الدركسيون الجلد قشر النترا ٢٠١٢

[Nashaat Rady]

دركسيون عربيتي النترا gls 2012 قشر و التقشير عمال بيزيد مع العلم اني عامل ٨٠٠٠ كيلو بس و مش بركن فى الشمس... هل في ال توكيل حيغيرهولي لو طلبت.... في حاجة تانية أنا نسيت اعمل صيانة ال٥٠٠٠ عشان ماكنتش اعرف أصلاً ان في صيانة ٥٠٠٠... هل حايغلسوا في حاجة زي ده..

[AlGazar2]

روح اعمل صيانه ال 5 الاف و قولوهم على الطاره

و غبور اكيد هيرخم على حاجة زى دى ده غبور

[svneleven]

لو حد كلمك علي صيانة ال 5000 قول أنها مش موجودة في دليل المالك و أنا أعرف منين أشم علي ضهر أيدي و ما حدش قالي في صيلنة ال 1000. الطارة الجلد أظن مش في الضمان لكن حاول معاهم. أنت المفروض عربيتك فتحة سقف و جنوط 16 و بلوتوث و abs و ايرباج واحدة. صح و الا ايه؟

[Nashaat Rady]

لو حد كلمك علي صيانة ال 5000 قول أنها مش موجودة في دليل المالك و أنا أعرف منين أشم علي ضهر أيدي و ما حدش قالي في صيلنة ال 1000. الطارة الجلد أظن مش في الضمان لكن حاول معاهم. أنت المفروض عربيتك فتحة سقف و جنوط 16 و بلوتوث و abs و ايرباج واحدة. صح و الا ايه؟

ان شاء الله حا عاقر معاهم و ربنا يسهل بعد كده...
بالنسبة لعربيتي، جنوت ١٦ و تكييف أوتو dual و باركينج سنسور و سنسور مطر و اتنين ايرباج و abs و بلوتوث من غير فتحة سقف، الفئة اقبل الخيرة وكيل

[Nashaat Rady]

هو غبور إيه نظام التعامل معاهم؟؟.

معافرة و ارف ولا سلسيين؟؟

[Kareem Fawzy]

اكتر توكيل مقرف حضرتك هتقابله فى حياتك
بس كله بالزعيق بيتنفذ زعق وسورى فى الكلمة قل ادبك عليهم

[Samir Elshahawy]

هو غبور إيه نظام التعامل معاهم؟؟.

معافرة و ارف ولا سلسيين؟؟

مش للدرجة دي

كلم التوكيل و أحجز صيانة ال 10,000 كم و حدد الموعد و المكان اللي يناسبك
و أنت داخل الصيانة قول لمهندس الاستقبال علي الطارة و اي مشاكل أخري عندك

أما بالنسبة لصيانة ال 5,000 كم فلو أتكلموا فيها قول لهم مش موجودة في دليل الصيانة اللي مع العربية أنت هاتعرف منين يعني

و علي فكرة صيانات العربية دي زي ماهو مكتوب في الكتالوج بتاعها كل 15,000 كم

[mn3em]

دركسيون عربيتي النترا gls 2012 قشر و التقشير عمال بيزيد مع العلم اني عامل ٨٠٠٠ كيلو بس و مش بركن فى الشمس... هل في ال توكيل حيغيرهولي لو طلبت.... في حاجة تانية أنا نسيت اعمل صيانة ال٥٠٠٠ عشان ماكنتش اعرف أصلاً ان في صيانة ٥٠٠٠... هل حايغلسوا في حاجة زي ده..

ممكن يا باشا نستغل امتلاكك للالنترا والتيدا وتقولنا ايهما أفضل ؟
لو ينفع مقارنه كده ما بينهم يبقي كتر خيرك
لأني بفكر ان شاء الله أغير قريب بس مش عارف اخد قرار بينهم

[toty_305]

-يا أستاذ فرع العبور ممتاز مفيش الرغي اللي الناس بتقول عليه :b4_592:
-بس هم عندهم مشكله زي اي توكيل الصيانه بتاخد و قت كبير
-بيغيروا الحاجه اللي في الضمان بسهوله و أنا واحد مجرب مش بفتي أهم حاجه الصيانه الدوريه و مش تخاف مش هيرخموا ف صيانه 5000

[د.محمود صلاح]

