بالنسبة للجيتز

[sanoofa84]

السلام عليكم

أنا عايزة اشترى عربية جيتز وكان معايا سيات فيورا لمدة سنتين يعنى بعرف أسوق كويس بس للامانة لغاية دلوقتى سرعتى مازدتش عن 80 و أنا سمعت كلام هنا قلقتى منها وبعدين سمعت كلام تانى خلانى مش عارفة اخد قرار. في ناس بتقول ال سبرانزا احسن بس انا اساسا مش حبة شكلها. المهم من غير ما اطول عليكو انا عايزة رأى موحد.
اسفة على التطويل و شكرا على سرعة الرد........

[dede_dodo88]

أبعدي عن الصيني و غنيله
الجيتز تقفيل كوري و عربية حلوة أوي و شكلها أحسن بكتير من الأسبيرانزا
و مساحتها من جوة حلوة أوي تقريباً أكبر من الفيرنا + تابلوه شيك
و هي مع أختي من 4 شهور و انا باخدها منها اوقات كتير و شغالة زي الفل و كله تمام الحمد لله
و انا برضه مبمشيش على أكتر من 80
لكن الشنطة صغيرة شوية لكن اوضاع الكنبة ورا بتتعدل فبتوسع مساحة الشنطة

[Nile_Storm]

الجتز عربيه جميله
تقفيل كوري موتور محترك جدا شكل شبابي تسارع جميل

توكلي علي الله

[tarekkasaby]

حضرتك العربيه فى المجمل ممتازه
لو ليكى اى استفسار او مشكله سمعتيها ممكن تقوليها و نرد عليكى

[semihuman]

يا جماعه انا بردو عايز اشارك معاكو افكاري
انا بردو عجباني الجيتز جدا و شايف انها عربيه متحرمه جدا
انا لسه متعلم سواقه جديد
كنت الاول بفكر اجيبها مانول دلوقتي بعد ما ا تعلمت سواقه بقيت افكر اجيبها اتوماتيك اريح كتيرررررررررررر
ايه رايك بالنسبه للجيتز انهي احسن؟؟
وكمان حد عنده اي تعليق عن موضوع الثبات ؟وهل عفشتها فعلا رياضيه؟؟

[tarekkasaby]

على حسب احتياجك الاوتوماتيك اريح طبعا بس فى ناس بتفضل انها هيا اللى تتحكم فى النقل فده على حسب احتياجك عموما ماحدش اشتكى من الفتيس بتاع الاوتوماتك بتاعها و هيا كورى بالكامل ماعدا السنتر والانذار
بالنسبه للعفشه هيا مش ناشفه ولا حاجه بس لاحظ انها هاتشباك يعنى القعده ورا بتبقى محسوسه شويه فى المطبات و ده طبيعى لان اللى قاعد ورا قاعد على العجل و مافيش شنطه فممكن تحس انها نشفه شويه
بالنسبه للثبات ده على حسب اسلوب قيادتك و طريقه اختبارك لثبات العربيه لكن فى الاجمال العربيه تعتبر ثابته الى حد كبير فى المنحنيات
و تحت امرك فى اى استفسار

[semihuman]

متشكر جدا علي ردك
طيب سؤال تاني فني
مقارنه الجيتز بالنيو اكسنت
انت ممكن تدفع بس 6 الاف جنيه و تاخد عربيه اكبر و بشنطه!!
بس الناس خوفوني من النيو اكسنت بيقولو العفشه نشفه و كمان ساعات الدركسيون بيكون فيه عيب!
وعاليه بزياده فمش ثابته
انا محتار مابنهم بصراحه بس قلبي ميال للجيتز اكتر عشان الشكوه منها اقل
انت ايه رايك و كمان في موضوع استهلاك البنزين ده؟!!

[tarekkasaby]

متشكر جدا علي ردك
طيب سؤال تاني فني
مقارنه الجيتز بالنيو اكسنت
انت ممكن تدفع بس 6 الاف جنيه و تاخد عربيه اكبر و بشنطه!!
بس الناس خوفوني من النيو اكسنت بيقولو العفشه نشفه و كمان ساعات الدركسيون بيكون فيه عيب!
وعاليه بزياده فمش ثابته
انا محتار مابنهم بصراحه بس قلبي ميال للجيتز اكتر عشان الشكوه منها اقل
انت ايه رايك و كمان في موضوع استهلاك البنزين ده؟!!

