ارجو المساعده من الجميع اخيكم محتار وها اتجنن

[ashb60]

السلام عليكم اولا احب اشكر كل اعضاء المنتدى والقائمين عليه لانى بجد بستفاد منكم اووووووى
نيجى بقى للموضوع الى منغص عليه حياتى اليومين دول انا محتار ما بين عربيتين
الاولى عربيه نوبيرا موديل 2008 فابريكا برة وجوة عامله على العداد 47000 كيلو متر شرعى ومش ملعوب فيها والعربيه بيتى بمعنى الكلمه وبحاله الزيرو وصاحبه طالب فيها 58000
العربيه التانيه هيونداى كوبيه 2005 رشه برة وحالته جيدة وعامله على العداد 120000 كيلو وصاحبه طالب فيها 62000 حالتها جيدة حضرتكو ترشحولى انهى عربيه فيهم وايه عيوب ومميزات كل واحدة فيهم وياريت لو اسعار قطع غيار الكوبيه اشكرم واسف على الاطاله

[ashb60]

كل دى مشاهدات ومافيش رد واحد هو انا حسدتكو ولا ايه

[Nashaat Rady]

كل دى مشاهدات ومافيش رد واحد هو انا حسدتكو ولا ايه :h_angry[1]::h_angry[1]::h_angry[1]::h_angry[1]::h_angry[1]::h_angry[1]::h_angry[1]::h_angry[1]::h_angry[1]:

ببساطة انت بتقارن سيارتين مالهمشي أي علاقة ببعض...
بس ما علينا، أنصحك ابعد عن المستعمل اللي ماشي كم كتير..
تاني حاجة، شوف انت اه احتياجاتك عشان الكوبيه سيارة ليست بالعائلية تماماً لكن النوبيرا تشيل أسرة عادي جداً
قطع غيار النوبيرا رخيصة جداً ... و معندكش فكرة عن قطع غيار الكوبيه

[Moh.Hassan]

خليك فى النوبيرا وتوكل على الله بس كدة سعرها عالى شوية حاول معاة حتى 52000 جنية