مشكلة صغيرة ف فيرنتي

[p r i n c e]

سلام عليكم
أنا معايا فيرنا 2010 فول اوبشن فيها كاسيت سي دي، الإسطوانات بحطها و بشغلها عادي و بعلي الصوت على الآخر عادي و مش بيبقى في وش خالص، اشتريت ام بي ثري عربية و حطيتو مكان الولاعة و شغلتو، شغال عادي بس اعلي الصوت يظهر وش جامد، يعني لازم الصوت يفضل واطي، قلت يمكن العيب من الإم بي ثري، رحت اشتريت واحد غيرو و بردو نفس المشكلة أول ما أعلي الصوت يظهر وش جامد جدا، مع اني جربت الإم بي ثري هوا هوا ف عربية واحد صاحبي و عليت الصوت على الآخر و مظهرش وش خالص
مش عارف المشكلة ف ايه بقى، و اشمعنى لو مشغل سي دي بعلي الصوت على الآخر و مش بيظهر وش، و لو ام بي ثري اول ما اعلي الصوت حاجة بسيطة بيوش جامد
قولولي أظبط الكاسيت ازاي يا رجالة و شكرا مقدما

[loshabih]

الراديو ممكن يكون فيه حاجه

[MohammedAladel]

بكل بساطة لانه بيشتغل على موجة الراديو والواضح إن المحطة اللى مشغله عليها فيها وش

لو كان الكاسيت بيشغل Aux أعمل وصلة وتمتع بنقاء صوت عالى زى السى دى

[maio_do]

تمام زى ما محمد قال كده

وجرب تغير المحطة وترفع الاريال

[p r i n c e]

بكل بساطة لانه بيشتغل على موجة الراديو والواضح إن المحطة اللى مشغله عليها فيها وش

لو كان الكاسيت بيشغل Aux أعمل وصلة وتمتع بنقاء صوت عالى زى السى دى

مش بيشغل aux للأسف
و هحاول اغير التردد

[p r i n c e]

الراديو ممكن يكون فيه حاجه

طيب أوديه ل مين يشوفهولي لو سمحت؟

[p r i n c e]

تمام زى ما محمد قال كده

وجرب تغير المحطة وترفع الاريال

بردو مفيش فايدة انا هتجنن

[p r i n c e]

ايه يا رجالة محدش عندو المشكلة دي غيري ف ال فيرنا ولا ايه :-d

[p r i n c e]

up up ^^^

[MohammedAladel]

أنا فاكر أنى قرأت نفس المشكلة بس مش عارف فى نفس العربية دى ولا لأ

كان وقتها إن فيه حاجة فى الكهرباء بتاع العربية غلط حاجة مهربة مش فاكر قوى بصراحة

[loshabih]

الاريال مش راكب في الكاسيت ممكن...جرب اي محطه تانيه وشوف لو مش شغاله يبقي الاريال مش راكب

[p r i n c e]

عندي إريال و بيترفع لوحدو أول ما بشغل الكاسيت و الصوت حلو و نقي جدا جدا بس و الصوت واطي، أول ما أعلي الصوت يقعد يوش
.
.
مش فاهم إيه قصد حضرتك إن الإريال مش راكب على ال كاسيت؟
و أركبه على الكاسيت إزاي؟

[verna2008auto]

عندي إريال و بيترفع لوحدو أول ما بشغل الكاسيت و الصوت حلو و نقي جدا جدا بس و الصوت واطي، أول ما أعلي الصوت يقعد يوش
.
.
مش فاهم إيه قصد حضرتك إن الإريال مش راكب على ال كاسيت؟
و أركبه على الكاسيت إزاي؟

الوشه دي ... ممكن تستخدم Ground Loop Isolator مانع شوشرة ..من راديو شاك ب 50 جنية
او تتأكد ان جسم الكاسيت واصلة ( ارضي ) كويس مش ملمس وبيقطع ..
او اصلا تتأكد ان مافيش سماعة ( بايظة )
او تجيب كاسيت من حد تعرفة وتجربة يمكن العيب من الكاسيت اللي عندك ..
....*
حتة طلوع ونزول الايريال الكهربا دي عادية يعني نتيجة ((((خرج وصلة ريموت من الكاسيت للايريال ))))هيا اللي بتديلة الامر انه يطلع او ينزل مع الراديو بس دى مش معناها ان كده كافة الوصلات سليمة وان سلك ( الانتنة الايريل يعني) سليم ..
اتأكد وقولنا
(( بس ))

[p r i n c e]

الف شكر يا باشا و ان شاء الله هروح ل كهربائي يشوفلي موضوع السلوك دي
شكرا على الاهتمام

[p r i n c e]

الحمدلله المشكلة اتحلت
رحت ل كهربائي قالي العيب ف الكاسيت نفسو مش ف الكهربا
و بعتني ل واحد بتاع الكترونيات فك ال كاسيت و قالي تعالى خدو بعد ساعة
رحتلو لقيتو صلحو و ركبهولي و الصوت تمام جدا دلوقتي الحمدلله
و اخد مني 40 جنيه، كان في حاجة جوا ال كاسيت بايظة قالي اسمها مش عارف اسمها ايه
شكرا جدا يا رجالة