مساعده فى ريداتير نحاس للاكسيل..منين ؟؟

[beshomilan]

الريداتير عندى اتخرم ولحمته ورجع اتخرم تانى وكل يومين بملى ميه
انا عايز اشترى ريداتير نحاس للاكسيل فمش عارف منين وسعره كام
والريداتيرات الالومنيوم كويسه و لا اى كلام وسعرها كام ومنين؟
رجاء المساعده سريعا

[Mohamed.Fawzy]

العربيات الزيرو ... بتزل بريداتيرات الومنيوم ... معدش فيه نحاس فى عربيات جديده

ممكن تجيب الألومنيوم بس بلاش تحط ميه حنفيه

[abdo7000]

هو مين افضل الالومنيوم ولا النحاس في التبريد ؟؟

[beshomilan]

العربيات الزيرو ... بتزل بريداتيرات الومنيوم ... معدش فيه نحاس فى عربيات جديده

ممكن تجيب الألومنيوم بس بلاش تحط ميه حنفيه

طب ما كده الميه هتتفاعل مع الالومنيوم وتاكله..ولا انا غلطان؟؟

طب وهو فين وبكام؟؟

هو مين افضل الالومنيوم ولا النحاس في التبريد ؟؟

النحاس عشان تبريده اسرع

[alaamousa]

بص يا بيشو باذن الله في واحد في امبابة بيبيع ريداتير جديد للاكسيل ان شاء الله اسأله وارد عليك بالتفاصيل

[velkouf]

عليك وعلى الحاج عاطف سمعت عنة كتير فى المنتدى
وفعلا لما اتعاملت معاة يستحق اسعارة كويسة وشغل نضيف اوى
هو اللى هيحدد الافضل و الاحسن للعربية
ومكانة عند محطة مترو فيصل

[beshomilan]

بص يا بيشو باذن الله في واحد في امبابة بيبيع ريداتير جديد للاكسيل ان شاء الله اسأله وارد عليك بالتفاصيل

مش عارف اقول لحضرتك ايه :)
بجد شاكر ليك جدا

عليك وعلى الحاج عاطف سمعت عنة كتير فى المنتدى
وفعلا لما اتعاملت معاة يستحق اسعارة كويسة وشغل نضيف اوى
هو اللى هيحدد الافضل و الاحسن للعربية
ومكانة عند محطة مترو فيصل

طب الاسعار ايه
عايز اعرف اسعار النحاس لو فيه والالومنيوم لو فيه
والصينى الجديد بكام
والاستيراد افضل ولا ايه وبكام

[beshomilan]

هل هناك جديد؟؟
انا نفسى بس حد يقولى سعر ريداتير بس :)
عايز اعرف ها ادفع فحدود كام

[beshomilan]

سمعت حديثا ان فيه الريداتير الصينى الالومنيوم ب 150 او 175 والناس بتشكر فيه..ده ايه نظامه؟؟وبيتباع فين
وسمعت ان فيه حد اسمه الزقازيقى فى شارع احمد سعيد بيبيع الريداتيرات النحاس والالومنيوم بيقولوا عليه كويس

[beshomilan]

طب الصينى ده نظامه ايه؟؟

[beshomilan]

هاه مفيش اى اسعار نزلت؟؟
طب انا هنزل احمد سعيد يوم الاتنين اشوف الزقازيقى ده حواره ايه

[beshomilan]

سئلت انهارده فى محلات فى شبرا مصر بتاعت الاستيراد قالولى الاصلى فبر كورى استيراد وبيكون ب 200 جنيه
وفيه الصينى المونيوم ب 360 جنيه..واماراتى ب 375 جنيه مش عارف كده غاليين ولا ايه؟؟

[beshomilan]

رغم ان محدش رد عليا خالص بس انا هبلغكم بأخر الاسعار
لقيت الريداتير النحاس اللى هو البستانى انهارده ب 500 بالتركيب وضمان سنه وناوى اركبه بكره بأذن الله

[hnh_75]

انا لسه مركب ريادتير البستاني للدوجان قبل اسبوعين 350 جنيه وخد القديم وكان ردياتسر الشيخ يعمل 550 جنيه

[beshomilan]

سعر ريداتير البستانى السربنتينه بس ب 370 جنيه من المصنع نفسه مقاس 34x60 المقاس بتاعى..نحاس 3 ماسوره بضمان سنه
ريداتير الشيخ ب 500 السربنتينه نحاس ولو كامل ب 600 جنيه

ده للعلم فقط عشان لو حد هنا او حد عمل سيرش فجوجل وكان محتاج المقاس بتاعى يبقى عارف الاسعار

البستانى لصناعات الرادياتير
4 ش مدرسة المماليك, شبرا, القاهرة
التليفون:
02-22051693
-----------------------------
مصنع الشيخ للصناعات المتطورة
3 ش محمد الشيخ الخلفاوى, قريب من مستشفى مار مرقص, الاميرية, القاهرة
التليفون:
02-24308970