقت ليست قيمة مقابل السعر
كمان عربية بالتمن ده ومافيهاش ايموبيليزر حاجة تكسف وماتطمنش اصلا ان الواحد يدفع فيها كل ده
وليك حق الواحد مايقدرش يفرط في العربية الي معاه دلوقتي الا لو لقى العربية الجديدة تستاهل الفرق الي هيدفعه وتحقق له جديد يستحق الفرق السعري مش تاخد منه وهي دي المشكلة

اشكركم مرة اخرى
تحياتي

[hossam_elwani]

ألف مبروك عليكم وربنا يديك خيرها ويكفيك شرها وتكون قدم السعد عليكم وعلى الاسرة الكريمة ان شاء الله

اعتقد ان الكروز غليت دلوقتي عن 150 ؟

ياريت تتكرم حضرتك وتبقى تعملنا تقرير عن الاوبشنز في الكروز دي وادائها خاصة السحب والتكييف والعزل والوسع وكده

انا مازلت في حيرة اغير لايه خاصة اني هانزل في الصيف من الغربة عودة نهائية لاني زهقت
ومازلت فعلا محتار والسعر مش الفيصل في اختياري بقدر تحقيق القيمة مقابل السعر وتحقيق اولوياتي من سحب وتكييف ثلاجة واوبشنز زي السيراتو على الاقل وصيانة سهلة وشكل لائق وده الي مش عارف الاقيه في بحثي فبرغم من اقتناعي بالتيدا لكن صعب انزل في الشكل من سيراتو الى التيدا هاتش الي بتبان صغيرة رغم وسعها
الكروز فعلا بقت ملفتة بموتورها الجديد بس ياترى سحبه كويس وياترى الاوبشنز كفاية اصل معلوماتي المتواضعة ان الشيفروليه بتقلل في الاوبشنز وبرضه فكرت في الفلونس الجديدة الي بموتور تيدا بس خايف السي في تي ياثر على السحب وكمان لو تكييفها زي الي قبلها ماهتنفعنيش ده انا من اسباب رغبتي في تغيير السيراتو ان تكييفها مش عاجبني طبعا بجانب العفشة العقاب والبلالين الي كلفتني ميزانية لوحدها بسبب الجنوط ال 17

معلش اطالت عليكم اصلي من متابعتي للمنتدى الشهور القليلة الي فاتت وجدت تعليقاتكم موضوعية ومتزنة وصائبة دائما

في انتظار التقرير المبدئي من عروس البحر المتوسط عشقي الاسكندرية المرية

تحياتي

الله يكرمك ويبارك فيك

بالنسبه للسعرالكروز هاى لاين السعر الحالى ليها 155000 وانا اشتريت قبل الزياده بــ 150000 واحتمال تزيد تانى الى 160000 والله اعلم
شوف انا ان شاء الله حعمل تقرير مفصل فى قسم شيفروليه على نهاية الاسبوع

اما بخصوص التكييف فهو سريع التبريد وتلاجه بمعنى الكلمه وصوته هادى

اما التسارع فى البدايه ولحد سرعة 60 وإن مكونتش ضاغط على الدواسه بزياده حتس انه ضعيف شويه ( وده راجع لوزن العربيه البالغ 1310كيلو ) بس بمجرد ما تعدى الــ 60 حتلاقى وحش تحت الكبوت ولما تطلبه يستجيب بسهوله وبقوه وتحس ان العربيه بتخطفك خطف الى الامام

اما بخصوص الكماليات فهيا مش كتير زى السيراتو مثلا وسيتم ذكرها فى التقرير ان شاء الله

[mahmoud_afifi]

شكرا على كلامك كلك ذوق
وانا الحقيقة كنت معجب بالالنترا لتحقيقها رغباتي لكن بعد السرقة في سعرها بقت ليست قيمة مقابل السعر
كمان عربية بالتمن ده ومافيهاش ايموبيليزر حاجة تكسف وماتطمنش اصلا ان الواحد يدفع فيها كل ده
وليك حق الواحد مايقدرش يفرط في العربية الي معاه دلوقتي الا لو لقى العربية الجديدة تستاهل الفرق الي هيدفعه وتحقق له جديد يستحق الفرق السعري مش تاخد منه وهي دي المشكلة

اشكركم مرة اخرى
تحياتي

فعلا معاك حق. ازاي الواحد يجيب عربيه غاليه ومافهاش اموبيليزر وممكن تتسرق !! يعني كأن الواحد رامي فلوسه في الارض :(
دلوقتي الواحد بيفرح لما يشوف عربيه ب120 الف وفيها كل حاجه ويقول رخيصه.
ايام بقى :d

تحياتي لحضرتك

[ahmedz310]

وهتلاقي ناس بالعبيط هتشتري اصلها ثقافة شعب !!!!