زيت الفتيس

[john55]

انا كنت بتسلي بقراءه مانيول العربيه لقيت ان زيت الفتيس الاوتو في الوضع الاستخدام الشاق للعربيه بيتغير كل 100000الف كيلو ولو مانيوال 120000الف كيلو لكن التوكيل بيقول كل 40000كيلو ايهما اصدق الكتيب ولا التوكيل وشكرا

[drmohamedkhater]

اعتقد 40000 كيلو بس معظمنا بيطنش و بيزوده بس
ان شاء الله انا هغير زيت الفتيس خلال الكام يوم دول
و العربيه فيرنا 2006 - 1500 سى سى عاملة 160 الف كيلو
و بصراحة انا شاريها من اخويا و معرفش اذا كان غيرلها زيت فتيس قبل كدا ولا لاء
هغيره و اقول لكم ايه اللى حصل ان شاء الله

[Dr'AhmZZong]

الظروف التشغيل القاسية هي بالظبط ظروف العربية في مصر ..

زي دول :


A — Driving under dusty conditions
طرق متربة و رمال
B — Driving repeatedly short distances
ديما بتمشي مسافات قصيرة كتير
C — Towing a trailer or caravan
بتجر عربيات
D — Extensive idling
تشغيل المحرك كتيييير على idle مثلا 650 rpm
E — Driving in extremely adverse weather conditions or in areas where ambient temperatures are either
extremely low or extremely high
بتمشي في بلد حر جدا أو سقعة جدا
F — Driving in high humidity areas or in mountainous areas
بتشمي في بلد كلها رطوبة
G — Driving in areas using salt or other corrosive materials
مش فهمها بصراحة ههههههههه
H — Driving on rough and/or muddy roads or in the desert
طرق ناشفة أو زلقة أو طبعا صحراء
I — Driving with frequent use of braking or in mountainous areas
دائم لاستخدام للفرامل

لو فعلا مكتوب كده عند حضرتك يبقى امشي مع الكتالوج لانه قال ظروووووووف تشغيل قاسية و سيبك من التوكيل

تحياتي ..

[m_medo]

المانيوال 60000 والله اعلم

[Dr.M_baz]

كلامك صحيح تقريبا معظم العربيات إللي فيها الفتيس الجديد (6 سرعات ستيبترونيك) مكتوب في كتالوجها من 100 - 120 ألف حسب ظروف التشغيل وكمان شالوا مقاس زيت الفتيس منها عشان تنساه....

[Samir Elshahawy]

انا كنت بتسلي بقراءه مانيول العربيه لقيت ان زيت الفتيس الاوتو في الوضع الاستخدام الشاق للعربيه بيتغير كل 100000الف كيلو ولو مانيوال 120000الف كيلو لكن التوكيل بيقول كل 40000كيلو ايهما اصدق الكتيب ولا التوكيل وشكرا

للأسف مهندسين كتير(الا من رحم ربي) بالتوكيلات و حتي التوكيلات اللي بيقولوا عليها محترمة للعربيات الوااااااو اللي مش كوري و لا صيني مايعرفوش حاجة عن كتالوج العربية و بيغيروا كل حاجة و اي حاجة علي عدد كيلومترات اقل علشان يحققوا مبيعات لقطع الغيار عندهم اللي التوكيل بيكسب منها مبالغ طائلة أكثر من السيرفيس نفسه

[Samir Elshahawy]

الظروف التشغيل القاسية هي بالظبط ظروف العربية في مصر ..

زي دول :

g — driving in areas using salt or other corrosive materials
مش فهمها بصراحة ههههههههه

يعني لو العربية بتمشي في مناطق التربة أو الجو فيها يحتوي علي نسب عالية من الأملاح أو المواد الأكلة للمعادن

مثال علي ذلك :

- لو العربية بتمشي علي طرق أو اماكن ساحلية قريبة من البحر و الارض رمليه بها أملاح

- لو بمواقع شركات البترول و البتروكيماويات و أرصفة شحن المواد الكيماوية بالمواني