زنة في العربية وهي على السلانسيه

[alaamousa]

السلام عليكم ورحمة الله وبركاته اصدقائي واعضاء هيونداي الاعزاء
عندي مشكلة يارب نقدر نحلها مع بعض باذن الرحمن
عندي زنة في العربية وهي على السلانسيه رهيبة مش ممكن اوصفهالكوا
نرجع لتفاصيل الموضوع .......
كنت عند الميكانيكي بغير الفلاتر وكده وفجأة وهو تحت العربية قاللي الحق يا بشمهندس
قواعد القنطرة عندك مكسورة عايزة تتغير العربية كانت تمام وهادية وجميلة
المهم بعد ما غيرت القواعد حسيت العربية مشدودة وبتزن سألته قاللي عشان جداد لين وهي تروح
ومن ساعتها وانا في دوامه الزنة مراحتش روحتله وناس نصحتني بالشحم الامريكي
جبته ومفيش فايدة روحت لميكانيكي تاني قاللي القواعد الجديدة مضروبة عليك وعلى الاستيراد
ولا حياة لمن تنادي
جبتهم ومفيش فايدة قاللي القنطرة بايظة وهي اللي عاملة كده مع انها كانت راكبه قبل ما اغيرهم ولا كان فيها اي حاجة
المهم غيرتها ومافيش حاجة اتغيرت بجد تعبت من الزنة دي عاملالي وش في دماغي
مش عارف اعمل ايه انصحوني بارك الله فيكم......
معلش طولت عليكم ياريت حد يفيدني باذن الله

[AlGazar2]

القواعد ناشفه و مضروبه لو عندك القواعد القديمه ركبها تانى
او دور على القواعد الاصليه لعربيتك جديده و اتاكد انها طريه - فى منتجات بتترش على الكاوتش بتطريه جرب ترشها عليها ممكن تنفع

[Nashaat Rady]

حضرتك محتاج عفشجي محترم فبل كل شئ، يقولك ايه بالضبط اللي محتاج يتغير و تجيبه منين و قبل ما يركبه
يشوفه كويس ولا تجيب غيره،

المشكله ان كل واحد دلوقتي يسمي نفسه عبده عفشه ولا إبراهيم مقص، و يعملك فيها نجم نجوم العفشة

و خد يا باشا و اشتري لنا دي يا زعيم و لين وهي تروح، و جماجم و حاجات بتهاجم .

الصنايعية ضمير صفرررررر و صنعة صفرييييين.

يا ريت حد هنا يشور علينا بعفشجي محترم و عنده ضمير.

أسف ان ما كنتش أفدتك، بس انا عمري ما روحت من عند عفشجي مبسوط.

تحياتي

[amdd]

بالظبط كده زى ما الاخوه قالوا
عفشجى محترم وتجيب الاصلى او تركب القديمة

[khaabas]

فعلا كده علشان جداد انا راى دور على قواعد استيراد وركبهم

[khaabas]

المشكله ان كل واحد دلوقتي يسمي نفسه عبده عفشه ولا إبراهيم مقص، و يعملك فيها نجم نجوم العفشة

و خد يا باشا و اشتري لنا دي يا زعيم و لين وهي تروح، و جماجم و حاجات بتهاجم .

الصنايعية ضمير صفرررررر و صنعة صفرييييين.


تحياتي

+111111111111111111111111 بس حلوه ابراهيم مقص وعبده عفشه هههههههههههههه

[verna2008auto]

تمام للاسف الجديد (( مضروب )) فعلا... انا جربت وخسرت
والحاجة ما اشتغلتش صح الا بالقديم بتاعها

الحل للاسف ها تجيب القديم ..( بيسموه استيراد ) وهوا ولا استيراد ولا حاجه
الله يكون في العون
ربنا يوقفلك صنايعية محترمين ان شاء الله

[moh_faheem]

الافضل انك تركب القديم احسن وجرب

[alaamousa]

تحياتي لكم اصدقائي الاعزاء بصوا انا جربت كل حاجة الحل الوحيد زي ما قولتو ان شاء الله احاول الاقي القدام بتوعي واركبهم تاني والله الستار
تحياتي لك استاذ نشأت انت انسان فعلا مش بتبخل بأي معلومة ربنا يستر طريقك وترجع بالسلامة ان شاء الله

استاذ AlGazar2
استاذ amdd
استاذ khaabas اللي شرف صفحتي المتواضعة تحية واجبة لك وكل اهل بورسعيد اللي دايما في قلوبنا
ان شاء الله نعمل مقابلة هناك لمة الامور تهدى بامر الله
طبعا زميلي وصديقي في التيم verna2008auto حبيب قلبي
استاذ moh_faheem

ربنا يجازيكوا خير على النصيحة

[alaamousa]

حضرتك محتاج عفشجي محترم فبل كل شئ، يقولك ايه بالضبط اللي محتاج يتغير و تجيبه منين و قبل ما يركبه
يشوفه كويس ولا تجيب غيره،

المشكله ان كل واحد دلوقتي يسمي نفسه عبده عفشه ولا إبراهيم مقص، و يعملك فيها نجم نجوم العفشة

و خد يا باشا و اشتري لنا دي يا زعيم و لين وهي تروح، و جماجم و حاجات بتهاجم .

الصنايعية ضمير صفرررررر و صنعة صفرييييين.

يا ريت حد هنا يشور علينا بعفشجي محترم و عنده ضمير.

أسف ان ما كنتش أفدتك، بس انا عمري ما روحت من عند عفشجي مبسوط.

تحياتي

تسلم على ردك استاذ نشأت ويكفي ردك واهتمامك المشكلة مش في العفشجي لان ده شغل ميكانيكي للاسف ياريت شغل عفشجي كانت اتحلت بفضل الله لاني الحمد لله اعرف حتت عفشجي ربنا يبارك فيه محترم وعنده ضمير بصراحة وحنين

[alaamousa]

upup

[azwoz65]

انشاء الله هقلك على حاجة تعملها بنفسك
هترش عليهم w 40
وأنشاء الله مش هتسمع الزتة دى تانى
مع تحياتى وبالتوفيق

[alaamousa]

مش عارف بس متهيألي موضوع w40 يعمل حاجة

[alaamousa]

يا سلام اذا كان حد من الاعضاء معاه قاعدتين شايلهم لوقت زنقة