اغير من نوبيرا لفيرنا ولا مش مستاهلة ؟

[Sameh]

عندى نوبيرا ٢٠٠٨ اول يد ماشى بيها ١٢٠ الف كيلو
مش عايز اشدها تانى عشان شدتها مرة عند ٧٥ الف كيلو وغيرت حاجات دخلت فى ١٠ الاف جنيه
عايز اجيب عربية زيرو لمدة سنتين بعد كدة ابيعها بسهولة وماخسرش فيها كتير
بفكر فى فيرنا مانيوال بس خايف لو جبتها احس انى ماعملتش حاجة ودخلت فى قسط على الفاضى ، انا ماسوقتهاش قبل كدة وماعرفش عاملة اعلى ولا اقل من النوبيرا ؟؟
ممكن اقرص اوى اوى وادخل فى قسط بوما اول فئة ١٦٠٠ ، تفتكروا ايه الاحسن مع العلم انى مش هقعدها كتير ومش عايز اخسر اوى

[تامر.محمد]

الفيرنا اقل من النوبيرا , فئة اللانوس

[osama_ahmed1]

هو حضرتك اى حاجه كورى سهل اعاده بيعها ان شاء الله و بالنسبه للفيرنا هى اوطى و مش اوسع من النوبيرا بس تبع فيه فرق فى اداء الموتور والتكييف و حجم اصغر بالنسبه لشوارعنا الزحمه بالنسبه للانسر مش عارف اعاده بيعها بتكون ازاى مدام هتبيع قريب خليك فى هيونداى مش هتخسر كتير و خير ان شاء الله و مبروك مقدما

[alaamousa]

استاذي الفيرنا ئة والبومة فئة تانية خالص وطالما هتبيع يبقى باذن الله ما تقرص على نفسك وخليك في الهادي الفيرنا محترمة وجميلة وتكيفها حلو وموتورها قوي

[aldesha989]

النوبيرا افضل من الفيرنا

[devil_storm]

الفيرنا ضيقة قوى عن النيوبيرا بس انت حتكسب عربية جديده فى المقابل و اعادة بيع كويسة, عموما الفيرنا عربية ممتازة على سعرها.

[sewefy]

احسن انت عارف عربيتك وايه اللى فيها كويس خلاص انته بتقول مش هتقعد معالك فتره كبيره بيقى النبيرا هجيبك الفتره دى من غير بقى شد ولا حاجه يعنى خليك فى النبيرا افضل على الاقل فى الفتره دى وبعدين 120 الف مش كتير يعنى العربيه كويسه وكمان انته شدتها وصارف عليها يبقى ححرام تبعها دلوقت

[أبو يوسف]

ياراجل تبيع النوبيرا وتركب فيرنا ( مش بقلل من الفيرنا ) لكن النوبيرا أوسع وأحسن
بس لو عاوز تركب جديد اركب حاجة أعلى من النوبيرا
وموضوع البومة أختيار جميل انا بحبها عن نفسى
أبو يوسف

[start_wow]

النوبيرا افضل من الفيرنا

[MaZaGAngeE]

البومة و الفيرنا مش هيريحوك بعد النوبيرا
لو ممكن تاخد الاوبترا هتبقى نفس العربية تقريبا في الحجم و الثبات

[maxxmaxx]

احسن انت عارف عربيتك وايه اللى فيها كويس خلاص انته بتقول مش هتقعد معالك فتره كبيره بيقى النبيرا هجيبك الفتره دى من غير بقى شد ولا حاجه يعنى خليك فى النبيرا افضل على الاقل فى الفتره دى وبعدين 120 الف مش كتير يعنى العربيه كويسه وكمان انته شدتها وصارف عليها يبقى ححرام تبعها دلوقت

+111111111111
انا راى طالما مش هاتستنى كتير خليك فى النوبيرا عربية محترمة جداااا واكتر من رائعة

[el_nahal2004]

نوبيرا افضل من فيرنا بكتير

[Sameh]

الف شكر يا جماعة على نصائحكم المخلصة