السنتر متوصل بالكلاكس؟

[p r i n c e]

عربيتي فيرنا 2010
و انا قافلها بالسنتر اي حد يلمس ال كبوت ال كالاكس يقعد يشتغل كأنو إنذار، بيقعد يشتغل 3 مرات بعد كدا بيسكت
هل دا معناه ان اللي انا اشتريت منو العربية كان موصل السنتر بالكالاكس ولا في سلوك ملمسة او في اي مشكلة؟
ارجو سرعة الرد عشان الجيران اتخنقو من صوت ال كالاكس دا

[m7mda7md]

صوت الانذار بتاع الفيرنا صوته زي الكلاكس......... بالنسبه لموضوع الكبوت،، لما حضرتك يتقفل بالريموت نور الاشاره بينور دايما ولا لأ.... غالبا المشكله في الزرار ال تحت الكبوت بيبقي مش "متداس" عليه كويس

[p r i n c e]

طيب اوصل للزرار دا ازاي؟

[mshmshm3]

صوت الانذار بتاع الفيرنا صوته زي الكلاكس......... بالنسبه لموضوع الكبوت،، لما حضرتك يتقفل بالريموت نور الاشاره بينور دايما ولا لأ.... غالبا المشكله في الزرار ال تحت الكبوت بيبقي مش "متداس" عليه كويس

بالظبط كدة
ماتخليش اي كهربائي مش فاهم يلعب في الانذار عشان ممكن يلغي صوته يبقي مالوش لازمة
لما تفتح الكبوت علي وانت واقف قدامه علي يمينك في الاخر جوة عند الصدر هتلاقي زرار اسود صغير وهتلاقي تقريبا في الكبوت عاوتشة صغيرة لما تقفل بتدوس عليه عشان الانذار يتأكد ان الكبوت و الابواب مقفولين
ممكن يكون الكبوت مش دايس علي الزرار كدة كأن الكبوت مفتوح

[azwoz65]

ياجماعة هو يقصد أن أى يحد يلمس العربية الأنذار يشتغل
ودة أكبر دليل أن الأنذار شغال كويس
وأنتو بتقولوا ان أنذار الفيرنا صوته ذى صوت الكلاكس
فهو بيشتكى ان صوت الأنذار مزعج بالنسبة للجيران
أذن ماهو الحل ؟
أولاً : يا يلغى صوت الأنذار خالص وده سهل جداً .
ثانياً: أو يوطى صوت الأنذار وده برده سهل جداً.

[p r i n c e]

الف شكر لكل الرجالة اللي ردو
بس انا يا جماعة مش مركب انذار اساسا
بس كانت بتقعد تكلكس لوحدها بصوت عالي جدا جدا كأنة إنذار تييت تييت تييت 3 مرات ورا بعض لو حد لمس الكبوت :-d
انهاردة قفلت ال كبوت كويس.رزعتو بمعنى اصح :-d و الحمدلله بطلت الصوت المزعج دا لما حد بيلمس الكبوت

[mshmshm3]

الف شكر لكل الرجالة اللي ردو
بس انا يا جماعة مش مركب انذار اساسا
بس كانت بتقعد تكلكس لوحدها بصوت عالي جدا جدا كأنة إنذار تييت تييت تييت 3 مرات ورا بعض لو حد لمس الكبوت :-d
انهاردة قفلت ال كبوت كويس.رزعتو بمعنى اصح :-d و الحمدلله بطلت الصوت المزعج دا لما حد بيلمس الكبوت

تمام كدة