عربيتى الالنترا 2008 مش راضية تدور و الميكانيكى مش فاهم حاجة؟

[mafifi2000]

السلام عليكم
الاخوة الكرام
معى سيارة النترا 2008 اتوماتيك تم غسل الموتور فى محطة البنزين وبعدها مشيت حوالى 500متر
وركنت اشترى حاجة رجعت ادورها مش عاوزة تدور الموتور بيلف كانها قاطعة بنزين بس مش بدور
حد عندة فكرة العطل فين لان الميكانيكى محتاس فيها
ولكم منى كل التحية والاحترام

[dr.hazem]

حتلاقي اما الكونترول او حساس من الحساسات عليه ميه ومحتاج ينشف....
وممكن من كتر محاولات التدوير البوجيهات رطبت كمان...
يفضل تصبر عليها شويه هتنشف وتبقى تمام...
لو مستعجل لازم ترجع للمغسله ينشف بالهوا كويس....
وعموما لا ينصح ابدا بغسيل الماتور بالميه....
تحياتي

Sent from my SE Arc S using Forum Runner

[exact]

تجفيف كامل لكل الفيش بالهوا المضغوط

[khaabas]

والله انا خايف يكون الكنترول لا قدر الله حصله حاجة

[yousefsemsem]

باذن الله خير بس بصراحه ماتزعلش مني هو الكنترول لان الكنترول في الحوض جنب فلتر الهوا والميه لازم هتكون جت عليه بس ربنا يستر ومايطلعش هو

[samihanwar]

اللى انت عملتو ده انتحار بمعنى الكلمه
هو فى حد يغسل الموتور بميه وكمان فى البنزينه
ربنا يستر وتيجى سليمه
خير انشاء الله

[M.Al-Hefnawy]

الكنترول لما بيجي عليه ميه بيعمل كده ... كانت عندي بس ميه المطر دخلت جوة مش عارف ازاي المهم روحت لواحد بتاع تصليح كنترولات وما لاقاش فيه حاجة وبعدها بيومين دارت كويس بدون مشاكل.
أنفخ الكنترول كويس بالهوا وفيه 2 فيشة على الفتيس بتوع الحساسات وإن شاء الله تبقى تمام

[mafifi2000]

شكرًا للأخوة الكرام ومازالت أجرب كل الوصفات
لعلة خير إنشاء الله وشكرا للاهتمام جزاكم
الله خير

[METOELESSAWY]

++++1

[msobhy]

متابع - وربنا يسترها مع حضرتك وتتطلع حاجه بسيطه

[mafifi2000]

شكرًا. لكل من ساهم بفكرة لمحاولة الإصلاح

ولكم منى كل التحيه

[Hacker5]

طب ماتشوف طرمبة البنزين