الباب بيزيق و العربية ماشية!

[p r i n c e]

الباب اليمين بيزيق و انا ماشي بالعربية مع إن الباب مقفول كويس و العربية 2010 يعني مش قديمة
الصوت مزعج جدا مش عارف دا إيه دا يا رجالة؟

[mshmshm3]

مفصلات الباب عايزة شحم ابيض او wd 40
و نضفهم الاول كويس من التراب و الطينة
لو الصوت راح شوية و هايرجع
ده لو راح
شيل الموضوع من دماغك لاني حاولت كتير جدا جدا جدا جدا في المشكلة دي وماوصلتش لحل
او جرب انت تحلها و يبقي جميل مش هنساهولك ابدا

[p r i n c e]

ا ش ا سهلة و لو وصلت لحل هبلغك

[Ashraf_Ibrahim]

دا عادي يا عزيزي
تأقلم مع الوضع ومتتعبش نفسك :]

[p r i n c e]

صوت مزعج جدا مش عارف اتأقلم و جبت سبراي wd و برضو مفيش فايدة و رحت ل سروجي قالي الباب مفهوش حاجة و قالي دا الكرسي مش الباب و ربط الكرسي و اخد 10 جنيه و برضو الصوت زي ما هوا رجعتلو قالي تعالى بكرا هظبطهالك بس شكلو بيشتغلني
اروح ل سمكري ولا اعمل ايه :-(

[seri0us]

مفصلات الباب عايزة شحم ابيض او wd 40
و نضفهم الاول كويس من التراب و الطينة
لو الصوت راح شوية و هايرجع
ده لو راح
شيل الموضوع من دماغك لاني حاولت كتير جدا جدا جدا جدا في المشكلة دي وماوصلتش لحل
او جرب انت تحلها و يبقي جميل مش هنساهولك ابدا

انت رشيت ال wd 40 فين ؟؟؟

عاوزك ترشه على الحديدة اللي راكبة في القايم اللي قفل الباب بيعشق فيها ... و رش بالمرة على قفل الباب اللي بيدخل في حديدة القايم ..

كان عندي في الماتريكس كده نفس الصوت اللي عندك ظهر لوحده و اول ما رشيت في الحتيتين دول من غير ما ارش على مفصلات الباب الحمد لله الصوت راح و بقاله على كده سنة :))

ان شاء الله نصيحتي تظبط معاك ..و طمني عملت ايه ؟؟

[mshmshm3]

انت رشيت ال wd 40 فين ؟؟؟

عاوزك ترشه على الحديدة اللي راكبة في القايم اللي قفل الباب بيعشق فيها ... و رش بالمرة على قفل الباب اللي بيدخل في حديدة القايم ..

كان عندي في الماتريكس كده نفس الصوت اللي عندك ظهر لوحده و اول ما رشيت في الحتيتين دول من غير ما ارش على مفصلات الباب الحمد لله الصوت راح و بقاله على كده سنة :))

ان شاء الله نصيحتي تظبط معاك ..و طمني عملت ايه ؟؟

استاذي الفاضل
شكرا علي ردك
رشيت في الحتة دي زيت و شحم ابيض و لفيت شريط لحام علي الحديدة اللي الباب بيقفل عليها
و فكرت ان الكالون عايز يتربط كويس لاقيته مربوط
فكيت فرش الباب و رشيت عليه زيت من جوه و علي مجري الازاز و ربط صواميل الباب بتاعت مكنة رفع الازاز و رشيت زيت علي الاكرة من جوة
انا رشيت زيت علي المفصلات و مجابش نتيجة و رشيت شحم ابيض علي المفصلات المعدن و الشداد الاسود
و شكيت ان المشكلة في الشداد الاسود فكيته و مشيت من غيره بردو المشكلة مازالت
بس دلوقتي المشكلة بدأت تنحصر في المفصلات الكبيرة و ده احتمال
و كالون الباب و ده احتمال بس انا جربت ف مرة فتحت الباب و انا ماشي في شارع مكسر و الصوت كان موجود
الكراسي مفيش فيها مشكلة او لو فيها هايبقي صوت بسيط جدا لا يذكر
طيب مش ممكن يبقي الصوت جي من ناحية حزام الامان يكون في حاجة عايز زيت او تتربط في الحتة دي
بغض النظر عن الصامولة اللي رابطة حزام الامان و اللي تحت عشان لما شكيت فيهم كسرت لقمة في طقم اللقم و انا بقرط عليهم (الطقم كان صيني )
عشان ماطولش المشكلة تنحصر في القايم و الباب

[loshabih]

استاذي الفاضل
شكرا علي ردك
رشيت في الحتة دي زيت و شحم ابيض و لفيت شريط لحام علي الحديدة اللي الباب بيقفل عليها
و فكرت ان الكالون عايز يتربط كويس لاقيته مربوط
فكيت فرش الباب و رشيت عليه زيت من جوه و علي مجري الازاز و ربط صواميل الباب بتاعت مكنة رفع الازاز و رشيت زيت علي الاكرة من جوة
انا رشيت زيت علي المفصلات و مجابش نتيجة و رشيت شحم ابيض علي المفصلات المعدن و الشداد الاسود
و شكيت ان المشكلة في الشداد الاسود فكيته و مشيت من غيره بردو المشكلة مازالت
بس دلوقتي المشكلة بدأت تنحصر في المفصلات الكبيرة و ده احتمال
و كالون الباب و ده احتمال بس انا جربت ف مرة فتحت الباب و انا ماشي في شارع مكسر و الصوت كان موجود
الكراسي مفيش فيها مشكلة او لو فيها هايبقي صوت بسيط جدا لا يذكر
طيب مش ممكن يبقي الصوت جي من ناحية حزام الامان يكون في حاجة عايز زيت او تتربط في الحتة دي
بغض النظر عن الصامولة اللي رابطة حزام الامان و اللي تحت عشان لما شكيت فيهم كسرت لقمة في طقم اللقم و انا بقرط عليهم (الطقم كان صيني )
عشان ماطولش المشكلة تنحصر في القايم و الباب

عندي بس طقطقه في الناحيه الشمال...فكيت القايم كله بلحزام برده موجود...عملت كل حاجه والصووت موجوود اما خلااااص قرفت والعربيه 2011

[alaamousa]

استاذي الفاضل موضوع التزييق والتزنيده اللي بتبقى في التابلوه بقيت حاسس انها حاجه عادية
بس ان شاء الله روح لراجل بتاع ابواب يشوفهالك لاني اعتقد ان المزراب ممكن يكون فيه مشكله تحياتي