تعلية الالنترا عشان المطبات 2012

[freeman207]

السلام عليكم ورحمة الله وبركاته
النهاردة كنت عند مكياكنيكى وعفشجى صديق ليا

كنت بربط العفشة والمقصات وكده
قالى ان فى حاجة اسمها جلد بيركب على الييايات الخلفية بيعلى العربية
تقريبا 4 سم
قولتله دى كده تعوم ومتبقاش ثابتة قالى ابدا انا مركبها فى ماتريكس والنترا 2012 برضه والناس بتشكر فيييييييييييه جامد
والجلد ده بتاع عربيات مرسيدس اصلا
قلت اسالكوا لان بصراحة عربيتى جالها تسلخات من كتر الحك فى المطبات مهما خدته بالعرض بالطول مش فارقة
ياريييييييت تفيدونى وبسرعة ومشكورين مقدما

[haissam24h]

اعتقد بيتكلم على علايه مرسيدس 4 زنبه

بس طالما هتركب علايه ورا يبقى لازم تركب قدام عشان يبقى العلو والثبات واحد
لان لو ركبت ورا وسبت قدام هتبقى العربيه مكفيه على قدام
ونفس الكلام قدام لو ركبت وسبت ورا هتلاقى العربيه ذى الى رافعه حصان هع

[kokowasfy]

لالالالالالالالالا اوعى الثبات هضيع و العربية كدا بتلعب فى تصميم الشركة لة و اختلال كامل فى عدادات العربية بلاش هتندم و تخرب العربية

[Nashaat Rady]

باختصار شديد...

تروح تقوله : اردم نفسك

[2CODE]

بأختصار شديد : اوعي

مصر متنفعش فيها عربيات حلوه بس كده هي عايزه 504 او فيات 128 لكن هتقول لي عربيات جديدة زيرو هتلاقي العربية نفسها بقيت زيرو من كتر الحك في المطبات هههههههههههههه

[azwoz65]

اخى العزيز
انا معايا النترا 2008
وكانت بتحك فى المطبات كتتتتتتتتتير
فقمت بشراء عدد ( 2 ) صدادة مساعد ودى صورتها :


وتركيبهم بدل الصدادت الموجودة بالعربية لان مقاسهم أصغر ودى صورتها :

ودى تجربتى الفعلية منذ اكتر من عام والحمد لله
طبعاً مفيش خوف من المطبات خالص

[freeman207]

اعتقد بيتكلم على علايه مرسيدس 4 زنبه

بس طالما هتركب علايه ورا يبقى لازم تركب قدام عشان يبقى العلو والثبات واحد
لان لو ركبت ورا وسبت قدام هتبقى العربيه مكفيه على قدام
ونفس الكلام قدام لو ركبت وسبت ورا هتلاقى العربيه ذى الى رافعه حصان هع

انا والله خايف اعمل كده بس هو قالى ركبها فى كذا عربية النترا 2012

[Land_Cruiser]

لو رفعت العربيه بأي طريقه هتأثر علي الثبات بتاعها اللي هو متوسط اصلا و انصحك بلاش احسن يا فندم

[freeman207]

لالالالالالالالالا اوعى الثبات هضيع و العربية كدا بتلعب فى تصميم الشركة لة و اختلال كامل فى عدادات العربية بلاش هتندم و تخرب العربية

مشكور على ردك


انا والله خايف اعمل كده بس هو قالى ركبها فى كذا عربية النترا 2012

[freeman207]

اخى العزيز
انا معايا النترا 2008
وكانت بتحك فى المطبات كتتتتتتتتتير
فقمت بشراء عدد ( 2 ) صدادة مساعد ودى صورتها :


وتركيبهم بدل الصدادت الموجودة بالعربية لان مقاسهم أصغر ودى صورتها :

ودى تجربتى الفعلية منذ اكتر من عام والحمد لله
طبعاً مفيش خوف من المطبات خالص

مشكور بجد على تعبك ربنا يكرمك
طيب ممكن تحكى تجربتك العملية بالظبط فى الجرى والثبات والغرز والفرملة الفجائية والملفات وانت محمل وكده معلش هتعبك