المقارنه بين الجيتز والنيو مش عارف ارد عليها ازاى على العموم انا حاتكلم عن الجيتز و غيرى يصلح لى او يرد على النيو اكسنت
حاقولك
الجيتز هاتشباك يبقى لو مش محتاج شنطه اوى يبقى جيتز
الاستهلاك فى البنزين الاتنين 1600 وان كان ان النيو اكسنت موتورها احدث طبعا
CVVT
فممكن تسال ملاكها على الاستهلاك
بالنسبه للجيتز استهلاكها مش كبير 6 او 7 لتر لكل 100 ك ده اللى فى الكاتلوج على ما اذكر و للاسف ماحسبتوش بالظبط
الارتفاع الاتنين عالين عن الارض و دى ميزه و عيب ميزه فى المطبات و عيب فى الثبات لاكن فى الجيتز مش ماثره معايا او عامله لى مشكله فى الثبات وممكن تسال اصحاب النيو عن ثباتها
موضوع الدريكسون ده اعتقد انه كان فعلا فى مشكله و كانت بره مش فى مصر على ما اذكر و اعتقد انها اتحلت او يمكن كانت مشكله فرديه
ولاحظ ان النيو الباور بتاعها كهربا لا كن الجيتز هايدروليك
"الكهرباء احدث و انعم طبعا"
الاتنين كورى بالكامل ماعدا الانذار والكاسيت

فى الاخر معلش بعتذر ان الكلام ملخبط شويه و مش منظم لانى مستعجل
و العربيتين فى المجمل ممتازين و ان شاء الله مش حاتندم على اختيارك مابينهم
و سيادتك ممكن تركب الاتنين و تقارن ما بينهم فى موضوع الراحه النفسيه و تشوف و تصلى استخاره وربنا يكرمك فى الافضل
وتحت امرك فى اى استفسار

[mansawy]

احسن حاجة من الكلام دا كلة انة انت تستخير الله سبحانة وتعالى الاول من كل شيئ
انا احمد من السويس انا كنت حجيب تيسان صنى سوبر صالون بس معرفش تراجعت فى اخر لحظة المهم ربنا كرمنى وجيت الجيتز.
عربية جامدة جدا جدا من حيث السبات ومن حيث الماتور عربية امكانيتها جامدة جدا وتخوف فى الاول.
عاى فكرة انا معايا رخصة من 98 وبسوق الحمد لله كويس جدا انا اقصى سرعة جبتها بالعربية 180 وكانت سابتة جدا ممكن الى بيقرأ يستغرب شوية على فكرة انا كل الى عاملة فيها ان انا ركبت جنط فيها مقاس 15" زى ما فى القائم كاتبين والسيارة من ساعتها زادت سباتها اكتر
وربنا يوفقق وتجبها هتستمتع بيها جدا.......

[حماده المصري]

النيو اكسنت متتقارنش بالجيتز

النيو اكسنت مساعدين هوا واثبت من الجيتز وعفشه انضف من الاخر

الجيتز مساعدين زيت ومع ذالك عفشتها فيها شنه ترزيع

بالنسبه للثبات النيو اكسنت كل ما يعقوها كعربيه شنطتها الي بتتنطط بس ثبات عالي في الملفات

الجيتز وعن تجربتي لعربيه زيرو انا اقدر اقول انها على الملفات بعد 90 بتتزحلق في الملفات

الجيتز للبنات الي بيسوقوا هادي حلوه بس حرام الملبلغ بتاعها وعفشتها مش حلوه زي النيو اكسنت

[Puresoul]

احسن حاجة من الكلام دا كلة انة انت تستخير الله سبحانة وتعالى الاول من كل شيئ
انا احمد من السويس انا كنت حجيب تيسان صنى سوبر صالون بس معرفش تراجعت فى اخر لحظة المهم ربنا كرمنى وجيت الجيتز.
عربية جامدة جدا جدا من حيث السبات ومن حيث الماتور عربية امكانيتها جامدة جدا وتخوف فى الاول.
عاى فكرة انا معايا رخصة من 98 وبسوق الحمد لله كويس جدا انا اقصى سرعة جبتها بالعربية 180 وكانت سابتة جدا ممكن الى بيقرأ يستغرب شوية على فكرة انا كل الى عاملة فيها ان انا ركبت جنط فيها مقاس 15" زى ما فى القائم كاتبين والسيارة من ساعتها زادت سباتها اكتر
وربنا يوفقق وتجبها هتستمتع بيها جدا.......

فعلا يا جماعه الجيتز عربيه جميله جدا و هي معاي من 7 شهور و الحمد لله ما في اي عيوب ممكن الواحد يشتكي منها..يعني للشباب الي دايما مدعوك في مشواير داخل وخارج المدينه ومش محتاج يجيب العربيه الي هي بالميات لكن يادوب بادي حياته و عاوز يكون معاه عربيه محترمه و جميله هي احسن اختيار صراحه..
بس من زمان واحد يديني رأيه في الجنوط مقاس 15..ايه رايك فيهم و لو تقدر تقولي جبتهم من فين و في حوالي كم بالزبط..يعني لانه انا بصراحه بفكر فيهم بجديه اليومين دول..