مشكلة فى فرامل النترا 2012

[emadhamdy]

سلام الله عليكم

عربيتي نيو النترا 2012 الشكل الجديد بقالها معايا تقريبا سنه خليجي كويتي هاي لاين

انهرده وانا في طريقي الي شغلي بالمعادي مع نزله كوبري دجله وقفت عربيه قدامي بشكل مفاجئي
المهم دوست فرامل جامد جدا والعربيه وقفت كويس جدا مع الاي بي اس

بعد ما مشيت حوالي خمسين متر بضرب فرامل عشان مطب صناعي لاقيت دواسه الفرامل رجعت لوراء خالص والعربيه بتهدي مش بتوقف علي طول

وقفت علي جمب وبصيت علي زيت الفرامل لاقيته مظبوط جدا ومليان

رجعت بيها ومكملتش يومي في الشغغل بسبب خوفي ورجعت بيها علي البيت وانا سايق بحظر جدا وخايف ارجو المساعده

مع العلم ان عربيتي خليجي كويتي وليس لها ضمان ومش عارف اعمل ايه

وجزاككم الله خيرا

[Samir Elshahawy]

طيب يا ريت تدخل علي الموضوع ده و تتواصل مع الباشمهندس / هاني

و أنا أن شاء الله هأتابع معاه

http://www.nilemotors.net/Nile/287642-speed-service-center-enghany.html

[elmo7amed]

ربا معاك وان شاء الله خير وابقه طمنااااا

[Kareem.ElAraby]

متابع

[AHMEDCAR]

و انت راجع بيها فضل بدال الفرامل واطى برضو ولا اتعدل معاك

[emadhamdy]

سلام الله عليكم جميعا
بعد تغيير ماستر فرامل عمومي الفرامل بقت كويسه لكن دوواسه الفرامل بتنزل معايا مشوارها طويل عشان العربيه تقف ورجعت بيها للميكانيكي اللي ركب ماستر الفرامل قالي انا ظبطلك هواء الفرامل للاربع عجلات ومعنديش حاجه تاني اعملها........ هل حد عنده حل

[heldin_67]

السلام عليكم
أظن أن أفضل شىء تقوم به هو التوكيل
الفرامل هى أهم شىء في السياره و تذكر دائما أن السياره اذا لم تقودها و بها فرامل ممتازه فستكون آداة قتل متحركه
عافانا الله و اياكم جميعا و ستر طريقنا

[emadhamdy]

السلام عليكم
أظن أن أفضل شىء تقوم به هو التوكيل
الفرامل هى أهم شىء في السياره و تذكر دائما أن السياره اذا لم تقودها و بها فرامل ممتازه فستكون آداة قتل متحركه
عافانا الله و اياكم جميعا و ستر طريقنا

المشكله اني خليجي مش وكيل وفعلا انا بسوق العربيه وانا خايف ومحدش هنا عايز يفيدني ولا يساعدني لله الامر من قبل ومن بعد

[Kareem.ElAraby]

السلام عليكم
سيدي الفاضل مفيش حضرتك مبدأ ان احنا مش عاوزين نفيدك نهائي و انا متأكد من اللي بأقوله
كل ما في الامر ان ملاك العربيه ما واجهتهمش المشكله ديه
و اللي مش من الملاك زي انا مثلا ما أعرفش ايه الحل و ما أعرفش حد واجهته المشكله ديه و حلها
و الصراحه انا أقولك ما أعرفش أحسن ما أفتي عليك و أسوحك أو أضللك
غير ان المهندس سمير قال لحضرتك علي المهندس هاني صاحب مركز خدمه سبيد و ده كان شغال في التوكيل و كنت بأروحله مخصوص قليوب (معايا 2011 الشكل اللي قبليك) رجل محترم و فاهم و هادي في الكلام يسمعك للاخر و يرد عليك ولا نزكي علي الله أحد و نحسبه علي خير
معلش طولت عليك و ربنا ييسرلك و تتحل مشكلتك و يفك همك يا رب ان شاء الله
بالتوفيق
و لو احتجت أي حاجه اسألنا و نرد عليك اتمني أقدر أفيدك
السلام ختام

[youssef_u]

معلش يا باشا في الحكاية دي انسى الضمان واطلع عالتوكيل ،،،، تدفع 1000 جنيه تصليح افضل من انك لا قدر الله تخسر العربية بسبب حادثة

[heldin_67]

حاول تسأل في التوكيل حل المشكله حيتكلف كام و أيضا" اسال علي عنوان المهندس هاني صاحب مركز خدمه سبيد و ربنا يستر

[Samir Elshahawy]

أخي الفاضل ..

زي ما المهندس / كريم قال لحضرتك , أحنا هنا لاندعي أننا خبراء الهيونداي أو نعلم كل كبيرة و صغيرة و المنتدي هدفه هو تبادل المعلومات و الخبرة بين الاعضاء , بمعني أن لو أحدا منهم واجهته نفس مشكلتك لن يتأخر في الرد عليك و لكن ...

مشاكل الفرامل قد تكون نادرة و خاصة في الألنترا md لأن العربية جديدة بالاضافة أن لا أحد يرغب في أن يفتي في موضوع الفرامل لأنها حساسة و مشاكلها قد تؤدي الي هلاك و العياذ بالله

لذا كلنا نصحناك أن تلجأ الي التوكيل أو مركز متخصص و أنا شخصيا أشرت عليك بالمهندس / هاني و حتي لو عايز تكلمه في التليفون الراجل مش بيتاخر و هايرد عليك و يقول لك تعمل أيه

و بنعتذر لحضرتك علي عدم قدرتنا علي مساعدتك بالشكل المطلوب و نحن دائما في خدمتك و تحت امرك في أي وقت

[Nashaat Rady]

أخي الفاضل ..

زي ما المهندس / كريم قال لحضرتك , أحنا هنا لاندعي أننا خبراء الهيونداي أو نعلم كل كبيرة و صغيرة و المنتدي هدفه هو تبادل المعلومات و الخبرة بين الاعضاء , بمعني أن لو أحدا منهم واجهته نفس مشكلتك لن يتأخر في الرد عليك و لكن ...

مشاكل الفرامل قد تكون نادرة و خاصة في الألنترا md لأن العربية جديدة بالاضافة أن لا أحد يرغب في أن يفتي في موضوع الفرامل لأنها حساسة و مشاكلها قد تؤدي الي هلاك و العياذ بالله

لذا كلنا نصحناك أن تلجأ الي التوكيل أو مركز متخصص و أنا شخصيا أشرت عليك بالمهندس / هاني و حتي لو عايز تكلمه في التليفون الراجل مش بيتاخر و هايرد عليك و يقول لك تعمل أيه

و بنعتذر لحضرتك علي عدم قدرتنا علي مساعدتك بالشكل المطلوب و نحن دائما في خدمتك و تحت امرك في أي وقت

+111111