من الاإفتكاسات المصرية لخداع تصوير رادار السرعة

[verna2008auto]

اعتقد ان لو غطيت النمر فبرده هتكون بارزة
يعنى برده هتتلقط

ياذميلي الفاضل ... بيقولك (( مغطيها طين )) من المطر ... وبيقولك (( شال الالوان ب نفض رومي واله ماية مار )) .. والتاني (( مدقدق عليها ب دابشة مشرشرة واله صفيحة سمنه مصدية ))
وواحد دايما يلزق ( استكر مدرسة ) علي النمر تماما ....
وفية بيشيلوها اصلا اللي ورا ويسيبو اللي قدام ..

تتلقط ازاي دي

[Samir Elshahawy]

ياذميلي الفاضل ... بيقولك (( مغطيها طين )) من المطر ... وبيقولك (( شال الالوان ب نفض رومي واله ماية مار )) .. والتاني (( مدقدق عليها ب دابشة مشرشرة واله صفيحة سمنه مصدية ))
وواحد دايما يلزق ( استكر مدرسة ) علي النمر تماما ....
وفية بيشيلوها اصلا اللي ورا ويسيبو اللي قدام ..

تتلقط ازاي دي

أي طمس أو تغيير في اللوحات أو حتي رفعها بيعرض للعقوبة كما ورد بالقانون

بس ده لو فيه حد بيطبق القانون !!

[S O P H O S]

هي مواضيع جديد بصراحة
لكن لا اعتقد انها سليمة ممكن تكون وهم
ليس الا
والله اعلم ..

[M.ABDOU]

اشترى Radar Detector وريح دماغك وامشى براحتك

بيتباع فى دول الخليج عادى وفى السعوديه متوسط تمنه تقريبا 800 ريال

[alaamousa]

هي ليه الناس دلوقتي بقوا فاكرين ان الغش شطارة

[verna2008auto]

هي ليه الناس دلوقتي بقوا فاكرين ان الغش شطارة

يا مونشير ..مش كده خالص
الحكمة ان (((( كل المصريين )))) مشهورين بالفصاحة .. والفهلوة .. وماحدش يعرف (( يغلبنا ))
فا كلنا بنتصرف من خلال هذا المنطلق

إن شاء الله يجي اليوم عن قريب ان كل ده يستغل احسن استغلال في المنفعة العامة ونبقي من اعظم الامم.

احنا عندنا قدرات عظيمة .. بس محتاجين نظهرها فالمكان الصح
بداية من التوزيعة الصح .. يعني خريج الهندسة يشتغل فتخصصة وخريج تجارة يشتغل فتخصصة اللي بيحبة وخريج العلوم يشتغل في تخصصة اللي بيحبة
ويكون الواحد
(( بيزاكر اللي يفيدة واللي هايطبقة واللي بيحبة ويفيد مجتمعة ))
الموضوع عاوز اجيال !!!

[verna2008auto]

اشترى radar detector وريح دماغك وامشى براحتك

بيتباع فى دول الخليج عادى وفى السعوديه متوسط تمنه تقريبا 800 ريال

فكرة ممتازة يامومبيك ......

[exact]

بخصوص الشريط الفضي ده زيه زي العلامة المائية في الفلوس ومفيش عندنا لوحات ذكية وليس من ورائة شئ سوى منع التزوير
الرادار يعتمد في الأساس على شعاع ليزر (عادي او انفرا ريد) ويطلق شعاعين بزاوية معينة ويقوم بحساب الوقت الذي استغرقته لقطع الشعاعين ومنه يقوم باستنتاج معدل السرعة بمنتهى الدقة والتمييز للسيارات من بعضها... فهو مثلا لو عربيتين عدوا جنب بعض وواحد سريع وواحد بطئ ومداري عليه فهو بيميز ما بينهم ولو كان متداري جدا فمش هيسجل المخالفه عالبطي (وده عن كذا تجربة شخصيه)

بخصوص التصوير... بيعتمد على كاميرا ذات بعد بؤري متغير ولها قدرة عالية على التركيز على المشهد وسرعة تصوير في زمن يقل عن 10 مللي ثانية وبالتالي تعطي صور واضحة جدا للأجسام المتحركة (مهما كانت سرعتها)

يتحكم في النظام (الراصد والكاميرا) ما يشبه الكمبيوتر يتم اعطاؤه امرا بحد السرعة المسموح ليتخذ قرار التصوير

