عندى مشكلة فى فيرنا لما بدورها بتطفى لوحدها

[ggaamm]

السلام عليكم ورحمة الله وبركاته


النهاردة ياشباب ظهرتلى مشكلة اول مرة تحصل معايا

انا نزلت الصبح بالعربية وكانت زى الفل .. ركنت حوالى نص ساعة كده وجيت ادورها

العربية تدور بالظبط 3 ثوانى وتترجرج جامد كده وتطفى !!

عملت كده حوالى 4 او 5 مرات وبعدين سبتها شوية ودورتها وزودت بنزين جامد دارت بدون مشاكل

مشيت بيها حوالى 30 كيلو كده وجيت ركنت شوية وبدورها نفس الكلام بس المرة دى ماطولتش دارت بعد تالت مرة تقريباً

لكنى لاحظت ان العربية فيها هزة خفيفة خالص كده كأنها مش مظبوطة بس بعد مامشيت بيها شوية بطلت وشغالة عادى

روحت للكهربائى حطهالى عالجهاز ماطلعتش اى ايرور !!!!


ده ممكن يكون من ايه بقى ؟؟

منتظر ردودكم يا اجدع أعضاء

[khaabas]

رشاشات او طرمبة بنزين

[katoba]

ممكن حساس كرنك

[ggaamm]

رشاشات او طرمبة بنزين

ما أنا اسه مغير طرمبة على عيب ماكنش سببه الطرمبة اصلاً :)

طيب وموضوع الرشاشات ده يظهر فجأة ؟؟

[ggaamm]

ممكن حساس كرنك

طيب ده اعرفه ازاى ؟؟
ما انا كشفت عليها ماطلعتش اى عيب !!!

[drmohamedkhater]

بص يا سيدى على الحاجات دى
1- فلتر بنزين او طرمبة بنزين -و الغلب الفلتر
2- بوجيهات و اسلاك البوجيهات
3- حساسات العربيه كلها و خاصة حساس السالنسيه ( بص على الفيش بتاعتهم و نظفهم كويس )
و ان شاء الله حاجة بسيطة بس ابقى قول لنا لاقيت ايه و حليته ازاى

[alaamousa]

متابع

[ggaamm]

بص يا سيدى على الحاجات دى
1- فلتر بنزين او طرمبة بنزين -و الغلب الفلتر
2- بوجيهات و اسلاك البوجيهات
3- حساسات العربيه كلها و خاصة حساس السالنسيه ( بص على الفيش بتاعتهم و نظفهم كويس )
و ان شاء الله حاجة بسيطة بس ابقى قول لنا لاقيت ايه و حليته ازاى

أولاً شكراً لمرورك ياباشا
ثانياً بالنسبة للفلتر فأنا مغيره تقريباً بعد عيد الأضحى بحاجة بسيطة
والطرمبة والله ماكملتش 3 شهور غيرتها غلط بسبب مشكلة تانى ملهاش علاقة بالطرمبة
والحساسات فأنا معرفش فيها قوى لكن انا من حوالى شهر كده نضفتهم كلهم حتى كانت اوقات العربية بتعلى لوحدها ولما نضفتهم بطلت

طيب ممكن تقولى الحساسات اللى في الفيرنا ايه هى بالظبط يعنى كام حساس واسمائهم وكده ؟؟؟

اما بالنسبة البوجيهات والأسلاك والله لسه جايبهم من اسبوعين تلاتة كده
بس فى النقطة دى انا ليا ملاحظة ، انا لما روحت جبت السلك جبت سلك قلت للراجل انا عاوز سلك بوجيهات فيرنا جابلى سلك كده شبه بتاع اللانوس فيه صفيحة كده مدورة فى الآخر

فقلتله لأ مش هو ده راح جابلى سلك مكتوب عليه هيونداى اكسيل وطلع هو!!!
مع العلم ان عربيتى 1500 مش 1600 فهل موضوع السلك ده يدل على حاجة ؟؟
يعنى ممكن يكون اللى فيها موتور اكسل مثلاً ولا هى ال فى الفيرنا 1500 كده ؟؟

[ggaamm]

متابع

تنور ياباشا

[drmohamedkhater]

انا كمان معايا فيرنا 2006 - 1500
بص على الفيش بتاعة الحساسات (( حساس الايدل بالذات )) افضل شئ تروح لميكانيكى بيفهم طالما مافيش مشكلة ظاهرة قدامك سهلة الحل - راجع على كل الفيش اللى فى الكبوت و شوف الفيوزات واجع عليها كويس لو لقيت كل حاجة ظاهرة قدامك تمام روح لميكانيكى يفك الحساس بتاع الايدل و ينظفه كويس - او شوف لو محتاج تغيير
و ربنا معاك - المهم لما توصل لحل متنساش تفيدنا حصل ايه معاك
الاسلاك طبعا تفرق معاك لأن معظم الاكسيل كربراتير مش انجيكشن - العربية 1500 الموتور بيفرق عن ال 1600 كتير فى الشكل و الحجم و قطع الغيار طبعا - قطع الغيار بيكون مكتوب عليها هيونداى اكسنت 1500 - وليس اكسل
ربنا معاك مرة تانيه و ابقى طمنا

[ggaamm]

انا كمان معايا فيرنا 2006 - 1500
بص على الفيش بتاعة الحساسات (( حساس الايدل بالذات )) افضل شئ تروح لميكانيكى بيفهم طالما مافيش مشكلة ظاهرة قدامك سهلة الحل - راجع على كل الفيش اللى فى الكبوت و شوف الفيوزات واجع عليها كويس لو لقيت كل حاجة ظاهرة قدامك تمام روح لميكانيكى يفك الحساس بتاع الايدل و ينظفه كويس - او شوف لو محتاج تغيير
و ربنا معاك - المهم لما توصل لحل متنساش تفيدنا حصل ايه معاك
الاسلاك طبعا تفرق معاك لأن معظم الاكسيل كربراتير مش انجيكشن - العربية 1500 الموتور بيفرق عن ال 1600 كتير فى الشكل و الحجم و قطع الغيار طبعا - قطع الغيار بيكون مكتوب عليها هيونداى اكسنت 1500 - وليس اكسل
ربنا معاك مرة تانيه و ابقى طمنا

تمام خالص
شكراً لمرورك ياباشا
وأنا بإذن الله هطل عالتوكيل كده وشوف الدنيا عشان الواحد تعب

هعمل كشف اعطال واشوف النظام

وبإذن الله هرجع أقلكم آخر التطورات من تانى

شكراً ليك مرة تانى على مرورك