نفس الشيء حاصل معايا في الهيونادي سنتافي .. وفي الصيانة القادمة هعملهم باللو

[Nashaat Rady]

ان شاء الله

نفس الشيء حاصل معايا في الهيونادي سنتافي .. وفي الصيانة القادمة هعملهم باللو

ان شاء الله لما تروح وافينا بالأخبار ... أنا نسافر دلوقتى و راجع بعد ٤ أسابيع ان شاء الله و برده لما أروح ان شاء الله فرع العبور حاوافيكوا بالاخبار

[Nashaat Rady]

تؤمر يا أستاذ منعم

ممكن يا باشا نستغل امتلاكك للالنترا والتيدا وتقولنا ايهما أفضل ؟
لو ينفع مقارنه كده ما بينهم يبقي كتر خيرك
لأني بفكر ان شاء الله أغير قريب بس مش عارف اخد قرار بينهم

أنا حبتديلك طبعاً بالسعر. التيدا سعرها منافس جداً بالنسبة لأسعار السوق المجنونة اليومين دول بتتراوح ما بين ١٢٣ ألف و ١٣٦ ألف هاتشباك و سيدان. أما الإلنترا فاتجننت و بأسمع أسعار مختلفة من كل مكان لكن عامتاً تتراوح بين ١٤٠ ألف و ١٧٥ ألف.

فطع الغيار محصلة بعضها.

الإلنترا طبعا أكبر.

الثبات واحد تقريبا... يعني الإلنترا تتفوق سنة

التسارع برده تقريبا واحد

الخامات الداخلية الإلنترا افضل قليلاً.

كراسي الإلنترا افضل و أريح بكثييييير

عزل التيدا افضل عند غلق النوافذ

العفشة جيدة في الاثنين. التيدا انشف سنة... مع العلم ان السيارتين اللي معايا فيهم جنوت.

الشكل الخارجي للالنترا يتفوق بكثير و الداخلي كمان.

عواما الأمان في التيدا أكثر ... 2airbags, abs, ebd, bas, و صاج سميك نسبياً
الإلنترا 2airbags, abs, فقط
و اقل فئة في التيدا تفس عوامل الأمان
اقل فئة في الإلنترا فيها airbag واحدة فقط بدون abs.

ده اللي على بالى دلوقتي. أي أسئلة اخري، أنا في الخدمة.

[Nashaat Rady]

قسم المقارنات

ممكن يا باشا نستغل امتلاكك للالنترا والتيدا وتقولنا ايهما أفضل ؟
لو ينفع مقارنه كده ما بينهم يبقي كتر خيرك
لأني بفكر ان شاء الله أغير قريب بس مش عارف اخد قرار بينهم

أنا عملت موضوع في قسم المقارنات عشان نستفاد من آراء ناس تانية برده

[svneleven]

ان شاء الله حا عاقر معاهم و ربنا يسهل بعد كده...
بالنسبة لعربيتي، جنوت ١٦ و تكييف أوتو dual و باركينج سنسور و سنسور مطر و اتنين ايرباج و abs و بلوتوث من غير فتحة سقف، الفئة اقبل الخيرة وكيل

ديه كده اللي كانت ب 157 ألف؟ لكن غريبة أن فيها كل ده و ما فيش فتحة سقف. أنا عربيتيكانت ب 141.5 ناقصة عنك التكييف الأوتو و الباركينج سنسنور و سنسور المطر و ايرباج واحدة و مع ذلك فيها فتحة سقف. غبور ده بيلاعبنا علي الشناكل.

[Nashaat Rady]

ديه كده اللي كانت ب 157 ألف؟ لكن غريبة أن فيها كل ده و ما فيش فتحة سقف. أنا عربيتيكانت ب 141.5 ناقصة عنك التكييف الأوتو و الباركينج سنسنور و سنسور المطر و ايرباج واحدة و مع ذلك فيها فتحة سقف. غبور ده بيلاعبنا علي الشناكل.

أنا جبت عربيتي ب١٤٤٫٠٠٠ شهر ٤ / ٢٠١٢ أيام ما كان عامل خصم ٣٠٠٠ جنيه بناسبة المعرض و كانت الhigh line ساعتها ب ١٥٧٫٠٠٠ تزيد فتحة سقف و مثبت سرعة و سمارت ستارت و فرش جلد حقير.