إعـــــــلان

Collapse

.

,
See more
See less

أقوي صيانات للماتريكس بالصور و التفاصيل (صيانة 80 ألف)

Collapse
X
 
  • Filter
  • الوقت
  • Show
Clear All
new posts

  • أقوي صيانات للماتريكس بالصور و التفاصيل (صيانة 80 ألف)

    بسم الله الرحمن الرحيم
    في التقرير ده هانتكلم عن صيانة الـ80 ألف للماتريكس (تمشي مع معظم الهيونداي) إن شاء الله
    هانبدأ بوصف حالة العربيه قبل الصيانه علشان نعرف الفرق اللي حصل بعد الصيانه و كمان علشان نحدد مدي نجاح الصيانه :
    -يوم االصيانه االعربيه كانت عامله 79600 كم تقريبا يعني ميعاد صيانة الـ80 بالظبط
    -كل صيانات العربيه حتي 60 ألف كم كانت في التوكيل في فرع أبو رواش لكن بعد الضمان كانت الصيانه بتتعمل بره و كانت تيول و زيت و فلاتر فقط
    -قبل الصيانه كان صوت الموتور مرتفع و ملحوظ مع عدم إنتظام في الصوت
    -الموتور في السحب كان بينازع و بيجمع ببطء و بيصدر أصوات غير طبيعيه
    -مجموعة السيور كانت بتصدر أصوات صفير و خلافه و بالأخص مع لف الدركسيون و الدواره صباحا
    -كان فيه صوت خشانه صادر من تجاه مجموعة السيور و البلي
    -صوت الكوستبانات كان ملحوظ صباحا في أول الدواره
    - النقلات كانت غير منتظمة و بتغيب ساعات و تنقل بسرعه ساعات
    -مع التكييف العربيه بتترج و تحس إن التكييف مكتفها
    -إستهلاك البنزين أرتفع بصوره واضحه
    -علبة الرياداتير العلويه أتشرخت و بتسرب مياه
    -العفشه كان بها بعض الأصوات
    -أصوات تيول مزعجه (أمامي و خلفي )
    بعد كل الأعراض دي قولت ما بدهاش لازم نعمل صيانه كامله
    و بدأ اليوم الأول :
    في اليوم الأول عملت الرياداتير .. غيرت علبة الرياداتير العلويه بواحده جيده و تم تسييخ الرياداتير و تنظفيه داخليا و خارجيا و غسيل سربنتينة التكييف و الموضوع ده خد حوالي ساعة زمن لكن الرياداتير رجع جديد و كانت التكلفة 130 جنيه علبة رياداتير و غسيل و تنظيف و خلافه و 20 جنيه وهبة صنايعي
    و في نفس اليوم ده إشتريت كل اللي محتاجه من قطع غيار الصيانه و كان القرار بإني أشتري كل القطع المهمة من التوكيل (علشان أضمن إنها أصلي و إنتاج حديث)
    توجهت لمنفذ بيع قطع الغيار فرع شارع فيصل و إشتريت الأتي :
    1-سير كاتينة ........................230 جنيه


    2-سير دينامو...........................55 جنيه


    3-سير باور ............................38 جنيه


    4-سير تكييف .......................100 جنيه


    5-بلية شداد سير ثابته..............140 جنيه

    6-بلية شداد سير متحركه............120 جنيه

    7-فلتر زيت محرك.....................30 جنيه

    8-فلتر هواء.............................60 جنيه

    9-بوجيهات إن جي كيه كوري .........64جنيه
    و دي كانت قطع الغير اللي من التوكيل اللي أنا أشتريتها
    و كان مجموع الأسعار 837 جنيه بالإضافة لـ83 جنيه ضريبه يبقي الإجمالي (920 جنيه)
    و سألت علي قطع غيار تانيه لكن ما أشتريتهاش و هي :
    1-تيل فرامل أمامي ..................448 جنيه
    2-تيل فرامل خلفي....................313 جنيه
    3-فلتر تكييف..........................190 جنيه

    و بعدها توجهت لمحل المنير لقطع الغيار و إشتريت منه الأتي :
    1- فلتر بنزين أصلي .................100 جنيه