[mahmoud_afifi]

اخى العزيز
انا معايا النترا 2008
وكانت بتحك فى المطبات كتتتتتتتتتير
فقمت بشراء عدد ( 2 ) صدادة مساعد ودى صورتها :


وتركيبهم بدل الصدادت الموجودة بالعربية لان مقاسهم أصغر ودى صورتها :

ودى تجربتى الفعلية منذ اكتر من عام والحمد لله
طبعاً مفيش خوف من المطبات خالص

ياريت تشاركنا بمعلومات اكتر.
جبتها منين وبكام ؟ وهل الثبات اتأثر وهل بتعلي العربيه ولا مجرد بتمنع ان العربيه توطى قوي ؟

شكرا مقدما

[hany63]

ياريت بلاش
بغض النظر عن الثبات اللي هيتاثر احساسك بالعربيه هيختلف و ممكن تقفل منها

[azwoz65]

اخوانى الاعزاء
اهلى وعشيرتى
انا جبتهم بـ 60ج الاثنين منذ عام تقريباً
من الاسماعيلية
انا طبيعة سواقتى سريعة وبحب الجرى
والحمد لله مفيش مشاكل اطلاقاً

[Walid_M]

اخى العزيز
انا معايا النترا 2008
وكانت بتحك فى المطبات كتتتتتتتتتير
فقمت بشراء عدد ( 2 ) صدادة مساعد ودى صورتها :


وتركيبهم بدل الصدادت الموجودة بالعربية لان مقاسهم أصغر ودى صورتها :

ودى تجربتى الفعلية منذ اكتر من عام والحمد لله
طبعاً مفيش خوف من المطبات خالص

شوف أخي الفاضل ... موضوع العلايات ده ابعد عنه تماما
عشان تعمله لازم أمامي وخلفي وفعلا العربية حتعلى عن الأرض , لكن الثبات بعد المائه ... انسى !!!
بقت عربية ثانيه خالص

بالنسبة للصدادات هي فعلاً فكرة حلوة تعتمد على تقصير مشوار المساعد وبالتالي لا تهبط العربية كثيراً مع التحميل على الكنبة الخلفية .......... ولكن !!!

العفشة من ورا حتنشف قوي وتدب معاك من ورا خصوصا مع التحميل
مع الوقت منعرفش تأثيرها على المساعدين والعفشة الخلفية !!!

على فكرة ضبط ضغط هواء كاوتش العربية له علاقة وثيقة بالحك في المطبات
ضبط تعليق الشكمان له علاقة هو الأخر بالحك في المطبات

خلاصة القول
انا لا افضل التعديل على الفبريكة , وأحب استطعم العربية بطعم الفابريكة
وأحاول تفادى مثل هذه المشاكل قدر الإمكان !!!

تحياتي

[Formulator]

+1

دا إحنا بنخاف نعرض الكاوتش على نفس البروفايل؟!! لا يعلى العربية 0.5-1.0 سم؟!!!
- هو يقول اللى هو عاوزه (العفشجى)؟؟!!
الصدادات فعلا بتقلل الـCompression بتاع المساعد >> وده غلط بردو!
لأن المفروض design العفشة وإختيار الدامبرات على أساس ان مع التحميل: توطى عشان الثبات يزيد -- وتعوض الفرق؟!!
عشان مايبقاش الشاسيه-البودى شايل وزن أكبر.. على نفس الإرتفاع (بنفس الـcamber والـrate) >>> صباح العومان!

رأيى: إلعب فـ ضغط الكاوتش -- لو هتحمل ورا (الكنبة والشنطة)، وبردو فـ المعقول 2-3 psi

- لو عايز تصرف: عفشة بدامبرات سبور، ومش لازم تبقى height-adjustable
(هى كده كده الـCompression/Re-bound بتاعها مشوار قصير)! طبعا مش هتهبط زى الستوك مع التحميل!

لكن العلايات: فكرة مرفوضة تماما -- خطير جدا الكلام ده!!