بخصوص التصوير النهاري فده غالبا ملوش حل الا بطمس اللوحات مباشرة... اما الليلي فده بيعتمد اساسا على الفلاش وانعكاس الضوء علي البودرة الزجاجية او الطبقة العاكسة في النمر... ودي نقطة الضعف في النظام... انك تمنع الانعكاس... تصنفر النمرة بقى... تغطي الارقام السودة بورق وترش الابيض بدل ماهو عاكس بأبيض عادي... ناس بتقول سبراي مثبت الشعر بيعمل كده برضه... ممكن تخللي الارقام السوداء باهته عن طريق مسحها بجاز

[verna2008auto]

بخصوص الشريط الفضي ده زيه زي العلامة المائية في الفلوس ومفيش عندنا لوحات ذكية وليس من ورائة شئ سوى منع التزوير
الرادار يعتمد في الأساس على شعاع ليزر (عادي او انفرا ريد) ويطلق شعاعين بزاوية معينة ويقوم بحساب الوقت الذي استغرقته لقطع الشعاعين ومنه يقوم باستنتاج معدل السرعة بمنتهى الدقة والتمييز للسيارات من بعضها... فهو مثلا لو عربيتين عدوا جنب بعض وواحد سريع وواحد بطئ ومداري عليه فهو بيميز ما بينهم ولو كان متداري جدا فمش هيسجل المخالفه عالبطي (وده عن كذا تجربة شخصيه)

بخصوص التصوير... بيعتمد على كاميرا ذات بعد بؤري متغير ولها قدرة عالية على التركيز على المشهد وسرعة تصوير في زمن يقل عن 10 مللي ثانية وبالتالي تعطي صور واضحة جدا للأجسام المتحركة (مهما كانت سرعتها)

يتحكم في النظام (الراصد والكاميرا) ما يشبه الكمبيوتر يتم اعطاؤه امرا بحد السرعة المسموح ليتخذ قرار التصوير

بخصوص التصوير النهاري فده غالبا ملوش حل الا بطمس اللوحات مباشرة... اما الليلي فده بيعتمد اساسا على الفلاش وانعكاس الضوء علي البودرة الزجاجية او الطبقة العاكسة في النمر... ودي نقطة الضعف في النظام... انك تمنع الانعكاس... تصنفر النمرة بقى... تغطي الارقام السودة بورق وترش الابيض بدل ماهو عاكس بأبيض عادي... ناس بتقول سبراي مثبت الشعر بيعمل كده برضه... ممكن تخللي الارقام السوداء باهته عن طريق مسحها بجاز

معلومات قيمة للغاية ...
عندي سؤال محرج .... هوا الباشا مخابرات واله امن وطني

[wael30003]

احب اعمل مداخلة عكس التيار تماما

مش هبالغ لو قلت انا يوميا وانا رايح شغلى على الدائرى من التجمع الخامس - الجولف الى طريق السويس

بشوف حوادث يوميا

فى الاتجاهين وده طبعا بسبب السرعة

وطبعا كلنا اكيد بنخاف على نفسنا وعلى حياتنا

وبنخاف من حادثة قد تسبب عاهة مستديمة

واذا الحمد لله ما حصلش ده

يبقى اكيد هنخاف على عربياتنا اللى اكيد ثمنها مش جى بسهولة لمعظمنا

وحتى لو فى تامين العربية مش بترجع زى الاول

واذا رجعت زى الاول لازم تتدفع جزء من الاصلاح

وكمان عطلة لدى التوكيل - اذا كان توكيل محترم - اسبوع على الاقل

كل ده ليه عشان انا عايز اشد شوية على الطريق وبدل ما امشى 100 اخليهم 140 او 150 او 170

انا مرة جربت فى يوم امشى على الدائرى 90 -100

كنت مستريح الاعصاب جدا وما بفكرش اطلع ازاى من العربية دى وبعد كده ن الميكروباص وبعد كده الطريق قافل عليا اخد اخر حارة على اليمين - وده طبعا غلط - ياريت نقفل الكلام فى الموضوع ده

لان الموضوع هدفه جمع اكبر معلومات عن الهروب من الردار وده ضره اكبر من نفعه

وربنا يسترها علينا جميعا

[wael30003]

وشوف اللينك ده حادثة النهارده على الدائرى 30 عربية وحالة وفاة وسائق ذراعة مبتورة

http://www.nilemotors.net/Nile/338234-30.html

[exact]