    2-فلتر تكييف أصلي ...................50 جنيه

    3-تيل فرامل أمامي(جولد) ............75 جنيه

    4-تيل فرامل خلفي (جولد).............80 جنيه

    5-فلتر زيت فتيس أوتوماتيك أصلي ..85 جنيه

    و كان الإجمالي (390 جنيه)
    و بعد كده توجت لموزع زيوت ليكوي مولي بالهرم الباشمهندس محمد فضالي لشراء الزيوت و كنت ناوي اغير كل زيوت و سوائل العربيه لزيوت ليكوي مولي لكن للأسف مكنش موجود غير زيت الموتور و زيت الفرامل حتي زيت الباور مش موجود ... المهم
    أشتريت الأتي:
    1-زيت موتور ليكوي مولي 20 دبليو-50 عبوة 4 ليتر .......130 جنيه


    2-عدد 3 علب زيت فرامل ليكوي مول ...........................60 جنيه

    و بعدها جبت من بنزينة شل :
    1-عدد 5 ليتر زيت باور و (فتيس أوتوماتيك)...................140 جنيه
    2_علبة منظف بوابة أبرو...........................................30 جنيه
    و دي كانت قطع الغيار اللي أنا أشتريتها و خلص أول يوم علي خير و سلام و جمعت قطع الغيار
    اليوم التالي بدأ بالذهاب لمحطة البنزين( و دي خطوه مهمة جدا) و تم غسيل الموتور و الشاسيه علشان الشغل يبقي علي نضافه و لو فيه مسمار مصدي أو جامد يتحل بسهوله في الصيانه و علشان الصنايعي تبقي نفسه مفتوحه للشغل و تم الغسيل بالجاز و الصابون
    - تكلفة الغسيل كانت .............................................25 جنيه
    و بعدها تم التوجه لمركز الصيانه و كان ترتيب الشغل كالتالي :
    1- تم إدخال العربيه علي المجراه و رفعها علي أربع كافاليتات و حل الأربع عجلات و تركت لتبرد
    2-تم فك الطنابير الخلفيه و إخراج التيول و إخراج التيول الأماميه و صنفرة الطبل الخلفيه و تنظيف مكان التيل

    3-فك علبة الهواء و إخراج الفلتر القديم و فك قاعدة العلبة تمهيدا لإخراج السيور
    4-حل السيور الخارجيه و بلية التكييف

    5-حل غطاء سير الكاتيه و حل سير الكاتينه و بليتين الشداد
    6-حل غطاء الموتور و حل البوجيهات
    7-تم تركيب سير الكاتينه و بلي الكاتيه (أسعل كاتينه في الدنيا كاتية الهيونداي ) و بعدها تقفيل غطاء الكاتينه
    8-تم تركيب سيور الدينامو و الباور و التكييف
    و تغيير حشو بلية التكييف بـ10 جنيه

    9-تركيب البوجيهات الجديده وتقفيل وش الموتور
    (السيور و البلي و البوجيهات القديمه)




    10-تصفية زيت الموتور و كان نازل محروق (زيت شل الأصفر) و و فك الفلتر و بعدها تم تركيب الفلتر و إضافة الزيت الجديد بواقع 3.3 ليتر
    11-بعدها صفينا زيت الفتيس بفك كارتير زيت الفتيس و دي شايلها 13 مسمار و مطبعه بسليكون أحمر فابريكه (أول مره يتم فكها)


    الكارتير فيها 5 مغناطيسات لتجميع الرايش

    بعدها فكينا فلتر الزيت بأربع مسامير و سيبنا الفتيس يصفي الزيت براحته و الزيت كان نازل أسود و المغناطيسات مليانه رايش و كذلك الفلتر

    بعدها بفتره بعد التصافي ما بطلت و منع الفتيس ينزل زيت تم مسح جسم الفالف من اثار الزيت القديم و تم تنظيف داير فارغة الفتيس اللي بيتثبت عليه الكارتير من السيليكون القديم و بعدها ركبنا الفلتر و ربطنا مساميره
    و ده الزيت القديم

