4 فرد كاوتش والحمد لله

[msobhy]

الحمد لله أخيرا غيرت الكاوتش وغيرت المقاس
العربيه النترا 2010
الكاوتش بريدجيستون - يابانى - 195 - مش 185
فعلا الفرق واضح وان كنت لسه مجربتش بدرحه كويسه
الكاوتش v 92 - aa
سعر الاربع فرد 3000 لحلوح من اللحم الحى
ربنا يكرم ويبارك فيهم - ان شاء الله هاجربه على السرعات العاليه وهابلغكم بالتفاصيل
مفيش حد ابن حلال يدينى فرده قديمه 195 اعملها استبن

[msobhy]

15/65/195 المقاس كامل

[abou-yahia]

ده b-250
ولا gr-90
ولا er-300
ولا my-01

[msobhy]

ده b-250

ولا gr-90
ولا er-300
ولا my-01

+111111111111111
بالتفصيل يا افندم
الموديل : Turanza GR90
بلد الصنع : اليابان
المقاس : 195/65/15
السرعة : V
اقصى وزن: 91
traction : A
temperature : A
لمزيد من المواصفات
http://www.bridgestone.com.au/tyres/treads/GR90.aspx
بعد التجربه لمدة يوم واحد - اقصى سرعه 60 كيلو - العربيه بقت اهدأ نسبيا - أتقل فى الطلعه نسبيا - الثبات فى المناوره زاد بنسبه كبيره - اداء الفرامل اتحسن بشكل ملحوووووووووووظ
النهارده ان شاء الله هاجرب على سرعه بين 100 - 120 وبإذن الله قريب هاجرب العربيه فى طريق مفتوح
مفيش حد يتبرع لى بفرده أعملها استبن
لو حد عايز يشترى فرده 15/185/65 عامله 10.000 كيلو فقط أو أقل انا تحت امركم -

[S O P H O S]

مبروك
ربنا يبارك

[mado83]

خلى الفرده ال185 استبن مش هيجرى حاجه

[hossam_elwani]

مبروك عليك

[msobhy]

الله يبارك فيكم جميعا
بخصوص الفرده ال 185
بعد التغيير أصبح معايا 3 فرد 185 تعبانين + 2 فرده 185 جداد - وسبب انى مجبتش فردتين 185 انى كان نفسى انى اغير ل 195
دلوقتى انا عملت واحده من الجداد ال 185 استبن - ومعايا واحده جديده + 3 قدام - ومش عايز زحمه عندى علشان كده بفكر ابيعهم
فيه واحد زميلى هيغير الكاوتش بتاعه - ربنا يسهل واخد فرده من عنده وابيع الفردتين الجداد مع بعض

[mahmoud_afifi]

الف مبرووووك يا باشا. ربنا يحفظهملك
وفعلا اداء الفرامل بتاع الالنترا بيتحسن بنسبه كبيره مع الكاوتشات المحترمه. وكمان انت مزود عرض الكاوتش يعني الاداء هيبقى احسن وأحسن.

ياريت تقولنا انطباعك على المطبات والحتت المكسره. العربيه بقت بتدب ولا لأ

[hossam_elwani]

بس رأيك ايه فى صوت الكاوتش من النوع والموديل ده هل فعلا فارق كتير عن الاول على الاسفلت ولا لا ؟؟

[Kareem Fawzy]

مليووون مبرووك عليك الكاوتش الجديد
مش عايز اقولك العربية اختلفت معايا قد اية لما غيرت ل 195
ومش مشكلة على فكرة لما تخلى الاستبن 185 ان شاء الله مش هتحتاجله اصلاً

[msobhy]

لسه راجع حالا من بره واحب انقل لكم تجربتى بعد سواقه متواصله لأكثر من 4 ساعات (لما طلع عينى - لأن بطلت اسوق فترات طويله)
1- صوت الكاوتش على الاسفلت - قل بنسبه لا تزيد عن 10%
2- تماسك العربيه اثناء السير فى خط مستقيم - زاد جدا العربيه بقت لا بتحدف شمال ولا يمين
3- العربيه فى المناورات - الثبات زاد جداااااااااااا
العربيه فى الفرامل - الله أكبر ولله الحمد رد فعل رائع - أكتر حاجه كانت مزعلانى فى الالنترا هيه الفرامل - بجد التحسن لا يقل عن 40%
4- سحب العربيه قل نسبيا فى الطلعه لكن بعد كده عادى
5- وديه ميزه - الدريكسيون تقل شويه وبنسبه ملحوظه
6- حتى الان لم يتم التجربه على سرعات عاليه وربنا يسترها عليه وعليكم
7- بخصوص المطبات العربيه بقت انعم - لكن فيه صوت زى دبه لو مطب جامد شويتين - استأذنك ادينى كام يوم وهارد عليك فى النقطه ديه

وبجد انا بشكر كل الاخوه اللى شاركونى فى الموضوع وان كان عندى عتاب بسيط جدا جدا جدا على النجوم
ليه الناس مش بترد وتتكلم فى المواضيع - حتى لو بتخمين - المهم اننا نحس ان فيه مشاركه
انا كنت ومازالت من رجالة الدايو - بجد الدنيا هناك مختلفه جدا - تسأل السؤال - فى أقل من 30 دقيقه تلاقى أكتر من رد
لكن هنا الدنيا هاديه شويه - الاغرب ان نسبة المشاهدات عاليه جداااااااااااااااااااا - لكن الردود ضعيفه حبتين
للمره التانيه الف شكر لمساعدتكم ليه ويارب نبقى انشط منتدى ونبقى النجوم بجد

