من فضلكم لو حد يعرف Accent HatchBack حلوة و قطع غيارها

[mahmoudsaad87]

السلام عليكم
كنت محتاج اعرف العربية
Hyundai Accent HatchBack
كويسة و لا لآ و قطع الغيار بتاعتها غالية و لا لآ

[eng.salama95]

زيها زي الأكسنت العادية
و قطع الغيار هي هي ف الأجزاء اللي قدام و الماتور و الأبواب
بس المشكله ف ورا
ازاز الشنطه و الفوانيس اللي ورا و الإكصطدام اللي ورا اعتقد صعب تلاقيهم

[mahmoudsaad87]

يعنى حتى فى التوكيل مش هلاقيهم و لا اييييه

[mahmoudsaad87]

و هل هيا عربية محترمة زى الناس مابتقول و لا ايه هى عيوبها

[AlGazar2]

لو عايز هاتش باك فكر فى الفورد فيستا الجديده تمنها مقارب للهيونداى و ممكن تطلع ارخص فى الاخر

[mahmoudsaad87]

لو سمحتم عايز اعرف بس الهاتش باك احسن و لا السيدان
فى ناس قالت ان العربية بتوطا لما احمل فيها 4 او 5 اشخاص
لو سمحتم ساعدونى
و جزاكم الله كل خير

[mahmoud_afifi]

لو عايز هاتش باك فكر فى الفورد فيستا الجديده تمنها مقارب للهيونداى و ممكن تطلع ارخص فى الاخر

+1
او نيسان تيدا

لو سمحتم عايز اعرف بس الهاتش باك احسن و لا السيدان
فى ناس قالت ان العربية بتوطا لما احمل فيها 4 او 5 اشخاص
لو سمحتم ساعدونى
و جزاكم الله كل خير

اكبر عيب في الهيونداي/كيا ان العربيات لما بتركب فيها 3 في الكنبه الي ورا بتلاقيها وطيت.
وكمان الاكسنت الهاتش باك بحس ان شكل الجنط ال14 بتاعها مش متناسق مع حجم العربيه. العربيه محتاجه 16 ولا حاجه عشان ينطق شكلها ويديها ثبات احسن. بس عامة انا شايف ان سعر الهيونداي في الفتره الحاليه غالي جدا ومقارب لاسعار عربيات تانيه محترمه اكتر منها

[khaabas]

عالفكرة مشكلة المساعدين والهبوط الارضى :) اللى بيحصل لما يركب حد ورا في الار بى تم تلافيه كليا في موديل 2013
بيفكرنى الحوار ده بالفيرنا لما عدلوها ابتداء من 2010 ( حك الشكمان والهبوط الارضى برده ههه )

وهات السيدان احسن
اى هاتش سعر اعادة البيع بتاعها في الضياع

[khaabas]

الفورد مع احترامى هيبقى صفقة سيئة
( سعر أعادة بيع)
( قطع غيار نار مولعة اذا لاقتها )
( الانتشار فى الضياع ) اسال حد عليها هيقولك هى دى عربية صينى يا باشا
( الصيانة صعبة لان الفورد ميكانيكتها يمكن اختصارها وعن تجربة فى 3 حروف ولا بلاش هههههههههه

[khaabas]

+1

انا شايف ان سعر الهيونداي في الفتره الحاليه غالي جدا ومقارب لاسعار عربيات تانيه محترمه اكتر منها

عيب عليك يا كبير ده انتا النترواى يعنى برنس الهيونداى

[mahmoud_afifi]

عيب عليك يا كبير ده انتا النترواى يعنى برنس الهيونداى

ههههههههههههههههههه والله الهيونداي على عيني وراسي بس مايتضحكش علينا في الاسعار الخزعبليه دي :(

[john55]

السيدان احلي واشيك