كابل البطارية اتقطع فلاحظت النقلات ما بتجيش الا لما ارفع رجلي شوية عن الدواسة !!!

[seri0us]

اللي حصل باختصار ...

فوجئت كهربة العربية فصلت كليا فعرفت انه كابل البطارية او البطارية عامة ففتحت الكابوت لقيت الكابل اتقطع منه الحتة الحديد اللي بتتربط على قطب البطارية فقمت مزود سلك محمل و لفيته بالكابل و قمت لافه على قطب البطارية و العربية اشتغلت زي الفل ..

بعدها بفترة قليلة بتاع يوم لقيت لما ببقى عاوز اتجاوز عربية على الطريق الاقي الار بي ام دخل في 6 و السحب قل و مش راضي ينقل للتالت مثلا الا لما ارفع رجلي سنه عن الدواسة بتاعت البنزين !!!!!

رغم ان معاد تغيير زيت الفتيس و الفلتر لسه عليه 20000 كلم و بستخدم زيت امارات مصر ..

فهل ده عيب بوجيهات ولا فلتر الهوا عاوز يتنضف او يتنفخ فيه بالهوا ولا حساس معين خاص بالفتيس عاوز يترش عليه اسبراي تنضيف ولا عمر البطارية في النازل فده بيأثر على النقلات زي ما بيقولوا في العربيات النيسان ولا الكابل اللي انا عامله مش محرق عليه كويس فماثر على سرعة النقل ولا عندي كمبيوتر وعاوز يتعمله ريستارت او ريسيت ؟؟؟

معلش مستعجل على الردود لاني مسافر يوم الاحد المطار و مافيش قدامي الا يوم السبت اظبط الموضوع ده رغم اني لما بدوس براحة ع الدواسة من غير ما اشد مع حد او عاوز اتجاوز عربية قدامي النقلات بتم بشكل مرن و سلس لكن حاسس ان اخر السرعة 120 مش زي زمان :((

[aldesha989]

البطاريه ملهاش علاقه بالموضوع ده والله اعلم بس ما اتوقعش كمبيوتر العربيه مش شغال كويس علشان اللى حصل فى البطاريه بس ممكن تعمل ايدل ليرن وتجرب تانى لانك فصلت الكهرباء عن كمبيوتر العربيه فعمل ريسيت لوحده ده المفروض

ونستنى باقى الشباب لانى بصراحه مش متأكد ان شاء الله نستفيد

[el diesel]

مشكلة غريبة فعلا

[khaabas]

حكاية تزويد سلك محمل دى خطر على كنترول العربية
وغير كابل البطارية باسرع وقت بدل ما تضرب كنترول العربية

[seri0us]

البطاريه ملهاش علاقه بالموضوع ده والله اعلم بس ما اتوقعش كمبيوتر العربيه مش شغال كويس علشان اللى حصل فى البطاريه بس ممكن تعمل ايدل ليرن وتجرب تانى لانك فصلت الكهرباء عن كمبيوتر العربيه فعمل ريسيت لوحده ده المفروض

ونستنى باقى الشباب لانى بصراحه مش متأكد ان شاء الله نستفيد

انا قرأت في نفس المنتدى عن موضوع ايدل ليرن بس مش متأكد من الطريقة الصح !!!!

فهل ممكن حد يقولي او يعرفنا ايه الطريقة بتاعت الايدل ليرن ؟؟؟

و لو في احتمالية تانية لتصليح العيب حد من اهل الخبرة يفيدني قبل ما انزل بكره للميكانيكي ... رغم اني مقرر اغير بوجيهات 2 شمعة من باب الاحتياط و انضف حساس الفتيس باسبراي جانك الامريكي ...

بس الافضل طبعا حد يدلني على موضع العيب :((

[seri0us]

حكاية تزويد سلك محمل دى خطر على كنترول العربية
وغير كابل البطارية باسرع وقت بدل ما تضرب كنترول العربية

اه طبعا كلام حضرتك صح بس سوري مش قصدي محمل ان جهده اعلى من كابل العربية نفسه انا اقصد بس انه موازي ليه من غير ما يقرفني ان انزل كل شوية اققرط عليه و الكلام ده :)

بس ان شاء الله السبت رايح للميكانيكي بتاعي يركبلي القطعة الحديد اللي بتتلحم في كابل العربية و تسقط في قطب البطارية و تتربط بالصامولة 10 ...

[seri0us]

انا النهاردة روحت للميكانيكي و غيرت البوجيهات و فلتر الهوا و جبت اسبراي امريكي بس مش جانك مش فاكر اسمه ايه واحد من الاعضاء كان صوره و قال انه ب 25ج و خاص بتنظيف البوابة و الحساسات بس لقيته ب 15 ج و ما شاء الله صوت العربية بقى قمة في السايلنت و المشكلة الرئيسية بتاعت النقلات حاسس من مشي جوه البلد تقريبا و الله اعلم اتحلت لكن مسافر بكره المطار فهشوف ع الطريق موضوع النقلات اللي هو المشكلة الرئيسية و لو لا قدر الله ما ظبطتش هغير زيت الفتيس بدري عن معاده 20 الف كم و اغير فلتر الفتيس علشان احصر الحلول المطروحة في اضيق نطاق ...

بالمناسبة عملت ال " ليرن ايدل " بس اعتقد ما كنتش محتاجه لكن ما يخسرش :))

ادعولي تكون مشكلتي اتحلت من غير ما اغير زيت الفتيس :((