    المفروض لونه أحمر 
    و طلعنا ننضف الكارتير من الرايش و السيليكون و كذللك المغناطيسات و غسلت بالبنزين و مسحنا المغناطيسات جيدا و ثبتناهم في الكارتير
    و دي مجموعة مسامير الكارتير و الفلتر و المغناطيسات

    و أدينا داير الكارتير طبقه خفيفه من السيلكون الحراري و نزلنا تقفل
    تم التقفيل و التقريط بسلام و الحمد لله
    بعدها تم إضافة الزيت الجديد و الفتيس أخد 4 ليتر بالتمام و ظبط المقاس
    و بكده خلصنا من الفتيس


    12- صفينا زيت الباور من الإسكترا و القربه مع لف الدركسيون يمين و شمال لإنزال أكبر قدر من الزيت القديم و بعدها تم إضافة الزيت الجديد و الباور أخد أقل من ليتر
    13-تم تركيب التيول الأماميه و الخلفيه و ضبط الرجلاش الخلفي و تقفيل الطنابير الخلفيه
    و ده التيل الأمامي (متغير من قريب لكن شكله ما يطمنش)

    و ده الخلفي أول مره يتغير

    سعتبر أنتهي خالص
    14-تم فك خزنة زيت الفرامل و غسلها و تجفيفها بالهوا و تم تركيبها و تزويدها بالزيت الجديد و بعده فك طبات زيت الفرامل من كل عجله لأنزال الزيت القديم مع التزويد عند النقصان و طبعا مع المكاركه علي بدال الفرامل لإخراج الزيت و بعدها تم الـتأكد من سحب الهواء من الفرامل
    و ده كان منظر الزيت اللي نازل

    و تم مراجعة رجلاش فرامل اليد الداخليه
    و التأكد بعده من دوران العجلات الخلفيه بسلاسه
    15-قفلنا الأربع عجلات و قابلتنا مشكلة الماتريكس المعتاده و هي ضعف مسامير العجل و تم إستبدال المسامير _حوالي 4 مسامير الواحد بصامولته بـ10 جنيه
    16- راجعنا علي الشغل و دورنا العربيه دارت و الصوت أختلف 180 درجه طبعا و نضفنا البوابه بالأبرو و كانت بتنزل سواد و طين كمان بعد النضيف طفينا الموتور
    17- تم تركيب علبة الهوا و الفلتر
    و ده الفلتر القديم

    18- تم تركيب فلتر التكييف
    الفلتر القديم خرج من قبل و لم يعد (كنت شايله أخر الصيف اللي فات بعد أما أتسد و منع الهوا)
    19- تم التقريط علي العفشه الاماميه و الخلفيه جيدا و زيتنا جميع الجلب و البيض و الكاوتشات و المسامير و قواعد السوست و خلافه
    20- نزلنا العربيه و قرطنا علي العجل و دورناها و سيبناها دايره شويه
    21 -بعد شويه من الدواره الهاديه علي السلانسيه كشفنا علي السوائل و الزيوت و المقاسات و خلافه و حطينا العربيه علي الجهاز و مكنش فيه أي أخطاء و الحمد لله
    قبل ما أجرب كنت هانسي (في وسط الشغل غيرنا فلتر البنزين و الفلتر طلع مطين شويتين)

    21-خرجت أجرب العربيه
    الإحساس مختلف طبعا لكن المقصود من التجربه التأكد إن مفيش أخطاء أو شغل ناقص
    جينا لميعاد الحساب ... حاسبت المركز علي 350 جنيه و أديت للصنايعي و الصبي وهبة مجموعها 45 جنيه يبقي الإجمالي 395 جنيه مصنعيه (يستاهلو كل مليم الصراحه)
    و بكده يبقي اليوم ده خلص علي خير و سلام و الحمد لله
    جاء اليوم التالي و هو يوم النضافه و الفنيش
    -بداية اليوم كانت قبل ما أدور العربيه قمت بفك خرطوم القربة و نزلت مياه القربه و زودتها زجاجة خل أبيض كبيره و كملتها مياه عاديه
    -توجهت لشراء سائل الرياداتير لكن للأسف مالاقيتش البريستون الأمريكي فجبت المصري و الجركن بـ30 جنيه
    -و أشتريت علبة مزيل للصدأ لزوم الغسيل بـ15 جنيه
    -و طلعت علي الغسيل (الرياداتير) طبعا العربيه الخل مشي فيها و أنا فاتح التكييف سخن كمان و أشتغل العامل و نزل المياه الممزوجهبالخل و وصل كوعة تغزية الموتور بخرطوم طالع من الجهاز و وصل الرياداتير بخرطوم تاني و فضي علبة المنظف في الجهاز و زود حبة من عنده في الرياداتير و شغل المكنه و غسلت الرياداتير غسله جيده و مكنش فيه صدأ ملحوظ
    بعدها تم تفريغ الدوره من المياه و تقفيل الخراطيم و تزويد الرياداتير بالسائل الأخضر و تم الغسيل بنجاح و الحمد لله

