قائمه اسعارالسيارت الهيونداى (والخصومات والعروض ) ( محدث باستمرار )

[احمد دعباس]

بسم الله الرحمن الرحيم
السلام عليكم ورحمه الله
الساده اعضاء المنتدى الكرام
اقدم الى سيادتكم قائمه باسعار السيارات الهيواندى وساقوم بتحديثها دوريا ان شاء الله
واضافه الخصومات والعروض وانظمه التقسيط المختلفه ان شاء الله

واتمنى ان اكون ضيفا خفيفا على قسم الهيونداى واكون فى خدمتكم فى اى وقت
ورقم تليفونى موجود فى الملف الشخصى لاى استفسار تحت امركم


وطبعا اخر عرض من غبور اتو
خصم 3000 على الاكسنت الار بى
خصم 2000 على الفيرنا

[Samir Elshahawy]

شكرا علي الموضوع الرائع اللي كنا فعلا في أشد الاحتياج أليه
و أن شاء الله يتم تثبيت الموضوع ليكون مرجع لكل محبي هيونداي

[koj@k]

هو يعني إيه sab و dab ؟

[abdo7000]

الف شكر علي المجهود

[hossam_elwani]

مشكور بس ايه المقصود بـت sab و dab فى الالنترا ؟؟

[mody3on]

الاكسنت ب 140 والالنترا ب 183 !! لنا الله

[khaabas]

بس ليه الار بى الهاتش اغلي من السيدان مع ان السيدان احلى واذواق برضه

[devil_storm]

هو يعني إيه sab و dab ؟

مشكور بس ايه المقصود بـت sab و dab فى الالنترا ؟؟

sab = single airbag
dab = double airbag

[hossam_elwani]

بس ليه الار بى الهاتش اغلي من السيدان مع ان السيدان احلى واذواق برضه

خدها قاعده ثابته دايما الهاتش باك اغلى من السيدان بغض النظر عن نوع العربيه

[amagroup]

خدها قاعده ثابته دايما الهاتش باك اغلى من السيدان بغض النظر عن نوع العربيه

وفي البيع ارخص من السيدان

[Nashaat Rady]

انا مش مصدق نفسي، الإلنترا اللي انا جبتها من اقل من سنة بـ١٤٤ بقت بـ١٧١...

بالحسابات، الدولار وقت الشراء ٤/٢٠١٢ كان ٦،٠٤ و دلوقتي ٦،٧٤

يعني فرق سعر الدولار يخلي ثمن العربية دلوقتي ١٦١ ألف تقريباً.

جم منين بقة العشرة الزيادة دووول؟.....رد عليا يا عم غبور.

[khaabas]

انا مش مصدق نفسي، الإلنترا اللي انا جبتها من اقل من سنة بـ١٤٤ بقت بـ١٧١...

مصلحة يا كبير انتا زعلان ليه لو حبيت تبعها موش هتخسر فيها خالص واحتمال تطلب فيها 150 مع انك شريها ب 144 هههههه

[Walid_M]

بس ليه الار بى الهاتش اغلي من السيدان مع ان السيدان احلى واذواق برضه

الهاتش باك في كل حته ارخص
ولكن هنا في مصر الجمارك بتعتبر الهاتش باك فئة رياضية ورفاهية زيادة عن اللزوم , وبالتالي جمارك الهاتش باك اعلى كثير من السيدان ....
وبالتالي يصبح سعرها اعلى .....

تحياتي

[Nashaat Rady]

مصلحة يا كبير انتا زعلان ليه لو حبيت تبعها موش هتخسر فيها خالص واحتمال تطلب فيها 150 مع انك شريها ب 144 هههههه

أقولك المشكلة.... الهيونداي بقت غالية اوي... بلاش منها خالص....مش شاري هيونداي مش راكب عربيات من اصله و حكربس من بكره...

اتحلت المشكلة؟ الإجابة : لا طبعا يا برنس.

المشكلة ان وكلاء و تجار السيارات في مصر -اللي مالهاش صاحب ولا رقيب- بيخلقوا معايير جديدة لأسعار السيارات، ممكن دلوقتي يكونوا متعسفين في المبيعات، لكن مع الوقت سوف يصبح هذا أمر واقع و اسعار جديدة كليا و الدولار كان السلاح بتاعهم. وسلملي علي البنوك واقساطهم