الحقوني عملت حادثة

[p r i n c e]

قبل ما احكي اللي حصل الحمدلله على كل حاجة و الحمدلله ان انا او اي حد غيري محصلوش حاجة و متأذاش
كنت ماشي ف شارع 3 حارات
كنت ف الحارة ال ف النص و على اليمين عربيات راكنة و الشارع شغال حارتين بس.كنت ماشي و جنبي على شمالي ماتريكس
مرة واحدة لقيت ال ماتريكس كسرت عليا و هدت سرعة جامد و انا ماشي ب سرعتي كنت هلبس فيها
مكنش قدامي حل غير ادخل يمين ف الحارة اللي بيبقى فيه عربيات راكنة..هيا ركنة ف المخالف بس يلا مش مشكلة.ال مهم ال شارع دا العربيات مش راكنة فيه بطول الطريق.يعني في حتت بتكون عربيات راكنة و حتت شغالة عادي عربيات بتمشي فيها
أنا بعد ما ال ماتريكس الله يسامحها كسرت عليا دخلت يمين كان في عربية راكنة الله يسامحها بردو عشان راكنة ف المخالف
جبت آخر ال فرامل بس طبعا كنت بسرعتي ف لبست فيها
عربية بي إم موديل 2005 تقريبا.طبعا ال بي إم محصلهاش حاجة خالص يا دوبك الإكصدام اتخربش
و انا عربيتي ال كبوت اتطبق من قدام طبعا و قعدت تنزل ماية غالبا دا الرادياتير اطبق
انا دلوقتي رجالة مخنوق جدا
قدر الله ما شاء فعل
بس عاوز اعرف ال حوار دا هيكلفني كام و هرش حاجة ف الاساسيات ولا لأ؟
العربية اتبهدلت من قدام بس غالبا موصلش للموتور

[aldesha989]

قدر الله وما شاء فعل

معلش الحمد لله انك بخير

غالبآ الردياتير دخل لجوا فريح على مسمار خرمه زى اللى حصل معايا برضه او ممكن تكون الكوعه فكت من الردياتير

والاكصدام يتعدل سهله ان شاء الله وربنا يعوض عليك خير ان شاء الله

[khaled_1263]

يلا الحمد لله

[p r i n c e]

قدر الله وما شاء فعل

معلش الحمد لله انك بخير

غالبآ الردياتير دخل لجوا فريح على مسمار خرمه زى اللى حصل معايا برضه او ممكن تكون الكوعه فكت من الردياتير

والاكصدام يتعدل سهله ان شاء الله وربنا يعوض عليك خير ان شاء الله

الردياتير دخل ل جوا و اتبهدل.حضرتك غيرتو ب كام؟
اما الإكصدام بقى اتكسر و اكيد هجيب واحد جديد
قولي يا باشا حوارك خد فلوس و وقت قد ايه لحد ما اتصلح؟

[mohammedabdallh]

الحمد لله على كل شىء
وكفايه انك سليم
متخفشى الموضوع مش كبير
وان شاء الله خير

[طاهر]

الف سلامة ليك

[MohammedAladel]

قدر الله وما شاء فعل سهلة أن شاء الله وفعلا شوارع المنيا مينفعش تجرى فيها برغم أنى بشوف عربيات بتبقى طايرة فى طه حسين
وكويس إنك سليم وبخير
طالما مياه نازلة يبقى الرادياتير اتخرم بالتأكيد لو مياه خضراء وأن شاء الله بسيطة واى ميكانيكى فى المنيا هيضبطهالك متخفش مفيش اكتر من فيرنا فى المنيا

وفيه سمكرية برضه بس أسمع ان الحرفيين فى المنيا الجديدة فيها سمكرية كويسين بس خد حد معرفة عشان ميشوكش فى الأسعار

[p r i n c e]

قدر الله وما شاء فعل سهلة أن شاء الله وفعلا شوارع المنيا مينفعش تجرى فيها برغم أنى بشوف عربيات بتبقى طايرة فى طه حسين
وكويس إنك سليم وبخير
طالما مياه نازلة يبقى الرادياتير اتخرم بالتأكيد لو مياه خضراء وأن شاء الله بسيطة واى ميكانيكى فى المنيا هيضبطهالك متخفش مفيش اكتر من فيرنا فى المنيا

