استفسار بخصوص ماتركس 2010

[dr.hany]

الحمد لله انا لسة شاريها من 3 اسابيع والعربية ماشية 75 الف كيلو اتوماتك بس ليا استفسارين

اولا :بحس ان صوتها عالى

ثانيا :التسارع بتاعها من صفر الى 100 بطئ الى حدما (بالمقارنة باللانوس مانوال اللى كانت معايا)




مع العلم انى غيرتلها الفلاتر وزيت الموتور والبوجيهات


فارجو المساعده وشكرا

[lidosasa]

طب ايه هو نوع الزيت اللى حضرتك حطيته للعربية وما هى درجة لزوجته وهل هو تخليقى أم معدنى أم نصف تخليقى
لآن غالباً ممكن تكون المشكلة فى نوع الزيت اللى حضرتك إستخدمته وكان ممكن تسأل المالك الأصلى عن نوع الزيت المستخدم فى العربية قبل كده طالما إن صوت الموتور كان كويس

[dr.hany]

انا اشتريتها من معرض ومعرفش مين صاحبها الاصلى طبعا.وتانى يوم حطيت زيت موبيل اتش اكس بي 115جنية.وشكرا لرد حضرتك

[lidosasa]

انا اشتريتها من معرض ومعرفش مين صاحبها الاصلى طبعا.وتانى يوم حطيت زيت موبيل اتش اكس بي 115جنية.وشكرا لرد حضرتك

على فكرة كل اللى جرب زيت موبيل بيشتكى من موضوع علو صوت الموتور يعنى دى شكوى عامة من أداء الزيت نفسه يعنى بإذن الله العربية مفيش فيها أى حاجة . وياريت خبراء الهيواندى ينصحوك بنوع معين تبقى تغير ليه المرة الجاية .
أنا وجهة نظرى المتواضعة وعن تجربة بس فى السوزوكى الشيل هيلكس 15w50 هو الأفضل كزيت معدنى وممكن لآن عربيتك ما شاء الله تعتبر جديدة تشوف حد يكون جرب الزيوت التخليقية أو النصف تخليقية لآن سمعت إنها أفضل فى الأداء بالنسبة للمواتير الجديدة والله أعلى وأعلم

[mohm82]

بارك الله لك فيما رزقك
رزقك الله خيرها و حفظك من شرها
ثانياً صوت الماتريكس عالى لوحده بالذات الصبح و هى باردة (غير صوت التاكيهات الى عامل زى الشواكيش)
انا بحط شيل الاصفر و بحس ان صوت الموتور بيريح اكتر من موبيل
ثالثاً العربية فعلا تقيلة بالفتيس المانيوال فما بالك بالفتيس الوتوماتك؟!
بس اطمنك انك حتتعود على التسارع بتاعها
العربية رائعة و مناسبة لكل بيت مصرى بس حتحتاج كل شوية تربط عافشة (5000 كم او ممكن 10000كم)
و ربنا يباركلك

[dr.hany]

الف شكر لاهتمام حضراتكم

[M.sheashaa]

جرب زيت كاستيرول 10000 جميل وبيخلى صوت الماتور هادئ