معلومات قيمة للغاية ...
عندي سؤال محرج .... هوا الباشا مخابرات واله امن وطني

لا ده ولا ده يا حبي.... هو فيه مخابرات وللا امن وطني بيركب سويفت تسعينات!!!!
أنا صيدلي مطحون في البلد دي بس غاوي كهربا وميكانيك واليكترونيكس

[loshabih]

بخصوص الشريط الفضي ده زيه زي العلامة المائية في الفلوس ومفيش عندنا لوحات ذكية وليس من ورائة شئ سوى منع التزوير
الرادار يعتمد في الأساس على شعاع ليزر (عادي او انفرا ريد) ويطلق شعاعين بزاوية معينة ويقوم بحساب الوقت الذي استغرقته لقطع الشعاعين ومنه يقوم باستنتاج معدل السرعة بمنتهى الدقة والتمييز للسيارات من بعضها... فهو مثلا لو عربيتين عدوا جنب بعض وواحد سريع وواحد بطئ ومداري عليه فهو بيميز ما بينهم ولو كان متداري جدا فمش هيسجل المخالفه عالبطي (وده عن كذا تجربة شخصيه)

بخصوص التصوير... بيعتمد على كاميرا ذات بعد بؤري متغير ولها قدرة عالية على التركيز على المشهد وسرعة تصوير في زمن يقل عن 10 مللي ثانية وبالتالي تعطي صور واضحة جدا للأجسام المتحركة (مهما كانت سرعتها)

يتحكم في النظام (الراصد والكاميرا) ما يشبه الكمبيوتر يتم اعطاؤه امرا بحد السرعة المسموح ليتخذ قرار التصوير

بخصوص التصوير النهاري فده غالبا ملوش حل الا بطمس اللوحات مباشرة... اما الليلي فده بيعتمد اساسا على الفلاش وانعكاس الضوء علي البودرة الزجاجية او الطبقة العاكسة في النمر... ودي نقطة الضعف في النظام... انك تمنع الانعكاس... تصنفر النمرة بقى... تغطي الارقام السودة بورق وترش الابيض بدل ماهو عاكس بأبيض عادي... ناس بتقول سبراي مثبت الشعر بيعمل كده برضه... ممكن تخللي الارقام السوداء باهته عن طريق مسحها بجاز

مع احترامي ليك الرادار مبيعتمدش علي الليزر الا في انواع الليزر الجديده بس اما العادي اللي فمصر هوا كونتينواس ويف دوبلر رادار ودا بتاع السرعه اما رادارات الحربيه والمدنيه فبتبقي بلس رادار ....معلش بس لاني دارس رادار السنه دي :)
اما بخصوص الاسبراي وعكس النمر فللاسف كان في رادارات زمان دلوقتي لا وكان في زمان جهاز بيشوشر علي الردار بمعني الرادار مثلا بيطلع تردد 100 ميجا هرتز فلجهاز ده بيطلع نفس التردد عشان الردار ميجبش السرعه اكنك مش ماشي اساسا لان فكره الردار لو التردد اللي جي من الهدف اكبر من اللي بعته يبقي انت بتقرب عاليه لو انت بتبعد التردد هيقل وفي كلا الاحوال بيقدر يقيس السرعه...وبرده للاسف الرادارات الجديده بتغير التردد كل مره
فمفيش غير انك تشيل النمر يامي الديتكتور

[MIGOS]

والله هما شوية طين وخلاص

[verna2008auto]

مع احترامي ليك الرادار مبيعتمدش علي الليزر الا في انواع الليزر الجديده بس اما العادي اللي فمصر هوا كونتينواس ويف دوبلر رادار ودا بتاع السرعه اما رادارات الحربيه والمدنيه فبتبقي بلس رادار ....معلش بس لاني دارس رادار السنه دي :)
اما بخصوص الاسبراي وعكس النمر فللاسف كان في رادارات زمان دلوقتي لا وكان في زمان جهاز بيشوشر علي الردار بمعني الرادار مثلا بيطلع تردد 100 ميجا هرتز فلجهاز ده بيطلع نفس التردد عشان الردار ميجبش السرعه اكنك مش ماشي اساسا لان فكره الردار لو التردد اللي جي من الهدف اكبر من اللي بعته يبقي انت بتقرب عاليه لو انت بتبعد التردد هيقل وفي كلا الاحوال بيقدر يقيس السرعه...وبرده للاسف الرادارات الجديده بتغير التردد كل مره
فمفيش غير انك تشيل النمر يامي الديتكتور

معلومه حديثه ومكتمله ... وغير ((موفتاكيسه ))...
دعني احييك...