[mahmoud_afifi]

لسه راجع حالا من بره واحب انقل لكم تجربتى بعد سواقه متواصله لأكثر من 4 ساعات (لما طلع عينى - لأن بطلت اسوق فترات طويله)
1- صوت الكاوتش على الاسفلت - قل بنسبه لا تزيد عن 10%
2- تماسك العربيه اثناء السير فى خط مستقيم - زاد جدا العربيه بقت لا بتحدف شمال ولا يمين
3- العربيه فى المناورات - الثبات زاد جداااااااااااا
العربيه فى الفرامل - الله أكبر ولله الحمد رد فعل رائع - أكتر حاجه كانت مزعلانى فى الالنترا هيه الفرامل - بجد التحسن لا يقل عن 40%
4- سحب العربيه قل نسبيا فى الطلعه لكن بعد كده عادى
5- وديه ميزه - الدريكسيون تقل شويه وبنسبه ملحوظه
6- حتى الان لم يتم التجربه على سرعات عاليه وربنا يسترها عليه وعليكم
7- بخصوص المطبات العربيه بقت انعم - لكن فيه صوت زى دبه لو مطب جامد شويتين - استأذنك ادينى كام يوم وهارد عليك فى النقطه ديه

وبجد انا بشكر كل الاخوه اللى شاركونى فى الموضوع وان كان عندى عتاب بسيط جدا جدا جدا على النجوم
ليه الناس مش بترد وتتكلم فى المواضيع - حتى لو بتخمين - المهم اننا نحس ان فيه مشاركه
انا كنت ومازالت من رجالة الدايو - بجد الدنيا هناك مختلفه جدا - تسأل السؤال - فى أقل من 30 دقيقه تلاقى أكتر من رد
لكن هنا الدنيا هاديه شويه - الاغرب ان نسبة المشاهدات عاليه جداااااااااااااااااااا - لكن الردود ضعيفه حبتين
للمره التانيه الف شكر لمساعدتكم ليه ويارب نبقى انشط منتدى ونبقى النجوم بجد

ماشاء الله لا قوة الا بالله
ربنا يباركلك فيهم يارب. وانا متشكر على الرد على الاستفسارات.

وحضرتك معاك حق في عتابك واحنا بنجتهد في الرد على الاعضاء بس للأسف اوقات بعض الاسئله بتكون technical شوية ومافيش مجال للتخمين.
وطبعا مفيش مقارنة بين قسمنا وقسم دايو كفايه الخبراااء هناك ماشاء الله واسماء كبيره وتقيله في المنتدى

[msobhy]

ماشاء الله لا قوة الا بالله
ربنا يباركلك فيهم يارب. وانا متشكر على الرد على الاستفسارات.

وحضرتك معاك حق في عتابك واحنا بنجتهد في الرد على الاعضاء بس للأسف اوقات بعض الاسئله بتكون technical شوية ومافيش مجال للتخمين.
وطبعا مفيش مقارنة بين قسمنا وقسم دايو كفايه الخبراااء هناك ماشاء الله واسماء كبيره وتقيله في المنتدى

والله حضرتك انا جبت ال Service manual بتاع ال HDوبدات اشتغل على بسيط
مشكلتى انى محتاج على الاقل 6 شهور علشان ابدأ اشارك بفاعليه
الحمد لله الهيونداى نسبيا احسن من الدايو خاصه اختلاف الفئه - وقلة الاعطال - لكن فيه حاجات بسيطه المفروض الكل يكون عارفها
أول لما جبت العربيه كان فيوز محروق - وانا متأكد أن فيه فيوز محروق - ولما سألت عن حل مشكلتى لاقيت انى قاعد فى صحراء جرداء
يا ريت الناس تعرف ان مشاركتها مهمه جداااااااااااااااااااااااااااا

[mahmoud_afifi]

والله حضرتك انا جبت ال service manual بتاع ال hdوبدات اشتغل على بسيط
مشكلتى انى محتاج على الاقل 6 شهور علشان ابدأ اشارك بفاعليه
الحمد لله الهيونداى نسبيا احسن من الدايو خاصه اختلاف الفئه - وقلة الاعطال - لكن فيه حاجات بسيطه المفروض الكل يكون عارفها
أول لما جبت العربيه كان فيوز محروق - وانا متأكد أن فيه فيوز محروق - ولما سألت عن حل مشكلتى لاقيت انى قاعد فى صحراء جرداء
يا ريت الناس تعرف ان مشاركتها مهمه جداااااااااااااااااااااااااااا

صعبببب قوي ان احنا نشتغل من المانيوال عشان هيحتاج تفرررغ كامل. لو الواحد عنده وقت يبقى قشطه مفيش مشاكل. بس في معظم الوقت صعب بصراحه :)
وربنا يباركلك في العربيه ويبعد عنك الاعطال والمشاكل :)
بس ادينا والله بنحاول نرد او نجيب لينكات لأعطال مشابهه وربنا يكرم والقسم يصحصح شوية