أخيرا مقابلة جامدة جدا بالرحاب

[Samir Elshahawy]

الأخوة و الأخوات الكرام / مالكي و محبي هيونداي

أسعد الله أوقاتكم بكل الخير ...

بداية أود أن أشكر كل نجوم هيونداي الذين اوفوا بالوعد و شرفوني في الرحاب النهاردة بجد أستمتعت جدا بقضاء وقت ممتع معكم و كانت هناك أكثر من مفاجأة بحضور نجوم لم ألتق بهم منذ فترة طويلة

كما أشكر ضيوف هيونداي من الاقسام الاخري الذين شرفونا بالحضور و كان حضورهم مفاجئة اخري سارة لي جدا

حقيقي لا أجد كلام يوفيكم حقكم جميعا , النهاردة كان يوم من اسعد ايام حياتي

متشكر جدا لكم جميعاو يارب نتقابل تاني علي خير أن شاء الله

---------------------------------------------------------

أولا .. أسماء الحضور

.... من قسم هيونداي (حسب الحضور):
1- م/ نشأت راضي
2- م/ محمود عفيفي
3- م/ عاصم حسين
4- م/ كريم العربي
5- م/ خالد
6- م/ كريم فوزي
7- أ/ محمد جلال
8- أ/ أحمد حمزة


.... ضيوف قسم هيونداي :
1- أ/ ياسر الصياد (كيا)
2- د/ أحمد زونج (نيسان)
3- أ/ وليد عادل (مازدا)
4- أ/ احمد عبد الهادي (دايو)
5- ا/ محمد عادل (سيتروين)
6- أ/ عمرو منير (نيسان)

ثانيا .. تفاصيل اللقاء

بدء اللقاء بعد صلاة الجمعة مباشرة بأتصال من المهندس / نشأت راضي جاري العزيز بالرحاب , حيث كنت قد خرجت من الجامع بعد صلاة الجمعة و ألتقينا أمام الجامع ثم توجهنا مباشرة الي كافيه جاز أمام مول 1 و بدأنا في حديث شيق عن تجارب كل منا مع الالنترا MD و تاريخ السيارات التي قمنا بقيادتها قبل ذلك

ثم بدأت الاتصالات التليفونية تتوالي من الاعضاء للتأكد من أتمام المقابلة في موعدها نظرا لحالة الطقس السئ و بالفعل كان أول الوافدين هو المهندس / محمود عفيفي جارنا بالتجمع الخامس ثم بعد ذلك بقليل وصل المهندس / عاصم و الذي أستمتعنا بشرحه عن الفيرنا و نظام الصوت بها و التعديلات التي قام بها الي أن انضم ألينا المهندس / كريم العربي ليدور الحوار حول الجنوط و الكاوتش المناسب للألنترا و سرعان ماوصل المهندس / خالد الذي ضل الطريق داخل الرحاب فذهبت علي الفور بصحبة المهندس / عاصم لصطحابه لمقر المقابلة

و ماهي ألا لحظات و أنضم ألينا الضيوف من الاقسام الاخري و باقي نجوم هيونداي (كريم فوزي - محمد جلال - أحمد حمزة) لنقوم بأحتلال الكافيه بالكامل تقريبا

أستمرت المناقشات و تصدرت أخبار التسونامي الكوري (النترا MD و السيراتو) الحديث و دار حوار مطول عن السيارات الجديدة و الاسعار

ثم جاءت الساعة الخامسة و أنصرف البعض و أنتقلنا الي كافيه أخر بينما توجهت مع المهندس / خالد لأختبار قيادة سيارته الألنترا MD بعد أجراء أصلاح للفتيس بها و تم التأكد من حالتها الممتازة (ربنا يبارك له فيها و يبعد عنه شر الطريق - كفاية كده بقي اللي حصل له ) ثم عدنا الي منزلي حيث شاهد الشاشة LCD بسيارتي و أنصرف بعد أن استمتعت جدا بمقابلته و التعرف الي شخصه المحترم جدا ثم أصطحبت سيارتي العزيزة للأنضمام الي باقي المجموعة بالكافيه الاخر بالسوق حيث جلسنا حتي الساعة الثامنة وسط ضحكات و قفشات خاصة مع نجم الدايو أحمد عبد الهادي

مقابلة كانت أكثر من رائعة في أجواء الرحاب الجميلة مع صحبة ممتازة حقيقي لم نشعر بالوقت و لولا لسعة البرد لما كنا أنصرفنا

مرة أخري بأشكرهم جميعا و حقيقي كانت مفاجأة جميلة تشريفكم و حضوركم و تلبية الدعوة و يارب نتجمع دايما علي خير و محبة

[mahmoud_afifi]

والله فعلا كانت مقابله جااامده وانا استمتعت بيها جدا بس حسيت الوقت جري بسرعه :(
والناس كلها والله محترمه والباشمهندس نشأت تحس انك تعرفه من زمان وبرضه باشمهندس عاصم. الحقيقه معرفة الرجال كنوز.

واهم حاجه يا باشمهندس سمير ماتكونش زعلان مننا من المقابله الي فاتت الي صادف ان حصلنا كلنا ظروف في وقت واحد :d

واهم حاجه في الليله دي كلها الواد اشرف ابراهيم لازم يتنفخ عشان قعد يسخنك علينا وفي الاخر هو الي ماجاش :d

[Nashaat Rady]

كان نفسي اقعد معاكم اكتر من كده، بس حكم القوي أكيد في منكم عارفين و مجربين ...

جالي نداء عاجل من الحكومة بدون اختيارات غير التلبية السريعة و من ثم ذهبت لوالدي للاطمئنان علي صحته.

