مياه المساحات

[micho129]

ما هو افضل نوع

[Medicalist]

بركة

[micho129]

بركة

ياريت اللي حيرد يقول حاجه مفيده بدل الاستاذ اللي بيهرج!

[mona_881]

أظن المنتدي هدفه الأساسي التشاور في الأراء حتي تعم الفايدة علي الجميع
ومفيش داعي للتهريج هنا الأخ micho129 بيسأل سؤال ياريت اللي يعرف بس هو اللي يجاوب واللي عايز يتريأ يوفر تريأته
وأنا متضامنة مع micho129 في السؤال ياريت نعرف هل هو زي اللي بنلمع بيه الزجاج والمرايات في البيت ولا في حاجة مخصوصة لزجاج العربيات

[drmagieed]

موجود في البنزينات أنواع كتير سعرها بيتراوح ما بين 10-15 جنية بس بصراحة مش متذكر الأنواع!!! وعلي فكرة الأخ Medicalist ما بيهرجش لأن في ناس بتحط مياه معدنية في قربة المساحات!!!

[AhmedNaeem]

انا بحط ميه من الحنفية وعليها منظف زجاج
وكويس قوي

[Moh.Hassan]

هو زي اللي بنلمع بيه الزجاج والمرايات في البيت دة حاجة
الحاجة التانية فية ناس بتحط مياة وعليها بريل او فيرى بس دة بيسيب اثر وبيحتاج الزجاج يتمسح بجرنال بعديها

[Ashraf_Ibrahim]

انا افضل المياه العادية بدون اضافات :]

[Sehsss]

أنا بحط مياه من الفلتر (أو معدنية) علشان الشائب، وعليها جلانس وممتااااازة

[original]

فعلا أنا بستعمل منظف الزجاج المنزلى الأزرق وبجيب أرخص نوع من 2.5 ل 3 جنيه (نصف لتر) وبفرغ العبوة كللها فى إربة المساحات وبتبأا ممتازة وبكمل بمياه من الحنفية وفعلا بينظف كويس..
ملمع الزجاج ميزته إنه متطاير ولما بينشف مش بيسيب أثر وكمان مش مضر على صاج العربية زى الصابون العادى اللى ممكن ياكل الدهان ويعمل بارومة..
4 عبوات بيعملوا 2 لتر وسعرهم 12 جنيه مثلا أرخص من العبوات الجاهزة وحتى لو وصلوا 20 جنيه لو جبت نوع كويس هيبأا أفضل وأحسن من اللى فى السوق..

[john55]

نصف زجاجه جلانس مع نصف زجاجه مياه وبقلبهم علي بعض