طلب تقييم للـــ ATOS PRIME 2007

[وائل السويفي]

شكرا يا جماعة

أخي معاذ انا اتصلت بوكيل كيا وعلى فكرة الرقم اتغير بقه 25222222

وخدوا رقم تليفوني وقالوا هايكلموني المبيعات ويقولولي التفاصيل

وانا في الانتظار وسنوافيكم بالاخبار تباعا

[معاذ الشرباصى]

رينا يوفقك غى اختيارك

و طمنا اول بأول على الاخبار

[وائل السويفي]

معاذ باشا
طبعا محدش اتصل بيا
بس انا كلمت المبيعات

والتنيجة طبعا محبطة ليا جدا

بيكانتو : تكييف + باور+ كاسيت = 59000 (مانيوال)
بيكانتو: تكييف + باور + كاسيت + سنتر + زجاج كهرباء = 62000 (مانيوال)

والاحباط طبعا ان مفيش تقسيط !!! وانا شايف السعر دا كتير على عربية صغيرة بصراحة
هل من تعليق...

[معاذ الشرباصى]

هى للاسف اسعارهم زيادة اليومين دول علشان بيدخلوا العربية باسم المشترى علشان الحظر

و كمان المشكلة ان المنافس لها الشاريد مش موجودة اليومين دول, فأكيد ده غلاها :(

[crossfire]

moshkela fe3lan ya3ny ghalya we kaman mafesh ta2seet
tyb enta now ya2ema spark or atos
shof enta merta7 le meen aktar
we rabena yekremak isa

[AhmedElsayed]

انا كنت حقولك الشارد احسن من السبارك اللى مالهاش اى انتشار ومن الاتوس اللى محدش يعرف قصة الجديد منها ايه (متقسش قرارك على الاتوس القديمة)
بس الشاريد الجديدة قدامها شهر وتنزل فلو تقدر تصبر يبقى احسنلك
الشاريد امكانيات كويسة ووسع كبير من جوا (مش زى ميبان عليها من بره) بس شكل مش اوى فلو انت عايزها لشغلك مش حتفرق معاك الشكل لكن حتستحملك باذن الله
واى اسئلة انا تحت امرك

أحمد السيد

[crossfire]

heya el charade el gededa tefre2 2a 3an el adema aslan?

[وائل السويفي]

انا لسه ممكن استنى شهر او اتنين
معرفش ايه الفرق بينهم؟

[أبو_حمزة]

شاريد احسن لك و يابانى
56 مانوال بالتكييف و السنتر

[emam]

ليه مفكرتش فى شيرى QQ ب 46 الف فول اوبشن (نسخة من الدايو ماتيز) وموقعها على الشبكة :

http://www.cheryglobal.com/qq.htm

[Hossam_Hassan]

الشاريد أحسن اختيار و صدقنى لو فاتك اليابانى مش هيرجع تانى :lol: :lol: :lol:

[crossfire]

ya ret ya gama3a ely ya3raf haga 3an el new charrade y2ol

[وائل السويفي]

والله انا ابديت اقتنع بالياباني رغم ان شكل السبارك عاجبني

[معاذ الشرباصى]

والله انا ابديت اقتنع بالياباني رغم ان شكل السبارك عاجبني

استاذ وائل, الشاريد و البيكانتو لهم مكانة فى السوق, و عربيات معمرة, اما السبارك مجهولة خالص

و مظنش الماتيز كانت ناجحة اوى علشان اقول دى خليفتها

[AhmedElsayed]

متحاولش مع البيكانتو لانها لازم كاش وبتوع المبيعات دول متصدقش كلامهم بيبعتوا اجمل بعت
انا مرة قالولى موجودة وموجودة تقسيط وبعد مرحت التوكيل فى اخر الدنيا بعد بوابات الطريق الصحراوى
يقولولى لا مفيش دلوقتى ومفيش تقسيط اصلا
بص الشاريد حتبقى فارقة فى الشكل بس يعنى شكل جديد مش اكتر
ده على اد معلوماتى الضعيفة والتوكيل مش عايز يقول عنها اى معلومات
وادى شكلها كان احد الاخوة طرح موضوع عنها قبل كده هى بره باسم ميرا لكن فى مصر حيبقى اسمها شاريد

http://www.nilemotors.net/Forum/viewtopic.php?t=196

وادى موضوع تانى

http://www.nilemotors.net/Forum/viewtopic.php?t=2710

وعامة اعتقد انك كده كده لازم تستنى شهرين ايا كانت الماركة ايه علشان تشترى 2008 مش 2007 ولا ايه يا جماعة
أحمد السيد