ريحة شياط فى الفيرنا

[p r i n c e]

انهاردة جبت 170 بعربيتي ال فيرنا و شميت ريحة شياط بسيطة جدا كدا قعدت ثواني و راحت
تقريبا ريحة شياط زيت
معرفش دا طبيعي عشان زودت السرعة ولا ايه بالظبط
مع العلم اني لسة مغير الزيت قريب و كمان العربية لسة جديدة ماشية 16 الف بس

[MohammedAladel]

بص يا باشا 170 مع فيرنا دى سرعة هلاك

ريحة الشياط ممكن تكون من السيور أو حاجة بلاستيك لازقة فى الشكمان والله أعلى وأعلم

طيب عداد الحرارة كان طبيعى ولا زيادة ؟

[p r i n c e]

بص يا باشا 170 مع فيرنا دى سرعة هلاك

ريحة الشياط ممكن تكون من السيور أو حاجة بلاستيك لازقة فى الشكمان والله أعلى وأعلم

طيب عداد الحرارة كان طبيعى ولا زيادة ؟

طبعا أول حاجة عملتها اول ما شميت الريحة بصيت على عداد الحرارة و كان طبيعي زي العادي
الريحة مكانتش ملحوظة أوي
كانت خفيفة جدا جدا
بس انا قلقت

[YHYAKOTB]

ممكن تكون من الكاوتش

[amagroup]

صعب تغامر بالسرعه دي مع الفيرنا وربنا يسطرها جميعا معانا
دائما كنت بسمع عن ان لازم تغير الكاوتش بتاع الفيرنا اول لما تشتريها لانه ضعيف وبيضرب في السرعات العاليه فهل انت عملت كده

[elpasha1]

بصراحة ومتزعلش منى انت مجنووووووووووون
دا انا جبت ال 130 وكانت العربية زى الريشة وكانت على طريق مصر اسكندرية الصحراوى
ومن ساعتها قررت انى مركبش الفيرنا دى نهائى

[khaabas]

عادى جدا ومتقلقش

[AlGazar2]

ممكن يكون الكاوتش الى فيها بيشيط فعلا لانه كاوتش تيت من غبور التيت
او ممكن اسطوانه الدبرياج لو العربيه مانيوال بتشيط

[Nashaat Rady]

احنا بنحمد ربنا ان انت لسا قاعد معانا..

انا عارف ان في ناس كتير بتجري بالعربيات الصغيرة ده سواء كانت كوري او ياباني او حتي ألماني.

بقوانين الديناميكا او حتي قوانين الطبيعة، السيارات ده غير مؤهلة تماماً للسرعات ده لان وزنها خفيف، إطاراتها صغيرة، عرضها صغير، ارتفاعها عن الأرض عالي نسبياً و طبعاً أخيرا و ليس آخراً شوارع أم الدنيا اللي اتعملت من عَقَب التاريخ و حفرها اللي منفعة العفشجية.

من كده تقدر تعرف ان احتمالية وقوع حادث لقدر الله تتعدي ال ٩٠٪

ربنا يسترها عليك و علينا جميعاً

مين معايا في الآي كلام اللي انا بقولوا ده؟؟؟!!

[MohammedAladel]

أنا معاك طبعا فى الكلام اللى بتقولها السرعة دى بشعة مع الفيرنا بصراحة .... المشكلة فى طرقنا كمان فيها مفاجئات كتير ...

[dr.hazem]

غالبا لما الزيت اتغير في شويه كانو على فرن الشكمان وعالسرعه العاليه دي الزيت ده ابتدى يتحرق وتطلع الريحه دي....
وممكن اسطوانة الدبرياج...
تحياتي

Sent from my SE Arc S using Forum Runner

[loshabih]

متشغلش بالك اما بخصوص 170 فمش هقدر اقولك غير ربنا يهديني قبلك لاني بجيب 180 كتير وسعات 200 وربنا يسترها علينا

[beshomilan]

ممكن زيت ماتور بينقط او بيتبخر فبيعمل الريحة دى
او زيت الباور بينقط من مواسيره على الشكمان فبيتحرق
افتح الكبوت وشوف العربيه معرقه زيت على المواسير وفرن الشكمان كويس
بص كويس جدا فحوض العربيه على اى نشع للزيت من اى مكان تتوقعه ومتتوقعهوش عشان تكون فى الامان
وربنا يوفقك للخير