فلتر زيت accent rb 2012

[elmo7amed]

السلام عليكم ورحمه الله وبركاته
انا انهرده كنت بغسل العربيه بعد الشتا الجميل دا وكنت فى اسكندريه بوصل جدتى رايحه تعمل عمره المهم الحبايب كلهم ركبوا معايا كان فى مطبات اختها بالراحه بس العربيه حكت برده ..انا زهقت من الموضوع دا .... عموما مش حطول على حضراتكم ؟


رفعت العربيه فى المغسله انهرده قلت انزل اشوف تاثير المطبات عليها ايه ملقتش حاجه الحمد لله
بس
لقيت فلتر الزيت راشح ووسخ من الزيت وقبل كده انا جراش العربيه تحتها رمل كنت شوفت بقعه كبيره تحت العربيه فمهتمتش بيها .. كنت مفكرها ميه من التكييف وكده ...

فايه رأى حضرتكم هل دا طبيعى رشح الفلتر دا .. هو رشح خفيف بس قالقنى طبعا

انا مغير زيت شل 10000 كم ماشى حاليا 5500
العربيه ماشيه 18000كم

مغير زيت بره التوكيل ومغير فلتر بره التوكيل
للعلم الفلتر دا انا مغيرزيت عليه مرتين يعنى يعتبر ماشى عليه 13000 كم

علشان خاطرى طمنونى وعلى فكره مافيش اى رشح تانى غير من الفلتر واسف للاطاله

[Samir Elshahawy]

أخبار مقاس الزيت أيه ؟

و ياريت برضه تمسح مكان الفلتر كويس و بعدين تشغل الموتور 5 دقائق و تبطل و بعدين تبص علي الفلتر تاني

[elmo7amed]

والله ياباش مهندس انا مش عارف المقاس ايه ... بس اللى مطمنى شويه ان لمبه الزيت فى التابلوه مش بتنور وانا فعلا مسحته وحبص عليه تانى .. وهل كتير على الفلتر انى مغيرتوش وهل ممكن يكون اتركب غلط وليا صحبى بيقول ممكن يكون اللى غيره مركبش الجوان بتاعه صح هل دا ممكن ..

[Samir Elshahawy]

والله ياباش مهندس انا مش عارف المقاس ايه ... بس اللى مطمنى شويه ان لمبه الزيت فى التابلوه مش بتنور وانا فعلا مسحته وحبص عليه تانى .. وهل كتير على الفلتر انى مغيرتوش وهل ممكن يكون اتركب غلط وليا صحبى بيقول ممكن يكون اللى غيره مركبش الجوان بتاعه صح هل دا ممكن ..

أولا .. أتأكد من مقاس الزيت و ده المفروض يتعمل علي الاقل مرة كل أسبوع

زي ما أنت شايف في الصورة التأكد من مقاس الزيت الهدف منه حاجتين :
1- التأكد من مستوي الزيت بأنه يكون بين العلامتين (min - max)
2- التأكد من لونه و درجة لزوجته

طبعا الصورة علي اليمين دي الحالة المثالية للزيت
أما اللي علي الشمال دي تعني أن فيه مشكلة و يجب تغيير الزيت و الكشف علي الموتور


ثانيا .. فلتر الزيت يجب تغييره مع تغيير الزيت كل 10,000 كم لأنه بيحتوي شوائب و رواسب و زيت قديم و متسخ (حولي ربع أو نصف لتر) من الممكن أن يؤثر في نقاء الزيت الجديد


ثالثا .. لو الجوان مش راكب كان زمان الزيت نزل كله بعد تغييره و قبل ماتوصل البيت

[elmo7amed]

شكرا لحضرتك واهتمامك بينا .. ربنا يكرمك ويباركلك
انا حروح التوكيل اعمل صيانه العشرين الف واغير زيت وفلتر وربنا يسهل الحال

[Samir Elshahawy]

شكرا لحضرتك واهتمامك بينا .. ربنا يكرمك ويباركلك
انا حروح التوكيل اعمل صيانه العشرين الف واغير زيت وفلتر وربنا يسهل الحال

تمام كده ..
ده أسلم حل و ربنا يوفقك أن شاء الله

[khaabas]

وممكن يكون الفلتر اللى راكب موش بتاعها اصلا

[amagroup]

نصيحة للكل مش ليك لوحدك لو العربية جديده الواحد مضطر انه يتنصب عليه في انه يعمل صيانة بدري كل 5000 زي غبور ما بيقول افضل من انه يهلك عربيته او يبوظها
وخصوصا ان مدفع فيها مبلغ مش قليل
يعني بجملة المبلغ بتعها

[elmo7amed]

