New IX35

[TeMoON]

السلام عليكم ورحمه الله وبركاته
انا انهاردة اتفرجت علي 35 ix فى المعرض وانا اسف انى مصورتهاش بس بصراحه عجبتنى جدا رغم انى بكره كل صناعه شرق اسيا بس العربيه ما شاء الله تحفه ونازله ب 3 فئات
الاولى 190
الثانيه 205
الثالثه 230
انا انهاردة اتفرجت على الى ب 205
وكانت كماليتها كالاتى على ما اتذكر
جنط 17 سبور
زجاج فاميه خلفى
مثبت سرعه
فرش جلد
مرايه كهربه ضم
حساسات ركن خلفيه
طاره متعدده الاستخدامات
فرامل abs

على ما اتذكر المرايه الداخليه ذاتيه التعتيم
وعلى ما اعتقد بردو ان التكيف ديول زون
بس الى ماعجبنيش فيها ان موتورها كا حجم صغير جوه الكابوت
بصراحه عجبتنى وكنت مستنيها تنزل 1600 لانى لما شفتها وشفت الاسبورتاج توقعت ان هيونداى هتنزل ix 35 1600 والحمد لله ظنى طلع فى محله والعربيه تصنيع تشيكى مش كورى حتى الخامات المستخدمه فيها من جوه ما شاء الله جميله وعجبتنى وان شاء الله هتقول لكيا سبورتاج اركنى على جمب وخليكى فى الاوفر برايس بتاعك ومحدش هيشتريها تانى ان شاء الله بأستهبال التجار
بس بجد عربيه رائعه

[Mohyeldin1974]

حضرتك شوفتها فين وايه نظام الحجز بتاعها

[TeMoON]

انا شفتها فى فرع لغبور صغير على الاوتوستراد بجوار سيتى ستارز يعنى لو انت جاى من عباس ورايح النادى الاهلى هتلاقيه على شمالك بعد شارع سيتى ستارز

[hossamalsadik]

عربيه شكلها جميل فعلا بس ياترى جامده زى العربيات الألمانى

[TeMoON]

عربيه شكلها جميل فعلا بس ياترى جامده زى العربيات الألمانى

لا طبعا مش هتكون زى الالمانى بس هتكون ظريفه وكويسه وحلوة

[occullt]

طيب المساحه الداخليه ليها نفس مساحه الاسبورتاج؟؟ نفس مساحه الارجل والوسع الخاص بالكنبه الخلفيه؟

[esam_ayad]

فعلا عندك حق العربيه جميله جدا وشكلها احسن من كيا سبورتاج وعاجباني جدا.
والعربيه عامله مبيعات حلوه هنا في الكويت لكن للأسف مابتنزلش منها الا ماتور2000 سي سي بس.
والعربيه عفشتها منفصله يعني ناعمه ومريحه وثابته.

[Land_Cruiser]

عربيه حلوه و الميزه و العيب في وقت واحد هما عدم الانتشار اللي يلغي فيها موضوع الاوفر برايس وده شيء ممتاز و كمان التقفيل الاوروربي ده برضه من النقاط الجميله فيها و ك كماليات تعتبر جيده و مش ناقصها حاجه. يا تري هي من جوه في حجم ال سبورتاج و لا أضيق و نسبه الانضغاط بتاعتها كام؟

[S O P H O S]

حاسس انها غالية مع انها شوفتها جميلة

[amagroup]

بقول للي مش عارف
شركة هيونداي اسمها الحقيقي شركة هيونداي كيا للمركبات (تقريبا للمركبات او حاجه زي كده)
يعني هيونداي وكيا واحد كل الحكايه
"كل نفسك قبل ما حد يكلك"

[esam_ayad]

بقول للي مش عارف
شركة هيونداي اسمها الحقيقي شركة هيونداي كيا للمركبات (تقريبا للمركبات او حاجه زي كده)
يعني هيونداي وكيا واحد كل الحكايه
"كل نفسك قبل ما حد يكلك"

أسف علي المداخله بس ممكن حضرتك تعرفنا مصدر معلومتك دي, لأن اللي أعرفه أنا وكتير من الناس ان هيونداي اسمها هيونداي من زمان. وفي وقت الأزمه العالميه قامت شركة هيونداي بشراء ما يقارب من60% من حصة كيا وبقت هي المسيطره علي شركة كيا.
ومن وقتها وشركة كيا في تقدم بسبب انها بقت جزء من هيونداي.

[TeMoON]

طيب المساحه الداخليه ليها نفس مساحه الاسبورتاج؟؟ نفس مساحه الارجل والوسع الخاص بالكنبه الخلفيه؟

انا بصراحه ما شفتش الاسبورتاج بس المساحه الداخليه حلوة لانى جربت نفس قعدتى فيها كانت ما شاء الله مساحتها من ورا تاخد واحد ورا الى سايق مرتاح على عكس عربيتى اضيق شويه وشنطتها ما شاء الله حلوه

[TeMoON]

حاسس انها غالية مع انها شوفتها جميلة

على فكره مش غاليه لان احنا الى عملتنا فى النازل يعنى هى ولا الكيا سبورتاج الكامله الى توصل ب اوفر برايس ل 250 الف وهى هى نفس العربيه لان كيا وهيونداى شركه واحده بس هنا كيا وكيل وهيونداى وكيل فا عشان كدا هى هتكون افضل من كيا

[TeMoON]

بقول للي مش عارف
شركة هيونداي اسمها الحقيقي شركة هيونداي كيا للمركبات (تقريبا للمركبات او حاجه زي كده)
يعني هيونداي وكيا واحد كل الحكايه
"كل نفسك قبل ما حد يكلك"

احنا عارفين دا بس الفرق فى مصر لينا كامصريين فى فرق السعر وفرق التوكيل وان العربيه جايه اوروبى مش كورى فا طبعا دى افضل وخاماتها من جوة حلوه وغير كدا ارخص من الكيا فا هى بالنسبالى احلى من كيا وعجبانى اكتر من سبورتاج ونفسى اشترى واحده بصراحه فا هى عجبانى اوى اوى اوى

[mfm_tantawi]

سعرها غلى النهاردة رحت شوفتها فى غبور عمارات العبور وكانت كالتالى :
- فئة أولى : 205000
- فئة ثانية : 220000
- فئة ثالثة : 235000
حاجة محبطة بصراحة ومش عارفين السعر بعد شوية هيغلى تانى ولا إيه.