تكه في فتيس الانترا 2013 مانيوال

[dukefleedo]

السلام عليكم دي اول مشاركه لي في المنتدي و اتمني حد يفيدني إن شاء الله
دلوقتي انا عندي الانترا 2013 مانيوال عالمله 15000 لحد دلوقتي ابتداء من اول 5000 او 4000 ابتديت اسمع صوت تكه في الفتيس لما باجي ادوس بنزين و انا مدي غيار لحد التالت تقريبا و كمان التكه بسمعها برضه لما بشيل رجلي من غلي البنزين و انا مدي غيار
تدوس بنزين تسمع تكه تسيل رجلك برضه تسمع تكه
المهم رحت عملت الصيانه في مودرن سرفيس قالولي ده عادي فيها في المانيول و الاوتوماتيك برضه
بعض ملاك السياره قالولي دي صواميل او ورد في الفتيس بلاسنيك و هي بتعمل الصوت ده و بتروح غبور بيفك الفتيس كله و يغيرهالك
حد يا جماعه سمع عن المشكله دي قبل كدة؟؟؟؟

[khaabas]

تاخد نصحيتى غير زيت الفتيس والحالة دى هتروح عالطول ان شاء الله وكان يجب تغييرة من عند بداية سماع الصوت
ومعلومة زيوت التليين من اسوء ما يمكن لان خواص التخزين بالزيوت دى أعلى من خواص التزييت
جرب تغير زيت الفتيس موش هتخسر حاجة قبل ما حد يدخلك فى متاهة ملهاش لازمة ويقول فك فتيس وبتنجان ملوش لازمة

[dukefleedo]

عموما انا كده كده هعمل صيانه ال 10000
قبي ما اروح حاخد نصيحتك و اغير زبت الفتيس و لو فضل الصوت برضه حبقي اقولهم عليه في التوكيل و اشوف النظام
شكرا علي وقتك

[adel1212]

بلاش تعمل اى حاجة برة علشان دول بيتلككوا
وانت بالضمان لسه روح لهم باقرب وقت
تحياتي

[Samir Elshahawy]

أنصحك بزيارة التوكيل و الكشف علي العربية هناك
و ياريت توافينا بالاخبار بعد ذلك

[khaledccie]

روح التوكيل افضل شئ
وروح فرع قليوب قسم الهياكل او ابو رواش لان ليهم خبرة اكبر بكتير من فرع العبور بالذات في الفتيس

لو روحت العبور مش هيعرفوا يعملوا ليك شئ

[dukefleedo]

شكرا يا بشمهندسين علي المشاركات القيمه و انشاء الله حروح التوكيل في اقرب فرصه

[ايهاب سمير]

السلام عليكم دي اول مشاركه لي في المنتدي و اتمني حد يفيدني إن شاء الله
دلوقتي انا عندي الانترا 2013 مانيوال عالمله 15000 لحد دلوقتي ابتداء من اول 5000 او 4000 ابتديت اسمع صوت تكه في الفتيس لما باجي ادوس بنزين و انا مدي غيار لحد التالت تقريبا و كمان التكه بسمعها برضه لما بشيل رجلي من غلي البنزين و انا مدي غيار
تدوس بنزين تسمع تكه تسيل رجلك برضه تسمع تكه
المهم رحت عملت الصيانه في مودرن سرفيس قالولي ده عادي فيها في المانيول و الاوتوماتيك برضه
بعض ملاك السياره قالولي دي صواميل او ورد في الفتيس بلاسنيك و هي بتعمل الصوت ده و بتروح غبور بيفك الفتيس كله و يغيرهالك
حد يا جماعه سمع عن المشكله دي قبل كدة؟؟؟؟

[OVERLINE][/OVERLINE]
السلام عليكم ورحمة الله الموضوع ده كان عندى بالظبط وظهر بعد 5000 او اكثر شويه المهم ظهر بوضوخ فى الشتاء وبيكون ظاهر جدا والعربيه بارده ولما بتسخن بيختفى شويه بس بحس بالتكه دى برضه هى تقريبا صوتها زى ما يكون طرقعه خفيفه وبتكون صوتها مش معروف اذا كانت من اليمين ولا الشمال والطرقعه دى بتظهر جدا فى اول النقله لما بتكون العربيه على p وبعدين تيجى تنقل على dاو R بتسمع الصوت ده .
عموما الموضوع بسيط انا لما روحت التوكيل بعد ما قعدت استفسر عن الموضوع لمدة شهرين عرفو ان السبب ان فيه الدفعه الاولى من العربيات اللى جت من احر 2011 وشويه من 2012 كانت فيه عيب بسيط اتعالج فى الدفعات اللى بعد كده وهو عدم وجود ورد معينه فى الكبالن الورد دى تقريبا ب50 جنيه ولما الشركه اكتشفت العيب ده اخطرت الوكلاء لتركيب الورد دى وفعلا انا ركبتها والتكه دى راحت نهائى والعربيه زى الفل ومفيش اى مشكله وعموما انا ركبتها فى مركز ايجى اوتو بتاع طنطا وما خادتشى وقت اكثر من ساعه وبالتوفيق ان شاء الله بس مش عارف اذا كان المشكله فى الاوتومانيك هى هى زى المانيوال ولا لا

[john55]

[quote=ايهاب سمير;3874913067][overline][/overline]
السلام عليكم ورحمة الله الموضوع ده كان عندى بالظبط وظهر بعد 5000 او اكثر شويه المهم ظهر بوضوخ فى الشتاء وبيكون ظاهر جدا والعربيه بارده ولما بتسخن بيختفى شويه بس بحس بالتكه دى برضه هى تقريبا صوتها زى ما يكون طرقعه خفيفه وبتكون صوتها مش معروف اذا كانت من اليمين ولا الشمال والطرقعه دى بتظهر جدا فى اول النقله لما بتكون العربيه على p وبعدين تيجى تنقل على dاو r بتسمع الصوت ده .
عموما الموضوع بسيط انا لما روحت التوكيل بعد ما قعدت استفسر عن الموضوع لمدة شهرين عرفو ان السبب ان فيه الدفعه الاولى من العربيات اللى جت من احر 2011 وشويه من 2012 كانت فيه عيب بسيط اتعالج فى الدفعات اللى بعد كده وهو عدم وجود ورد معينه فى الكبالن الورد دى تقريبا ب50 جنيه ولما الشركه اكتشفت العيب ده اخطرت الوكلاء لتركيب الورد دى وفعلا انا ركبتها والتكه دى راحت نهائى والعربيه زى الفل ومفيش اى مشكله وعموما انا ركبتها فى مركز ايجى اوتو بتاع طنطا وما خادتشى وقت اكثر من ساعه وبالتوفيق ان شاء الله بس مش عارف اذا كان المشكله فى الاوتومانيك هى هى زى المانيوال ولا لا[/quot انا كانت بتظهر عندي التكه دي لما تكون العربيه في مطلع واجي احرك الفتيس من p الي r لكن اتعودت اشد فرامل اليد واحرك الفتيس مبقتش تظهر وشكرا

[dukefleedo]

التكه بتظهر لما العربية بتبقى واخده غيار و بدوس بنزين و لما بشيل رجلي بعد الحركة بتظهر برضه و انا سمعت موضوع الورد ده بس بيقولوا في الغتيس مش في الكبالن

[john55]

من الاخر لو حضرتك في الضمان تحجز في فرع اساسي من فروع غبور قليوب او العبور وتقولهم علي المشكله ممكن حضرتك من المطبات اللي ماليه البلد تكون حاجه مفككوه ومش محتاجه غير تربيط وإن شاء الله تتحل وشكرا