والله يا جماعه انا تعبت فعلا وكل كلام حضراتكم مظبوط .. المهم
انا روحت انهرده طبعا الصبح بدرى اول مصحيت لانى نمت وقلبى بيوجعنى بصراحه زعلان قوى من الموضوع دا روحت لواحد بتاع زيوت برده بس بيقولو مركز معتمد المهم قلتله انزل شوف الفلتر وكده واربطه المهم قعد يربط فيه جاب معاه ربط يعنى نقدر نقول ان كان مربوط بنسبه 65% ربطه ومسحه وبقه تمام طبعا انا مقلق برده من كميه الزيت الموجوده بسبب التسريب قلتله نزل الزيت ولقيت ان كميه الزيت الموجوده لا تتعدى 2 لتر زهلت وحمدت ربنا انى اكتشفت الموضوع بدرى طبعا غيرته بزيت موبيل 1 10000 كم وغيرت الفلتر والدنيا بقت تمام ... اما عن المركز المعتمد فمكنش عارف كميه الزيت اللى تتحط قد ايه وسالنى وطبعا انا كمان مش عارف بس قولتله حط 3.5 بالفلتر وكلمت واحد صحبى قالى 3.25 المهم قالى عادى .. والحمد لله اطمنت ان مافيش مشاكل .. خلو بالكم يا جماعه من اللى بيحصل دى


ومعلش ليا حبه اسئله كمان

هل التغير من زيت شل لزيت موبيل 1 فى اى ضرر وايهم افضل
ايه الكميه المطلوبه لتغير الزيت ...كام لتر
هل كميه اللترات اللى كانت موجوده ال 2 لتر اثرت على اى حاجه فى العربيه وشكرا

واسف جدا للاطاله

[khaabas]

فى الكتالوج ٣.٦ لتر بالفلتر و ٣ من غير الفلتر ولما سالت وانا بستلم العربية قالى ٣.٥ بالفلتر و ٣ من غير
شل احسن واللى احسن منهم كاسترول ايدج وهاته من محطات طاقة اضمن

[Samir Elshahawy]

والله يا جماعه انا تعبت فعلا وكل كلام حضراتكم مظبوط .. المهم
انا روحت انهرده طبعا الصبح بدرى اول مصحيت لانى نمت وقلبى بيوجعنى بصراحه زعلان قوى من الموضوع دا روحت لواحد بتاع زيوت برده بس بيقولو مركز معتمد المهم قلتله انزل شوف الفلتر وكده واربطه المهم قعد يربط فيه جاب معاه ربط يعنى نقدر نقول ان كان مربوط بنسبه 65% ربطه ومسحه وبقه تمام طبعا انا مقلق برده من كميه الزيت الموجوده بسبب التسريب قلتله نزل الزيت ولقيت ان كميه الزيت الموجوده لا تتعدى 2 لتر زهلت وحمدت ربنا انى اكتشفت الموضوع بدرى طبعا غيرته بزيت موبيل 1 10000 كم وغيرت الفلتر والدنيا بقت تمام ... اما عن المركز المعتمد فمكنش عارف كميه الزيت اللى تتحط قد ايه وسالنى وطبعا انا كمان مش عارف بس قولتله حط 3.5 بالفلتر وكلمت واحد صحبى قالى 3.25 المهم قالى عادى .. والحمد لله اطمنت ان مافيش مشاكل .. خلو بالكم يا جماعه من اللى بيحصل دى


ومعلش ليا حبه اسئله كمان

هل التغير من زيت شل لزيت موبيل 1 فى اى ضرر وايهم افضل
مافيش مشكلة كلهم واحد طالما أنك بتلتزم بنفس مواصفات الزيت اللي مكتوب في الكتالوج
لكن أنا في رأيي أن شل أفضل من موبيل
و المرة الجاية حاول تجرب ليكوي مولي أو فالفولين

ايه الكميه المطلوبه لتغير الزيت ...كام لتر
بالفلتر المفروض 4 لتر الا ربع تقريبا
عموما خليك علي المقاس زي مافهمتك قبل كده
الزيت لايجب أن يتخطي علامة الماكس و لا يقل عن علامة الميني

عموما يوم كده و قيس تاني و لو الزيت ناقص زوده من الباقي معاك في الجركن


هل كميه اللترات اللى كانت موجوده ال 2 لتر اثرت على اى حاجه فى العربيه وشكرا
لا أعتقد لأن طالما الزيت أعلي من مستوي الميني علي المقاس مش هايحصل حاجة

واسف جدا للاطاله

الحمد لله اللي جت علي قد كده

[elmo7amed]

فعلا الحمد لله انها جت لحد كده

شكرا لحضرتك جدا جدا جدا جدا