جهاز انذار "هيونداي" في السوق

[m7mda7md]

السلام عليكم ورحمة الله وبركاته.... واحد صاحبي كان في التوفيقيه من كام يوم عشان بشتري جهاز انذار لعربيته و لقي و هو بيشتري جهاز ماركه هيونداي و كان بـ 230 جنيه..... يا تري حد شاف الهاز ده؟..... الانذار عندي فى الفيرنا بوظه فااااار الله يسامحه و عاوز اجيب حاجه نضيفه عشان الصراحه الماركات زي الوولف و الـ سباي و ما شابه بحس انها حاجات تحت السلم و مش بتعجبني......... المحل اسمه حسن تقريبا او حسني عند ابراهيم البنا بتاع الهيونداي.... في الشارع الـ في وشه تقريباً حسب وصف صاحبي.... رجاء حار الـ يقدر يفيدني فيالموضوع ده يلحقني و شكرا مقدماااااا

[mshmshm3]

حاول تصلحه احسن او هات حاجة في نفس المستوي

[beshomilan]

الوولف محترم جدا وعن تجربه

[Nashaat Rady]

الوولف محترم و امكانيته كتير... و متوفر وصيانته متوفرة و الضمان محترم، انا اشتريت الجهاز من شارع دمشق كان في عيب، رجعتلهم دمشق قاللي ماليش فيه، كان شغال قبل ما تمشي، تلاقيك لعبت فيه....
قلتله ـ ـ ـ ـ ـ و مشيت. بعديها بكام يوم روحت توكيله ورا سوق القنال في جسر السويس، شال القديم بسلوكه وحاجته و ريموته و اداني واحد جديد بعلبته بالتركيب مجااااااانا، بس الصنايعي بيبقي مستني حاجة. كانت لانوس ساعتها.

[drmohamedkhater]

انا معايا الاسباى كنت شاريه من عزبة سعد بالاسكندرية 150 جنيه بقاله 3 شهور ممتاز
بس العيب المسافة صغيرة للتحكم بالريموت فى فتح و قفل السيارة
بس بصراحة ممتاز

[amagroup]

الوولف محترم و امكانيته كتير... و متوفر وصيانته متوفرة و الضمان محترم، انا اشتريت الجهاز من شارع دمشق كان في عيب، رجعتلهم دمشق قاللي ماليش فيه، كان شغال قبل ما تمشي، تلاقيك لعبت فيه....
قلتله ـ ـ ـ ـ ـ و مشيت. بعديها بكام يوم روحت توكيله ورا سوق القنال في جسر السويس، شال القديم بسلوكه وحاجته و ريموته و اداني واحد جديد بعلبته بالتركيب مجااااااانا، بس الصنايعي بيبقي مستني حاجة. كانت لانوس ساعتها.

معلش لو تسمح ايه هي الامكانيات الكتيير دي

[Nashaat Rady]

معلش لو تسمح ايه هي الامكانيات الكتيير دي

بص يا سيدي، لما تفتح الكاتالوج بتاعه، تلاقي ان الريموت مش مجرد ثلاث زراير.

حتلاقي كمان انك ممكن تفصل الكهرباء عن الكونتاكت من خلال الضغط علي الزراير بتوالي و عدد معين بسيط في حالة السطو المسلح مثلا، و مش حاينفغ تدور الا لما تعمل توليفة تانية معينة

ممكن كمان تبرمج و تلغي برمجة عدد لا نهائي من الريموتات. في حالة فقدان واحد او تلفه.

في حالة فراغ بطاريته، ما تفضلشي العربية تزمر طول مانتا ماشي بعد ما فتحت العربية بالمفتاح، تفتح و تقفل الكونتاكت ٨ مرات و الباب مفتوح يفصل،

و في كذا حاجة كمان مش فاكرهم.

تحياتي

[Kareem.ElAraby]

متابع

ولف نضيف بس تركبه في التوكيل بتاعه

[spainmessi]

متابع

ولف نضيف بس تركبه في التوكيل بتاعه

طيب هوا حضرتك التوكيل بتاعه موجود ف المنصوره ؟؟