افضل زيت للفيرنا

[p r i n c e]

سلام عليكم يا رحالة هيونداي
كنت عاوز اعرف احسن نوع زيت احطه لل فيرنا بتاعتي
انا اشتريتها عاملة 13 الف كيلو و شوية من واحد قريبي و قالي غيرلها زيت على 15 ألف كيلو و انا وصلت لل 15 الف
احطلها زيت اي بالظبط؟
و بيقعد قد ايه؟
و ازاي اعرف الزيت ناقص ولا لأ عشان اعرف اغيرو ولا لأ؟
و بالمرة معلش سؤال أخير اعرف زيت ال باور ناقص ولا لأ ازاي؟
آسف على الاطالة معلش اخوكم اول مرة يركب عربية و مش فاهم اي حاجة ف اي حاجة

[mero100]

الفيرنا موصي ليها بشل ... و حط التخليقي بالكامل .

[p r i n c e]

قصد حضرتك ايه ب التخليقي ب الكامل؟
شيل ألترا؟ ال بيقعد 10 الاف كيلو؟
و ياريت لو حضرتك تقولي سعرو كام و شكرا على ردك

[apoadel_vip]

شيل الترا هيلكس 10 الاف
انا اخر مره اشتراته من عندي في الشرقيه من حوالي اسبوعين كان 255 جنية

[p r i n c e]

شكرا جدا يا باشا

[dolly13]

شل التخليقى كويس جدا مع الفيرنا وافضل بكتير من موبيل
بس اعتقد هو بقى اغلى من كدة شوية
بالتوفيق

[m7mda7md]

انا جربت موبيل xhp و شيل الاصفر بتاع الـ 5000 و فالفولين تخليقي 5-40 و ليكوي مولي توب تك 5 - 40 و ده كان افضلهم علي الاطلاق

[p r i n c e]

شكرا جدا يا جماعة انا استقريت خلاص على شيل الترا 10000