    -بعده تم التوجه لغسيل العربيه غسيل شامل و تنظيف الصالون و غسيل شاسيه بالماء و الصابون و كذلك الموتور
    و وضعت العربيه تحت الإختبار و التقييم
    نتيجة الإختبار و التقييم
    1-إختفاء صوت الموتور في ظروف غامضه
    2-هدوء في السحب و إستجابة ممتازه
    3-إنتظام نقلات الفتيس و سرعة تسقيط النقلات عند الضغط علي الاكسراتير
    4-إنتظام في عمل مروحة التبريد و تباعد فترات التشغيل و إنتظام في حرارة المحرك
    5-نعومه فائقه في الباور و بدون أي أصوات
    6- إختفاء أصوات العفشه

    بعد الصيانه دي العربيه رجعت جديده تماما مفيش أصوات و فيه تحسن في الأداء و السحب زاد بشكل ملحوظ و العفشه كانها جديده و الفتيس شغال بسلاسه و التكييف ثلاجه طبعا
    تقييم لقطع الغيار
    أولا :قطع غيار التوكيل
    -قطع ممتازه و أسعارها مناسبه (اللي أشتريته) و باين عليها إنها أصليه و طبعا مضمونه
    ثانيا :قطع الغيار اللي من خارج التوكيل
    -هي كان ممتازه و أصليه عدا التيول هي اللي جولد و يا رب تعمر
    ثالثا :الزيوت و السوائل
    -زيت ليكوي مولي زيت موتور ممتاز أنا مرتاح معاه و مجربه في عربيات كتير منها غير الهيونداي (مازدا و بيجو) و جربت منه التخليقي الكامل عندي في البيجو 407 و هو زيت جيد جدا
    -زيت الفرامل ليكوي مولي ممتاز و عن تجربه أكر من مره
    -زيت الباور شل ممتاز هو كمان و عمري ما أشتكيت من منتجات شل
    -مزيل الصدأ جيد و بيفيد فعلا في حالات الصدأ المتوسطه
    -سائل التبريد مقبول لحين توافر السائل الأمريكي
    في النهايه :الصيانه دي صيانه كبيره و عايزه صبر و حتي لو عربيتك بتعمل صيانه في التوكيل لازم يبقي فيه صيانه زي دي كل ما تتاح الفرصه تعملها علي أيدك
    الصيانه دي هي صيانة الـ40 و مضاعافاتها
    العربيه فعلا أختلف و ما بذل من مجهود لاقيته واضح علي العربيه و لله الحمد

    إجمالا الصيانه أتكلفت
    2438 بالمصنعيات و الوهبات و النثريات و خلافه

    أخيرا :علشان الصيانه تبان علي عربيتك لازم تبقي أيدك سابقه أيد الصنايعي في كل مسمار و واقف علي دماغه و يكون صنايعي بيسمع الكلام و ينفذ المطلوب بدون ما يفكر و يشغل دماغه و يطلع لنا بإفتكاسات
    أتمني من الله أن يكون التقرير مفيد و إن شاء الله هاعمل تقرير صيانة أقوي من ده للإلنترا لما أعملها الصيانه (الحمد لله تمت الـ80 ألف النهارده)
    يرجي عدم النقل إلا بذكر المصدر
    أستودعكم الله
    وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

  • #2
    تقرير محترم
    وشغل عالي
    وصيانه متكامله
    مبروك يا باشا وربنا يباركلك يارب

