تغيير رفرف الماتريكس الامامي

[hawkeye]

السلام عليكم و رحمة الله

الرفرف الامامي للماتريكس 2005 اتخبط و محتاج اغيره هوه و الفانوس الأمامي يمين، هل متوفر في السوق الرفرف الاصلي بتاعها و الفانوس؟ و فين افضل مكان اقدر اظبط فيه الموضوع ده؟ مع العلم اني من سكان الجيزة

الرجاء المساعدة من الخبراء او اللي جربوا الموضوع ده قبل كدة

شاكر ليكم مساعدتكم مسبقا

[spainmessi]

اه هوا اكيد متوفر وممكن تجيبه استيراد لكن للاسف انا من المنصورة ما اعرفش ممكن تلاقيه فين في القاهرة

[mshmshm3]

الرفرف مش نافع حاالص ؟

[hawkeye]

اه هوا اكيد متوفر وممكن تجيبه استيراد لكن للاسف انا من المنصورة ما اعرفش ممكن تلاقيه فين في القاهرة

قالولي لو لقيت استيراد حتلاقيه مش متظبط و حيحتاج شغل سمكرة على السخن و يبقه كده ما عملناش حاجة! هل ممكن الحصول من المنصورة على رفارف استيراد بحالة كويسة ما تحتاجش شغل؟

[hawkeye]

الرفرف مش نافع حاالص ؟

العربيات دي صاجها من "أبو لمس"، يعني اي ترييحه عليه بيبوظ .. كذا سمكري قالولي الرفرف مش نافع

[spainmessi]

العربيات دي صاجها من "أبو لمس"، يعني اي ترييحه عليه بيبوظ .. كذا سمكري قالولي الرفرف مش نافع

حضرتك انا معايا برده ماتريكس 2010 اسود وكنت خبطت الرفرف قبل كده واترد ع البارد بس المشكلة كلها الدهان وكده لكن لو حضرتك عاوز تبيعها وسعرها ما يقعش يبقي انصحك تجيب رفرف استيراد او اصلي وموضوع الاستيراد ده ممكن اسالك عليه ف الحسينية هنا

[seri0us]

السلام عليكم و رحمة الله

الرفرف الامامي للماتريكس 2005 اتخبط و محتاج اغيره هوه و الفانوس الأمامي يمين، هل متوفر في السوق الرفرف الاصلي بتاعها و الفانوس؟ و فين افضل مكان اقدر اظبط فيه الموضوع ده؟ مع العلم اني من سكان الجيزة

الرجاء المساعدة من الخبراء او اللي جربوا الموضوع ده قبل كدة

شاكر ليكم مساعدتكم مسبقا

بالنسبة للرفرف ما عنديش خلفية عنه بس لو انت من المنصورة ممكن تسأل في الحسنية او الدائري قدام محطة كالتكس عند " كدش " بتاع استيراد قطع الهيونداي ...

اما الفانوس فموجود ماركة depo انضف حاجة و القمرة الداخلية اللي بتلمع و بتعكس الاضاءة ما تصفرش من الشمس كنت جبته من كام شهر ب 240 ج ... مش عارف بعد الدولار و زيادته بقى بكام ؟؟

[hawkeye]

الله يبارك فيكم و يجزيكم خير
الأخ المحترم spainmessi أكون شاكر ليك جداً لو عرفت لي إذا كان فيه استيراد بحالة محترمة "لون بيستاج" في الحسينية ولا لا، إذا كان متاح حخلي واحد صديقي يجيبهولي من هناك لانه بينزل المنصورة كل أسبوع

الأخ المحترم seri0s أشكرك على معلومة الفانوس، ان شاء الله حشتريه

[spainmessi]

الله يبارك فيكم و يجزيكم خير
الأخ المحترم spainmessi أكون شاكر ليك جداً لو عرفت لي إذا كان فيه استيراد بحالة محترمة "لون بيستاج" في الحسينية ولا لا، إذا كان متاح حخلي واحد صديقي يجيبهولي من هناك لانه بينزل المنصورة كل أسبوع

الأخ المحترم seri0s أشكرك على معلومة الفانوس، ان شاء الله حشتريه

خلاص هشوفه لحضرتك وهرد على حضرتك ان شاء الله