انا اتشرفت و سعدت بمعرفتكم حقيقي و إن شاء الله نتقابل علي خير تاني..

[Nashaat Rady]

والله فعلا كانت مقابله جااامده وانا استمتعت بيها جدا بس حسيت الوقت جري بسرعه :(
والناس كلها والله محترمه والباشمهندس نشأت تحس انك تعرفه من زمان وبرضه باشمهندس عاصم. الحقيقه معرفة الرجال كنوز.

واهم حاجه يا باشمهندس سمير ماتكونش زعلان مننا من المقابله الي فاتت الي صادف ان حصلنا كلنا ظروف في وقت واحد :d

واهم حاجه في الليله دي كلها الواد اشرف ابراهيم لازم يتنفخ عشان قعد يسخنك علينا وفي الاخر هو الي ماجاش :d

حبيبي اعفيفي... ربنا يوفقك يا برنس..

[mahmoud_afifi]

حبيبي اعفيفي... ربنا يوفقك يا برنس..

هههههههههههههههه أحبيبي أنشأت
امييين يارب وربنا يقويك في شغلك وسفرك :)

[WalidAdel]

فعلا كانت مقابله عظيمه ياهندسه

[A.Adel]

كان يوم جميل جدا
و اتعرفت على ناس محترمة بجد

بالمناسبة أنا اسمي احمد مش محمد :)

[lanos2004]

مقابله جامد علشان انته فيها يا باش مهندس سمير
ونشكرك ان جمعتنا مع بعض

[khaledccie]

كانت مقابلة جميلة جدا
وتعرفت على ناس رائعة بجد وبيساعدوا من غير مصلحة ولا حساب

واولهم مهندس سمير اللى بشكرة على مجهودة معايا من اول الحادثة حتى اليوم
بعد ما جالى ووصلنا مع بعض الكافية وجرب العربية وقالى رائىه فيها
وكمان اتفرجت على عربيتة ربنا يباركلة فيها وخلانى افكر اجيب ال LCD and GPS

ومتشكر لااستاذ عاصم على المعلومات الرائعة والنصائح اللى ادهالى

وبشكر الجميع على اليوم الظريف دة والجو الجميل

ويارب تكرر كل فترة ويكون العدد اكبر

[Kareem.ElAraby]

طب انا اتكلمت عن الكاوتش و الجنوط
مفيش مساهمه من الاعضاء كده بتمن فرده من الكاوتش
ده كاوتش تييت بيزحلق
ايه يا رجاله الدنيا مش كده
اعتبروني أخوكم طيب
فعلا يا هندسه المقابله كانت حلوه جدا و القعده حلوه و الصحبه احلي و الحمد لله
بس كلمني كده عن السيراتو الجديده ولا بلاش لياسر يضايق
و مهندس نشأت : ان شاء نشوفك عن قريب تاني
و أشرف ده لما أشوفه
عفيفي : اقفل الغطا الحله كويس عشان الاكل يستوي :p


ان شاء نكررها عن قريب

[alaamousa]

دائما مقابلات هيونداي مثمرة وتحيه للمهندس سمير الشهاوي راجل محترم وحريص على نجاح القسم
اعتذر بس غضب عني المهندس سمير عارف ظروف شغلي .....
ان شاء الله تتعوض في مقابلات جاية على خييير باذن الله

[verna2008auto]

هالووووو مومبيهات ...

كانت مقابلة جميلة ... جدا
وكنت سعيد اني اشوفكم كلكم ..
وخصوصا .. سمير بيك شهاوي والمحترم نشأت باشا وصديقي العزيز مومبيك محمد عفيفي ..وصديقي خالد
وكل حبايبي واصدقائي المحترمين ..ان شاء الله يسعدني اننا نتعرف علي بعض في مقابلات اخري جميلة

القاكم علي خير وصحه وسعاده

[khaabas]

بس ايه ده مكنش فيه شد وحركات ايه المقابلة الناشفة دى :) هههههع
وسؤال متطفل شوية هى عربية الباشا الالنترا اللى كان فيها مشاكل فى الفتيس ايه التفاصيل والعلاج وتكلفة الاصلاح
نعرف بردة :) لان الالنترا md من العربيات اللى دخله دماغى الصراحة

[Samir Elshahawy]

بس ايه ده مكنش فيه شد وحركات ايه المقابلة الناشفة دى :) هههههع
وسؤال متطفل شوية هى عربية الباشا الالنترا اللى كان فيها مشاكل فى الفتيس ايه التفاصيل والعلاج وتكلفة الاصلاح
نعرف بردة :) لان الالنترا md من العربيات اللى دخله دماغى الصراحة

لأ مافيش شد و لا حركات داخل الرحاب و ياريت كنت شرفتنا لكن ملحوقة أن شاء الله

بالنسبة لعربية الباشمهندس / خالد شوف حضرتك الموضوع ده :

http://www.nilemotors.net/Nile/333121-a-4.html

[BUNSH]

.... من قسم هيونداي (حسب الحضور):
1- م/ نشأت راضي
2- م/ محمود عفيفي
3- م/ عاصم حسين
4- م/ كريم العربي
5- م/ خالد
6- م/ كريم فوزي
7- أ/ محمد جلال
8- أ/ أحمد حمزة

لأ على فكـــــرة فى غلطة مطبعية هنا أنا جى قبل ابو جلال
اخيـــــــرا شوفت الناس اللى بقالى فترة جامدة ماشوفتهمش وطبعا ملحقتش اتعرف على عاصم بك وم/ خالد

ياهندســـــــة !!
يعنى اتقابلنا وبعد الظروف القاهرية والعواصف الترابية دية محدش يفكر يصورنا صورة يتيمة حتى