عربية الاسرة المتوسطة

[Hussein_Ramdan]

الصراحة انا بقالى كام يوم بشوف اسعار العربيات الكورى الى هى المفروض بتاعيت الناس الى هى من الطبقة المتوسطة
بمعنى يعنى الناس اللى على قدها وهياخد قرض ويتصر فى قرشين ويجيب عربية
والعربيات الى كانت بتنافس فى الفئة دى كانت هى
اللنترا والسيراتو
يعنى كانو مش بيكسرو الميت الف
دلوقتى لما السيراتو واللنترا يقتبرو من حاجز ال 200 الف
هل دة عيب مين هل عيب مننا احنا الى بنساعد التاجر
اعتقد الى يقدر يدفع مايقرب 200 الف فى سيراتو ممكن يجيى على نفسو شوية ويجيب بى ام اللمانى 316

السؤال دلوقتى اية هى العربية بتاعيت الاسرة التوسطة الى فى حدود 60 الى 80 الف ؟؟؟؟؟
هههههههههههه
ااذا كان البيكاتو وصلت ل 99 الف الهاى لين

[aboomar22]

المستعمل ياعزيزى

[kokowasfy]

مساء الفل يا كبير العربيات الى فئة المتوسطة الصينى ممكن يلعب ستينات سبيعينات العربيات المعدومة الكمليات يدوب فتيس و متور وبس و استغفر اللة من التجار و الى بيعملو فينا والجمارك

[hugan]

مفيش غير الصيني
فيرنا
لانوس
افيو
حتي اللوجان شاطت بعيد عنهم

[Samir Elshahawy]

ياباني مستعمل بحالة نظيفة
- ياريس أوتوماتيك 2008
- كورولا أوتوماتيك 2006
- نيسان صني

و لو كوري مستعمل :
- ألنترا hd
- نيو أكسنت
- نوبيرا أو أوبترا

[Dr.M_baz]

أنا رأيي الماليزي جين 2 و بيرسونا هيدخلوا المعادله بقوة وخصوصا سرعة انتشار البيرسونا عندنا في المنصوره .... من سنه كانوا واحده أو اتنين أما الأن ممكن تقول 30 عربيه.

[Survival]

اى سوق بيعتمد على العرض و الطلب و بما ان كمية المعروض فى ايد المتسورد يبقى مش هنقدر عليه الا لو اجتمعنا على المقاطعة و بما اننا لا نتجتمع على رأي او مبدأ فاعرف ان مفيش فايدة.
و بصراحة انا شايف ان مصر لا تستاهل انك تمشي فيها بعربية حديثة غالية بالعكس انت احسن حاجة تشوفلك عربية تمشي حالك بيها و تكون مكيفة و طلع شكل العربية او الرفاهية من حساباتك كفاية الباور و التكييف.

[MaZaGAngeE]

رايي في اسعار العربيات هيخلي المشرف يطردني نهائي من المنتدى

[mshmshm3]

في فيرنا و افيو

[haysam2000]

انا شخصيا شايف انه مفيش احسن من المستعمل مش علشان حاجه اكتر من ان الأسعار بقت غير طبيعية و مش مساله انها اعلى من قدرة الواحد و بس لكن مش مساويه للى بتاخده
يعنى زمان كان فى 128 و الادا و الانوس فى الأربعينيات و المرسيدس و البى ام فوق 100 و كان ده منطقى انما دلوقتى بقت السيراتو و الريو كله قرب من 200 يعنى انت مش بتدفع غالى و بس انما كمان ميستاهلش مش لحاجه انا راكب كورى و فيرنا كمان و بالنسبه ليا هى فى حدود 50 الف زى الفل اكتر من كده لآ و كذلك سيراتو جميله لكن مدفعش فيها اكتر من 120 الف مش لحاجه اصل لو كان كده ادفع فى الباسات كام 500000 ؟
الأسعار عندنا اكتر من الطبيعى بكتييييييييييييييييييير

[Rsarabia]

الالنترا hd
لانسر 1600
دوا احسن الخيارات فى المستعمل فى حدود ال 70 80

[amagroup]

[marq="6;right;2;alternate"]
اللي لحق لحق خلاص والعمليه في النازل والدولار في الطالع
[/marq]

[horas3000]

متوسطة
يعني ايه متوسطه
هههههه

يا باشا اليومين دول اللي يركب عربية يبقي فاااااحش الثراء