قطع غيار اكسنت rb لا تعليق

[mahmoud_afifi]

هههههههههههههههههههه

اشتم براحتك ياباشا واحنا معاك , هو انا وصاحبى اديناة اللى فية النصيب , ربنا يسامحنا بقى

هههههههههههههههههههه
ربنا يسامحني انا كمان على الشتيمه الي بشتمهاله لمدة 4 سنين فاتوا

[A.Adel]

موجود يا باشا عن نفسى الضمان كان 100 الف او 3 سنين و انا استهلاكى عالى فنفضت للتوكيل من بعد الالف صيانتى بره كله بقطع الغيار الاصلية من فروع التوكيل موجودين ف كل مكان او من الموزعين المعتمدين و بتفرق جامد ف الفلوس بصراحة و كل الناس بلا اسثناء و ف اى محافظة فاهمة الكورى فمش محتاج توكيل ف حاجة

يعني إنت كده شغال مع مراكز خدمة معتمدة ولسة في الضمان عادي ؟
ولا بتتعامل مع ورش عادية ؟

[Habd]

ورش عادية و بره الضمان من زمااان او اصلا مدخلتوش لانى اول و اخر مرة رحتها كان صيانة الالف بس ايه قعدت فيها من 8 و نص لحد 5 و نص على غيار زيت و تربيط عفشة و شكرا يا عمو غبور

[Habd]

ع فكرة انا غلطت انا ضمانى لو كنت التزمت كان 60 الف او 3 سنين ايهما اقرب

[A.Adel]

الاول شكرا على اهتمامك و ردك على سؤالي :)

ثانيا, ما كده حضرتك خسرت الضمان

يعني على كلامك ده, اللي بيتعامل مع التوكيل أو مركز خدمة معتمد
بيدفع كتير بقى
لا إما يتنازل عن الضمان ويعيش مع نفسه بره


عشان كده بقى الناس بتجيب خليجي
أنا بصراحة كنت فاكر إن حتى في التوكيل الحاجة رخيصة

[A.Adel]

يا ريت تعذرني يا أستاذ سامح لو كنت خرجت عن الموضوع شوية :)

[SAMEH_FOUAD]

يا ريت تعذرني يا أستاذ سامح لو كنت خرجت عن الموضوع شوية :)

ياباشا براحتك , وشكرا لذوقك

[SAMEH_FOUAD]

هههههههههههههههههههه
ربنا يسامحني انا كمان على الشتيمه الي بشتمهاله لمدة 4 سنين فاتوا

الراجل دة هيدخل الجنة بسبب الناس اللى عمالة تشتم فية , وبيبدل سيئاتة بحسنات بسببنا احنا

[Samir Elshahawy]

أخي العزيز / سامح

طبعا انا مقدر تماما مصاب صديقك في سيارته و مرة أخري في تكاليف أصلاحها , بس أنا عايز أسألك سؤال بسيط :
هل فيه سيارة في مصر دلوقتي أسعار قطع غيارها و أسعار صيانتها في التوكيل رخيصة ؟
طيب أيه رأيك لما تعرف أن سعر أحدي قطع الغيار في أحدي التوكيلات الاوروبية الشهيرة جدا أو اليابانية تكون في حدود 2000 جنيه و التوكيل بيبيعها ب 20,000 جنيه ؟

مش حرام و سرقة برضه ؟

عموما أتمني أني أقابلك في عيد ميلاد المنتدي و نتكلم شوية في الامور دي

[SAMEH_FOUAD]

أخي العزيز / سامح

طبعا انا مقدر تماما مصاب صديقك في سيارته و مرة أخري في تكاليف أصلاحها , بس أنا عايز أسألك سؤال بسيط :
هل فيه سيارة في مصر دلوقتي أسعار قطع غيارها و أسعار صيانتها في التوكيل رخيصة ؟
طيب أيه رأيك لما تعرف أن سعر أحدي قطع الغيار في أحدي التوكيلات الاوروبية الشهيرة جدا أو اليابانية تكون في حدود 2000 جنيه و التوكيل بيبيعها ب 20,000 جنيه ؟

مش حرام و سرقة برضه ؟

عموما أتمني أني أقابلك في عيد ميلاد المنتدي و نتكلم شوية في الامور دي

شوف ياباشا بعيدا عن اسعار قطع الغيار , لكن المصنعية نفسها مبالغ فيها , مصنعية فك ومصنعية تركيب , كشاف يجى من غير اللمبة بتاعتة مع ان القديم كان فية لمبة , وطبعا راحت , قطع غيار اتغيرت ومش لاقينها , ولما رخم معاهم وزعق ماعرفش يلاقى غير الاكصدام وللاسف كان بتاع واحد تانى بس خدة مع انة سليم بأستثناء شرخ فى منتصف الاكصدام بسيط مش قوى

التوكيل يسلم العربية من غير فريون ومايعرفش العميل عادى جداااااا, والعميل يكتشف دة ويرجع تانى بعد مااستلم وخرج واكتشف بالصدفة , وفى الاخر فى الفاتورة محاسبينة علية وهو اصلا ماتعملش , ويقولة الفريون خلص , وتعالى الاسبوع اللى جاى , وطبعا هياخدلة بتاع 6 ساعات على مايشحن

