اشترى دلوقتى ولا استنى؟

[matantawy]

انا ناوى اجيب اكسنت 2013 اول فئة فى الاتوماتيك اللى هيا ب 122 الف -حار و نار فى جتتهم!-

طبعا الاسعار بتزيد كل اسبوعين مثلا ف انا محتار اجيب بسرعة يلا و لا مثلا فى فرصة لتخفيض او offers قريب؟ انا مليش فى العربيات بصراحة بس يعنى مثلا فى حاجات بترخص فى رمضان :D

السؤال بقى هل فى مناسبة قريب هيبقى فيها فرصة لتخفيضات كده؟ و لا الواحد لازم يلحق دلوقتى قبل ما تغلى اكتر؟

و اه عارف ان فاتنى عرض الشهر اللى فات بتاع تخفيض 3 الاف :S

و اه انا عارف ان المقروض الواحد ميشتريش عشان ميشجعهمش على الجشع بس انا للأسف معنديش اختيار لأنى ماشى بعربية مش بتاعتى و اخرها معايا الصيف ده و بعد كده هبقى موتو رجل :D

[khalid_adel]

بص حسب احتياجاتك للعربيه يعني لو محتاجها اوي اخلص وهاتها النهارده قبل بكره لان علي الاقل حتوفر التاكسي ولا كانك ماجر عربيه وتستمتع بالموديل من بدري قبل ماسنته تخلص
لكن لو ممكن تستني ومش فارقه معاك عربيه اوي خلاص استني

[matantawy]

ما هو نظريا الكلام ده جميل و صح، بس عمليا مينفعش لأن العربيات بتغلى بهبل دلوقتى و عشان كده بسأل هل لو استنيت فى فرصة لموسم خصم او تخفيض قريب؟

[khaabas]

يا باشا ألحق كل يوم بقى بسعر جديد

[Ghosts]

عمرى ما سمعت عن تخفيضات عملها غبور لا فى رمضان ولا غيرة ....
توكل على اللة .. هو فى حاجة فالبلد دى بترخص أبدآ؟؟!!

[monamize4]

يا باشا ألحق كل يوم بقى بسعر جديد

عمرى ما سمعت عن تخفيضات عملها غبور لا فى رمضان ولا غيرة ....
توكل على الله .. هو فى حاجة فالبلد دى بترخص أبدآ؟؟!!

للاسف الكلام دا هو الصح

[devil_storm]

غابور و معظم التوكيلات بيعملوا تخفيضات في رمضان علشان بيخلص من موديل السنه قبل ما ينزل موديل السنه الجديده و اكيد بيكون في تخفيضات في رمضان بس انت تضمن منين ان الدولار حيثبت سعره علي كده!!! للاسف الدولار كل يوم بيزيد والله اعلم بكره في ايه!!!

[matantawy]

غابور و معظم التوكيلات بيعملوا تخفيضات في رمضان علشان بيخلص من موديل السنه قبل ما ينزل موديل السنه الجديده و اكيد بيكون في تخفيضات في رمضان بس انت تضمن منين ان الدولار حيثبت سعره علي كده!!! للاسف الدولار كل يوم بيزيد والله اعلم بكره في ايه!!!

مانا بقول لنفسى كده برضه بس قلت اسأل الناس الفاهمة يمكن شايفين حاجة مش فاهمها، ان شاء الله هبدأ إجراءات و هبقى قسط طبعا للأسف

سؤال بقى، القسط انا اسمع ان بنك ناصر احسن و احن حاجة، حد شاف عيب فى بنك ناصر؟
انا اسمع انه 6% و تسهيلات حلوة كده و ممكن معملش تأمين لو حطيط وديعة يعنى

هل حد بقى سمع حاجة وحشة عنه؟

و الف شكر لكل اللى ردوا طبعاً

[Ghosts]

غابور و معظم التوكيلات بيعملوا تخفيضات في رمضان علشان بيخلص من موديل السنه قبل ما ينزل موديل السنه الجديده و اكيد بيكون في تخفيضات في رمضان بس انت تضمن منين ان الدولار حيثبت سعره علي كده!!! للاسف الدولار كل يوم بيزيد والله اعلم بكره في ايه!!!

مين عارف؟؟!! كل شىء جايز ....

[dadapharma]

في خصم 5000 جنيه على الالنترا و الأكسنت أر بى فى فروع غبور المفرض أنه كان هيخلص أمبارح بس مدير الفرع ألى أنه هيتمد فى الغالب .. أنا حجزت أمبارح و ممكن تكلم 16661 تتأكد أن العرض سارى.. بالتوفيق..

[matantawy]

في خصم 5000 جنيه على الالنترا و الأكسنت أر بى فى فروع غبور المفرض أنه كان هيخلص أمبارح بس مدير الفرع ألى أنه هيتمد فى الغالب .. أنا حجزت أمبارح و ممكن تكلم 16661 تتأكد أن العرض سارى.. بالتوفيق..

هو الخصم كان 3000 بس لو اكسنت بس هشوف لو لسه مستمر او هيتجدد و الف شكر :d
حلويين 3000 ، حد لاقى :d

[devil_storm]

لو في خصم ٥٠٠٠ فعلا يبقي انصحك تشتري فورا و متستناش

[matantawy]

لو في خصم ٥٠٠٠ فعلا يبقي انصحك تشتري فورا و متستناش

هكلم بكره غبور على 16661 ان شاء الله و لو سمعت عن تخفيض هقول هنا ان شاء الله و يا رب يكون فى !

[matantawy]

هكلم بكره غبور على 16661 ان شاء الله و لو سمعت عن تخفيض هقول هنا ان شاء الله و يا رب يكون فى !

لسه قافل مع غبور على 16661 و قالولى التخفيضات كلها مستمرة يعنى اول فئة اوتوماتيك ب 119 دلوقتى -حاو و نار فى جتتهم برضه-

[khaabas]

صحيح الفل مانيوال وفيها ايرباج بكام دلوقتى