الفيرنا وبنزين 80

[xrafatx]

كلام مظبوط

انا بستعمل السياره فيفا فيرنا بقالى سنه بصراحه اوقات بفول بنزين90 بتفرق فى نقل السرعات وسرعه العربيه لو حطيت 92 لانه فعلا بتعمل على توزيع البنيزين بشكل منتظمعن بواسطه البخاخات او( الانجكشن) وانسوا بنزين 80 خالص مع مراعاة عدم وصول البنزين لاقل من ربع الخزان لضمان عدم وصول اى شوائب للبخاخات (الانجكشن)

[ahmed1981]

بتفرق فى نقل السرعات وسرعه العربيه لو حطيت 92 لانه فعلا بيريح البخاخات او الانجكشن

لا علاقة بين جودة توزيع البخاخات ونوع البنزين نهائياً

[hazem_khidr]

عندي تاكسي فيرنا في المحله قابلته مره في البنزينه و سالته
لما لقيته بيحط 80 قالي عادي جدا و مش مأثر معايا غير في السحب علي الطريق.
البنزين كله واحد و فيه شوائب
المفروض تحط في العربيه اقل درجه اوكتان تخلي العربيه ما تسقفش.
يعني لو حطيط 80 و لقيت العربيه بتسقف يبقي حط 90
انما ليس له تأثير علي الرشاشات او ما شابه ذلك.
و انا في البنزينه بلاقي نوبيرا و زلموكه و لانسر بوما و عربيات كتير بتحط 80
و كل العربيات ماشيه مافيش مشاكل.
هيا المشكله بس ان تمنه رخيص
عارفين لو تمنه وصل 140 قرش مثلا
الناس حتقول دا مافيش زيه و بنزين ممتاز
لكن احنا عموما في مصر الحاجه الرخيصه لازم نخاف منها.
علي فكره صحيح
اعرف واحد معاه سبرانزا 516
بيحط فيها 80 بقاله سنه و نصف من يوم ما اشتراها
و العربيه ما شاء الله مش متأثره بحاجه.
لا رشاشات ولا طلمبه بنزين و لا حاجه نهائي.

[mohamed_mohsen]

عندي تاكسي فيرنا في المحله قابلته مره في البنزينه و سالته
لما لقيته بيحط 80 قالي عادي جدا و مش مأثر معايا غير في السحب علي الطريق.
البنزين كله واحد و فيه شوائب
المفروض تحط في العربيه اقل درجه اوكتان تخلي العربيه ما تسقفش.
يعني لو حطيط 80 و لقيت العربيه بتسقف يبقي حط 90
انما ليس له تأثير علي الرشاشات او ما شابه ذلك.
و انا في البنزينه بلاقي نوبيرا و زلموكه و لانسر بوما و عربيات كتير بتحط 80
و كل العربيات ماشيه مافيش مشاكل.
هيا المشكله بس ان تمنه رخيص
عارفين لو تمنه وصل 140 قرش مثلا
الناس حتقول دا مافيش زيه و بنزين ممتاز
لكن احنا عموما في مصر الحاجه الرخيصه لازم نخاف منها.
علي فكره صحيح
اعرف واحد معاه سبرانزا 516
بيحط فيها 80 بقاله سنه و نصف من يوم ما اشتراها
و العربيه ما شاء الله مش متأثره بحاجه.
لا رشاشات ولا طلمبه بنزين و لا حاجه نهائي.

و ليه يعني ما تحط 90 و خلاص يعني الواحد يجيب عربيه باكتر من 70 الف و جديده و مستخسر يحط فيها 90 كمان هتقوللي ما البنزين غالي هقولك ما احنا في دوله بايظه و عايز أسأل ايه اللي رخص دلوقتي ما كل حاجه غاليه و بعدين الواحد بيجيب عربيه كل فين و فين فلازم يحافظ عليه و بعدين حوار التسقيف ده غلط ليه تخلي اساسا العربيه تسقف اصلا
أرجو انك ما تزعلش من كلامي ده بس من رأيي تحط 90 أحسن و أضمن و كمان الكتالوج كاتب بالنص انك تحط بنزين الاوكتان فيه 89 أو اعلي يعني 89 و انت طالع مش 80 ال80 ده للعربيات القديمه اللي كانت معموله اساسا زمن ال80 زي ال504 و ال128 و الشاهين وال132 و التمساحه حتي وال124 و معظم العربيات القديمه اللي كانت نازلهايام ماكان البنزين ده هو المتوفر أساسا بس
و للعلم برضه 90% من سواقين التاكسيات بيحطوا 80 علشان يفوروا في البنزين و ركتب برضه تاكسي فيرنا كان محول عربيته غاز يعني الاستهلاك يعتبر منعدم

تحياتي,,,,

[ahmed1981]

و ليه يعني ما تحط 90 و خلاص يعني الواحد يجيب عربيه باكتر من 70 الف و جديده و مستخسر يحط فيها 90

هو مش إستخسار
ما الشاهين بسبعين ألف جنيه
والمضبوط لها بنزين 80
المسألة مسألة توافق
ولو راكب سيارة بتقبل بنزين 90 وحطيت بنزين 98 يبقى إنت بترمي فلوسك على الأرض
لكن لو السيارة لا تقبل أقل من 90 مثلاً ففي هذه الحالة منحطش أقل منه

[MOHAMED ABD EL SHAFY]

بلاش 80 من الانجيكشن خلى ال 80 دا مع الكاربرتييير فقط

[MMamdouh]

بلاش 80 من الانجيكشن خلى ال 80 دا مع الكاربرتييير فقط

مفيش اى علاقة بين رقم الاوكتين و نظام التغذية بالوقود

MMamdouh

[NaderNabil]

انا شوفت في بنزينة وطنية اللي علي أوتوستراد حلوان...في الطابور اياه بتاع بنزين 80...لانسر سبورت 1600 بتمون قدام عيني بنزين 80 و وراها ماتريكس 2007...و بعيد شوية في الطابور فيرنا....

للعلم فقط لاغير...

[hamedo0]

انا واحد صاحبي معاه لادا 1600 القديم وبيمون 92 اوكتين وسحب عربيه معاه جامد