العربية مستلمها سورى فى اللفظ ( مزبلة ) متبهدلة اخر بهدلة وهو اصلا كان جايب اخرة بقالة من الساعة 8:30 صباحا للساعة 5:30 مساءا بيستلمها مع انهم مكلمينة قبليها بيوم قالولة السيارة خلصت تعالى استلمها ( لييييييييييييييية بقى )

وعلى فكرة يعنى على كل دة والسيارة منظرها مش عاجبنى

على فكرة اللى بيقول بردة سيارات هيونداى اعتمادية ( ياريت بس الناس تشوف عربيات قد اية فى التوكيل ( مابين عطل - صيانات - قطع غيار مترمية بايظة ) انا صاحبى بيقولى انا دخلت شوفت كمية سيارات بتتصلح من جميع الانواع والفئات

هو عموما ياباشا عارض العربية للبيع من بعد الموقف دة , وقالى بالحرف انا غلط غلطة عمرى يوم ماركبت الكورى بسبب العربية والتوكيل واسعار قطع الغيار الفظيعة بجد

ياريت بس محدش يفرح بسعر الاكصدام اللى تمنة 1500 جنية عشان معاة صدادة امصدام تمنها 650 جنية وفك وتركيب 220 جنية مش عارف بيركبوا اية الصراحة , دة غير طقم كليبسات ب120 جنية , يعنى تكلفة الاكصدام ( 1500+650+120 +220 = 2500 جنية ليييييييييية وكل دة ومن غير فوجات امال لو جابة بالفوجات هيعمل كاااااااااااام 8000 جنية

[khaledfox]

انا مش عارف اكتب من كتر ما انا عمال اشتم
بجد ده نصب وبجاحه

[khaabas]

على فكرة اللى بيقول بردة سيارات هيونداى اعتمادية ( ياريت بس الناس تشوف عربيات قد اية فى التوكيل ( مابين عطل - صيانات - قطع غيار مترمية بايظة ) انا صاحبى بيقولى انا دخلت شوفت كمية سيارات بتتصلح من جميع الانواع والفئات

يعنى عربيات هيونداى موش اعتمادية علشان مالكيها بيروحوا يعملوا صيانات دورية للعربية
وله علشان لقيت قطع غيار مترمية فى مركز تصليح عربيات تبقى موش اعتمادية
انتا مدخلتش توكيلات هوندا او تويوتا او سكودا عالفكرة هتلاقى برده عربيات كتير بتعمل صيانات وعطلانة وقطع غيار مترمية هههه
هات الاسكودا والجيتا اللى عيب الفتيس اللى نازل حتى فى موديلات 2013 وحتى الجولف وتكلفة عقل الفتيس اللى بتوصل لالف الجنيهات بما يعادل نصف تمن العربية وكان في اكتر من موضوع بشان كده فى قسم الاسكودا والجيتا هى دى الاعتمادية موش علشان ابقى مالك لعربية معينة لازم الناس كلها تركبها غصب عنها
يا ريت يا جماعة نخلينا موضوعين شوية الهيونداى واى عربية تانية بتنزل فى مصر ميهاش عربية خرافية ولا وحشة للدرجة دى

وبخصوص ان قطع غيارها مبالغ فيها لا موش مبالغ فيها ومشكلتك انتا انك روحت للتوكيل فى حين بدل ما هتدفع 20.000 بالكتير اوووى كنت هتدفع بره 1000-2000 بالكتير اووى بس احنا اللى بنحب ينضحك علينا ونقول توكيل
ارجو تقبل كلامى بصدر رحب لكن الهجوم الدائم موش منك تحديدا على الكورى موش عاوزينه وموش عاوزين حد يكرهنا فى عربيتنا

[AHMEDCAR]

انت صلحتها فى انهى فرع

لان الاكصدام مسعر فى هيونداى بى 1500 و حضرتك بتقول انهم خلو سعره 1850

و الكليبسات برضو الواحد ب 8 جنيخ و حضرتك بتقول ان الواحد ب 75 جنيه الفانوس بيجى باللمبة بتاعته و اغلى لمبه فى التوكيل ب 250 على ما تذكر

كاوتش البرابريز الامامى ب 160 جنيه و مش بيتغير غير و انت بتغير الزجاج و حضرتك بتقول انهم غيروه

حضرتك بتقول انهم غيروا طبله باب احب اقولك انها ملهاش طبله باب فى التوكيل كله

انا مش بقول كده اشكك فى كلامك لكن اكيد ده مش التوكيل ممكن تكون شركه بره و عملت الكلام ده لان زى ماقولتله معظمن الاسعار دى فيها حاجه غلط

و خصوصا حته طبله الباب طبله الباب التوكيل مش بيجيبها اساسا

[Samir Elshahawy]

أستاذ سامح ..

ياريت لو تكلمني علي التليفون ضروري علشان عايز أستفسر منك علي كام حاجة بخصوص الموضوع ده
و أن شاء الله نقدر نعمل حاجة لصاحبك

[Sehsss]

غبور ده منه لله، الأسعار دي غلبت الياباني في حاجات كتير.. للأسف الكوري فقد ميزة رخص أسعار قطع الغيار