الازرار الملغية في هيونداي اكسنت

[amagroup]

طبعا لان الواحد اول مره ركب فيها عربيه كانت مستعملة ذي كل المصريين ولان المصري مبرحمش نفسه في التدوير والدعبسه (البحث) او بمعني اصح غاويين تحفير اكتشفت بالصدفة في عربيتي اكسنت ار بي الفئة الثانية موديل 2012 ان علي الجانب اليسار للدركسيون هناك مكان لــ3 ازرار الاول لشدة اضاءة التابلوة والثاني لتشغيل مانع انزلاق اثناء الفرملة والثالث خاص بارتفاع وانخفاض ضوء الكشافات الامامية وبعد البحث في الكتالوج تأكدت ان فيوزاتها موصله مع مكونات آخري زي كشافات الإضاءة المهم اني لقيت ان في فيش داخلة للمفتاح الاول والاخير يعني كل الحكاية ناقص بس اركب المفتاحين واقدر اني اعلي او اوطي نور التابلوة او اقدر اتحكم في رفع ضوء النور او خفضه (فوانيس نور العربية) وياريت حد يفيدني او يقدر يجرب هل ممكن بمجرد تركيب المفاتيح دي اقدر اعمل كده فعلا واشغل الوظائف دي

الحاجة التانية
نفسي اركب لمبة الصالون قدام ومعاها جراب النظارة الشميس وخصوصا اني أتاكدت ان المسامير موجوده فعلا ويمكن تركيب الكشاف

الحاجه التالته نفسي اشغل اريال الكاسيت من غير ما اركبه يعني عمل توصيلة من الداخل

مستني ردودكوا واقتراحتكو

[AlGazar2]

الازرار يا تجيبها استيراد و دى صعب تلاقيها دلوقتى او تجبها من مواقع بره و تتشحن عن طريق ادفعلى او ما يماثله او من التوكيل

الاريال ممكن تعمله وصله تحت فرش السقف بس مش عارف هتبقى مفيده ولا لا بس الى متاكد منه انها هاتعملك اصوات مع الشوارع المكسره و المطبات بتاعتنا


بس هو ليه غنبور مش منزل العربيه بالزرار ده مش هيكلفه زياده 100 جنية فى تمنها لان الدفيره موجوده و مكانها موجود و كل حاجة موجوده بس اهو استرخاص ولا خلاص توكيل غريب فعلا

[heart_sugar]

السلام عليكم اخي العزيز
انا معايه نفس العربية ربنا يكفيك ويكفينا شر الطريق
انا مستني تجربة حضرتك والي حتعمله عشان نعمل زيه :))
بس انا سئلت في التوكيل عن تركيبهم قالو مينفعش عشان موضوع الكمبيوتر بتاع العربية مش مجهز وحزروني
وحتى حزروني اني اركب وحده رفع
بس للعلم انا جبت واسطه في الشركه ووفقو يركبو ليه فوانيس الشبورة وانا سئلت وتأكدت منهم انها مفهاش اي مشكله للعربية عشان الناس الي عايزه تركبها وخايفه
وكل الي حصل اني
جبيت فانوسين شبورة قيمه الواحد 425 جنيه
دراع 400 جنيه
ريليه 65 جنيه
مصنعيه 370 جنيه
وشريطين لحام 7 جنيه
ربنا يستر على الجميع

[amagroup]

السلام عليكم اخي العزيز
انا معايه نفس العربية ربنا يكفيك ويكفينا شر الطريق
انا مستني تجربة حضرتك والي حتعمله عشان نعمل زيه :))
بس انا سئلت في التوكيل عن تركيبهم قالو مينفعش عشان موضوع الكمبيوتر بتاع العربية مش مجهز وحزروني
وحتى حزروني اني اركب وحده رفع
بس للعلم انا جبت واسطه في الشركه ووفقو يركبو ليه فوانيس الشبورة وانا سئلت وتأكدت منهم انها مفهاش اي مشكله للعربية عشان الناس الي عايزه تركبها وخايفه
وكل الي حصل اني
جبيت فانوسين شبورة قيمه الواحد 425 جنيه
دراع 400 جنيه
ريليه 65 جنيه
مصنعيه 370 جنيه
وشريطين لحام 7 جنيه
ربنا يستر على الجميع

كل ده عشان اجيب فوانيس شبورة
كتييييير قوي ولو اني نفسي اركبها جدا

اما بالنسبة للأزرار فالمشكلة ان بصراحة مش كل حاجه بيقولوها بصدقها هو يعني المفتاح مش هيوصل إلا بالكمبيوتر !!!!
المهم بس ان لو ركب مفتاح للنور يعلي ويوطي لان ممكن الكشاف نفسه يكون جواه جهاز لنقل الحركة دي وده مش موجود عندنا عموما انا هبص عليه برده واشوف الكشاف

[amagroup]

الازرار يا تجيبها استيراد و دى صعب تلاقيها دلوقتى او تجبها من مواقع بره و تتشحن عن طريق ادفعلى او ما يماثله او من التوكيل

الاريال ممكن تعمله وصله تحت فرش السقف بس مش عارف هتبقى مفيده ولا لا بس الى متاكد منه انها هاتعملك اصوات مع الشوارع المكسره و المطبات بتاعتنا


بس هو ليه غبور مش منزل العربيه بالزرار ده مش هيكلفه زياده 100 جنية فى تمنها لان الدفيره موجوده و مكانها موجود و كل حاجة موجوده بس اهو استرخاص ولا خلاص توكيل غريب فعلا

انا جربت فعلا اني اوصل الاريال تحت الفرش لكن مجبش كويس حاولت اني اعمل سلك يكون علي حرف الزجاج الخلفي من فوق عشان يلقط من الجو منفعش