    شكرا لمشاركتنا التقرير الجميل دا
    [CENTER]

    :B4_033:
    [/CENTER]

    Comment


    • #3
      تقرير وافى و بالتفصيل مشكور على المجهود

      Comment


      • #4
        مجهود رائع و ربنا يجعله في ميزان حسناتك

        و ربنا يبارك لك

        Comment


        • #5
          مبروك الصيانة

          انا حاسس انك بزلت مجهود في التقرير اكتر من الصيانة

          الف الف مبروك ربنا يديك خيرها ويكفيك شرها
          ليست مشكلتي إن لم يفهم البعض ما اعنيه ؟
          و ليست مشكلتي ..إن لم تصل لفكره لأصحابها ؟ فهذه قناعاتي .. وهذه افكاري .. وهذه كتاباتي بين يديكم أكتب مااشعر به .. أقول ماأنا مؤمن به .....انقل هموم غيري بطرق مختلفة و ليش بالضرورة ما أكتبه يعكس حياتي ....... الشخصية هي في النهاية ...... مجرد رؤية لأفكاري .....

          [url=http://www.postimage.org/image.php?v=gx1XIkV9][img]http://www.postimage.org/gx1XIkV9.jpg[/img][/url]

          Comment


          • #6
            بارك الله فيك تقرير ممتاز
            الحمد لله علي كل نعمة انعمت بها علينا والحمد لله علي كل نعمة نسينا ان نحمدك عليها

            Comment


            • #7
              مبــــــرووك على الصيــــانة وربنا يباركلك فيها ..
              وتقرير وشغل عــــالى بس كان ناقصك الوتر المارك بتاعة نــــايل موتورز
              [CENTER][SIGPIC][/SIGPIC]
              [SIZE=5][B][COLOR=Black]New[/COLOR][/B][/SIZE] [SIZE=5][COLOR=Red][B][COLOR=DarkRed]Thinking[/COLOR] [/B][/COLOR][/SIZE], [SIZE=5][COLOR=Black][B]New [/B][/COLOR][/SIZE][SIZE=5][COLOR=DarkRed][B]Possibilities[/B][/COLOR][/SIZE][/CENTER]
              [CENTER][SIZE=5][COLOR=Black][B]I[/B][/COLOR][/SIZE][SIZE=6][COLOR=DarkRed][B] ♥[/B][/COLOR][/SIZE] [SIZE=5][COLOR=Black][B]Elantra[/B][/COLOR][/SIZE][/CENTER]

              Comment


              • #8
                المشاركة الأصلية كتبت بواسطة engahmedsakr مشاهدة المشاركة
                تقرير محترم
                وشغل عالي
                وصيانه متكامله
                مبروك يا باشا وربنا يباركلك يارب

                شكرا لمشاركتنا التقرير الجميل دا

                الله يبارك في حضرتك


                المشاركة الأصلية كتبت بواسطة aymanshebl مشاهدة المشاركة
                تقرير وافى و بالتفصيل مشكور على المجهود

                العفو يا فاندم

                المشاركة الأصلية كتبت بواسطة heldin_67 مشاهدة المشاركة
                مجهود رائع و ربنا يجعله في ميزان حسناتك

                و ربنا يبارك لك

                آمين يا رب نحن و أنتم

                المشاركة الأصلية كتبت بواسطة mohamed_rhem مشاهدة المشاركة
                مبروك الصيانة

                انا حاسس انك بزلت مجهود في التقرير اكتر من الصيانة

                الف الف مبروك ربنا يديك خيرها ويكفيك شرها

                الله يبارك في حضرتك
                فعلاً الصيانه دي معتادة بالنسبه لي لكن رفع الصور هو اللي مرهق و كذلك تنسيق الموضوع

                المشاركة الأصلية كتبت بواسطة amagroup مشاهدة المشاركة
                بارك الله فيك تقرير ممتاز

                شاكر دعوات حضرتك


                المشاركة الأصلية كتبت بواسطة bunsh_fox مشاهدة المشاركة
                مبــــــرووك على الصيــــانة وربنا يباركلك فيها ..
                وتقرير وشغل عــــالى بس كان ناقصك الوتر المارك بتاعة نــــايل موتورز