وفيه سمكرية برضه بس أسمع ان الحرفيين فى المنيا الجديدة فيها سمكرية كويسين بس خد حد معرفة عشان ميشوكش فى الأسعار

والله يا أستاذ محمد مكنتش بجري كنت ماشي على الغيار التالت بس واحد كسر عليا لبسني ف العربية ال خبطتها

[MohammedAladel]

فداك وبسيطة ان شاء الله يعنى شفت البى ام اللى خبطتها أيوة هو واقف غلط بس أهو الخبطة جاتله لحد عنده الحمد لله بسيطة
ومتستهونش ب الخبطة دى على البى أم أكيد قواعد الفوانيس من جوا اتكسرت او اتشرخت على الأقل بس هو اكسدامها فبره قوى وحمال أسية شوية عشان فبر لو صاج كان اتبهدل

أنا مرة كان والدى واقف بالعربية وعربية جت تطلع حكتله الأكسدام من تحت حكة بايخة قوى

ومرة أنا فى البيت بتدور بالعربية وحكيت العربية فى رجل كرسى خشب فعصلى جزء فى الباب الخلفى

وموتسكل نزل تحت العربية خدلى العتبة اليمين شكلها بقى بايخ جدا وبهدلت العربية من تحت وصاحب الموتسكل عليه رحمة الله

واهو من يومين خبطت العربية وأنا داخل أفول

فمفيش عربية مبتتخبطش وبسيطة ان شاء الله

[p r i n c e]

الحمدلله قدر الله ما شاء فعل

[mshmshm3]

حمدلله علي سلامتك قدر الله و ماشاء فعل معلش حصل خير
خلي بالك من اخطاء الغير توقع اي حاجة لان اللي ماشي جنبك او وراك او قدامك احتمال كبير يكون متخلف او معتوه او غبي

[aldesha989]

الردياتير دخل ل جوا و اتبهدل.حضرتك غيرتو ب كام؟
اما الإكصدام بقى اتكسر و اكيد هجيب واحد جديد
قولي يا باشا حوارك خد فلوس و وقت قد ايه لحد ما اتصلح؟

انا ما غيرتهوش انا لحمته مؤقتآ لحد الصيف

انا عدلت وش العربيه بس عند واحد معرفه بس شغله كان زباله ما عدلش وش العربيه كويس والكبوت مفارق الرفارف والشبكه بشكل زباله واخد 200 جنيه زى الضرب على القفا مش عارف امال لو مش معرفه كان عمل ايه

المهم ربنا يعوض عليك

[p r i n c e]

انا ما غيرتهوش انا لحمته مؤقتآ لحد الصيف

انا عدلت وش العربيه بس عند واحد معرفه بس شغله كان زباله ما عدلش وش العربيه كويس والكبوت مفارق الرفارف والشبكه بشكل زباله واخد 200 جنيه زى الضرب على القفا مش عارف امال لو مش معرفه كان عمل ايه

المهم ربنا يعوض عليك

اها
اهم حاجة سلامتك انت يا باشا وربنا يستر طريقنا كلنا بإذن الله

[p r i n c e]

اشتريت الحاجات دي
1.اكصدام امامي
2.شبكة اكصدام
3.شاسيه اكصدام
4.كبوت
5.رادياتير
6.سربنتينة تكييف
7.طقم مراوح رادياتير
8.الفانوسين اللي قدام
الحاجات دي ب حوالي 2500 دا غير اجرة السمكري اتفقت معاه على 1500 بس هيرجع العربية زي ما كانت سمكرة و دوكو و كل حاجة عليه ب ال 1500 جنيه
و ال موتور الحمدلله موصلوش حاجة و مفيش حاجة ف اساسيات العربية جرالها حاجة.السمكري قالي انت ربنا بيحبك محصلكش اي حاجة
العربية كدا يا جماعة بقت معيوبة ولا عادي يا رجالة طمنوني

[p r i n c e]

؟؟؟؟؟؟؟