                الله يبارك فيك
                و الله بعد ما رفعت الصور و رتبت الموضوع جه علي بالي موضوع العلامه المائيه لكن بيني بينك كسلت إني أعيد الرفع من تاني
                في صيانة الإلنترا إن شاء الله (هاتبقي موثقة أكثر من دي كمان)
                وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

                Comment


                • #9
                  تقرير اكتر من رائع غصب عنى لازم ارد واشكرك ويباركلك فى العربية يارب
                  [SIGPIC]http://img546.imageshack.us/img546/6030/sh36.jpg[/SIGPIC]

                  Comment


                  • #10
                    تخيل ده أول تقرير صيانة متكامل أشوفه عن الماتريكس في المنتدي و فعلا الموضوع ده كنت في اشد الاحتياج له لستكمال موضوعات الفهرس الخاص بالماتريكس

                    بجد مش عارف أشكرك أزاي و حقيقي مبادرة جيدة و موضوع فوق الممتاز

                    [SIGPIC][/SIGPIC]

                    Comment


                    • #11
                      الف مبروك الصيانة ..

                      Comment


                      • #12
                        مبروك على الصيانة,وشكرا على التقرير وياريت حضرتك تقولنا على مكان اللي حضرتك عملت فيه الصيانة
                        No Turbo..No Party

                        Comment


                        • #13
                          تقرير رائع جدااااااا

                          مشكور عليه

                          ده عايز طولت بال بجد وواحد بيحب عربيته وبيفهم كويس فيها

                          فيه ناس والله العربيه بتعدى 100 الف ولا بيعمل حاجه من دول دايس بنزين وخلاص

                          وده الفرق بين الركيب الى بجد والى بيمسك طاره وخلاص

                          تحياتى على التقرير الرائع ده


                          بس ليا سؤالين

                          الاول هو الفتيس فعلا نزل الزيت الى جواه كله ولا نصه بس لانى اعرف انه بياخد اكتر من 4 لتر وكمان بين الكلتشات بيبقى فيه زبت راكد غير الى بينزل فى الكارتيره؟؟

                          الثانى البوجيهات الاصليه الى انت جبتها من التوكيل جبتها بالرقم مخصوص للموتور ده ولا كده اجتهادى ؟؟

                          ولو كنت جبتها مخصوص للموتور ده بالرقم هل بيتم ضبطهم بالفيلر ولا بيركبو على طول ؟؟

                          تحياتى ومتابع الردود

                          Comment


                          • #14
                            تقرير هايل بسم الله ماشاء الله.
                            الواحد محتاج يعمل الشغل ده عند باشمهندس هاني. فاضل 10الاف كيلو واعمل اخت الصيانه دي (صيانة ال120 الف).

                            عندي بقى كام استفسار.
                            1- زيت ليكوي مولي للموتور بيقعد كام كيلو لأن سعره مغري قوي بصراحه.
                            2- فلتر التكييف هو أخو الاصلي بس بفرق السعر ؟

                            Comment


                            • #15
                              المشاركة الأصلية كتبت بواسطة yhyakotb مشاهدة المشاركة
                              تقرير اكتر من رائع غصب عنى لازم ارد واشكرك ويباركلك فى العربية يارب

                              الشكر لحضرتك علي مرورك و كلامك الجميل


                              المشاركة الأصلية كتبت بواسطة samir elshahawy مشاهدة المشاركة
                              تخيل ده أول تقرير صيانة متكامل أشوفه عن الماتريكس في المنتدي و فعلا الموضوع ده كنت في اشد الاحتياج له لستكمال موضوعات الفهرس الخاص بالماتريكس

                              بجد مش عارف أشكرك أزاي و حقيقي مبادرة جيدة و موضوع فوق الممتاز

                              http://www.nilemotors.net/nile/303480-a.html

                              ده بعض ما عند حضراتكم يا باشمهندس
                              و الشكر لحضرتك علي التنظيم و التنسيق و مجهودك مع قسم هيونداي
                              و ربنا يقدرنا و نفيد باللي نقدر عليه
                              وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

                              Comment

                              Working...
                              X