اكسنت ار بى الاكثر مبيعا بالسوق السعودى

[khaabas]

• أكثر سيدان صغيرة الحجم Subcompact مبيعاً : هيونداي أكسنت
• أكثر سيدان صغيرة الحجم compact مبيعاً : تويوتا كورولا
• أكثر سيدان متوسطة الحجم مبيعاً : تويوتا كامري
• أكثر سيدان كبيرة الحجم مبيعاً : تويوتا أفالون
• أكثر سيارة سيدان فاخرة مبيعاً: بي إم دبليو الفئة السابعة
• أكثر سيارة رياضية مبيعاً: شيفرولية كمارو
• أكثر SUV مبيعاً : تويوتا لاندكروزر
• أكثر SUV فاخرة مبيعاً: لكزس LX
• أكثر كروس أوفر مبيعاً: هيونداي توسان
• أكثر كروس أوفر مبيعاً: لكزس RX
• أكثر فان MVP مبيعاً: تويوتا إنوفا
• أكثر سيارة بيك أب مبيعاً: تويوتا هايلوكس
• أكثر 200 سيارة مبيعاً في السعودية في عام 2012

[S O P H O S]

جميل وهناك فعلا بيحبوا تويوتا

[semsem5144]

تويوتا شركة محترمه ده اكيد بس السبب الرئيسي لمبيعاتها العالية فى السعودية التقسيط لاى حد من غير اى شروط مجرد مابتقدم الورق بيوافقوا ويسلموك العربيه من غير مقدم مع تأمين شامل عليها
بس لو هتقارن مبيعات الكاش فى نفس الفئه الوضع هيتغير مثلا الهوندا اكورد احسن الف مره من الكامري وبنفس السعر والكورولا غاليه واقل عربيه امكانيات في فئتها وبرضو بتتباع السوق السعودي عايش على ذكريات الكرسيدا مش اكتر

[hamaka]

مبيعات الأكسنت دى اللى عاملها المصريين اللى هناك ( حوالى مليون مصرى تقريباً) و الهنود (1.3 مليون) اللى هناك مش السعوديين على فكرة :) ، السعوديين مابيعبروهاش تقريباً مع انها عربية كويسة بس هما بتريحهم أكتر التويوتا دا للى مش عايز يدفع مبالغ خرافية ، اللى عايز يدفع بقى بيدخل فى الفئات الأعلى بكتير

[khaabas]

المصريين والهنود هههههههههههه بتلمح لايه بالظبط يا برنس ههههههههههههه
بس عالفكرة كلام موش صحيح ادخل على مواقع السيارات السعودية وانتا تعرف

[hamaka]

المصريين والهنود هههههههههههه بتلمح لايه بالظبط يا برنس ههههههههههههه
بس عالفكرة كلام موش صحيح ادخل على مواقع السيارات السعودية وانتا تعرف

مش بلمح لحاجة خالص على فكرة :) و أنا أسف لو كنت فهمتنى غلط ، الهنود فعلاً أكبر جالية أجنبية عاملة بالسعودية يليهم الباكستانيين و المصريين ثم اليمنيين ، دى احصائيات و اسأل حد من العايشين هناك يقولك أد ايه فى هنود فى الخليج ، و بالنسبة لصحة الكلام دا من الناس اللى أعرفهم هناك مش من عندى ، الاخوة السعوديين بوجه عام بيحبو العربيات الواسعة العالية عن الأرض و دا مش متوفر فى الأكسنت خالص ، ممكن تعجبهم القشقاى أو السبورتاج أو الIx35 بس مش الأكسنت

[DrAhmad]

عندهم فريسكا (اكسنت) زينا

[hossam_elwani]

الاكسنت بياعه عشان المناديب وشركات التأجير والشباب الصغير الى بيفحط ليل نهار

لكن غريبه الالنترا راحت فى من الارقام دى !!!!!!!!!!

والكورولا الشكل الجديد من خلال منتدايتهم بيطعنو فيها طعن خلوها عربيه صينى يقولك مفيش ثبات والى يقولى بلاستيك بتفوك من الهوا الى فى الطريق وغيره وغيره ومع ذلك الارقام بتقول عكس كده

بس الجميل ان الكمارو بياعه جداا هناك بجد عربيه تحفه وجباره وتساوى تمنها

الا هو تمنها كام فى السعوديه ؟؟

[ramyayash]

الاكسنت اكثر مبيعا لفئة طلبة الثانوي عشان التفحيط.. وسعرها فاضية ب40 الف ريال تقريبا والفل ب55 الف ريال.. السوناتا والالنترا طبعا مرغوبة اكتر من الاكسنت.. وسعرهم معقول .. الالنترا ب60 الف نص فل والفل الكامل نازل عليه عرض ب62 الف.. السوناتا بتبدا الفاضية من 67 الف لحد 85 الف ... التويوتا هنا مرغوب عشان سعر اعادة البيع مش اكتر.. والسبب فعلا هو تاريخ التويوتا في المتانة.. خصوصا ايام الكرسيدا فعلا اللي كان معانا واحدة منها وقعدت معانا 20 سنة.. لكن التوجه دلوقتي للكوري للهيونداي والاوبتيما .. وعاملين حملة من 3 سنين ضد عبد اللطيف جميل بتاع التويوتا اسمها خلها تصدي وموديلها يعدي.. لان تويوتا الجديد بلاستيك ومش متين وتقفيل استرالي ومفيهوش متانة فعلا.. ولا اوبشن ولا رفاهية هو اكتر من كاسيت ومكيف وايرباج واحد وكلام فارغ .. عشان تجيب سيارة تويوتا فيها رفاهية عليك من الاوريون والافالون وتطلع لحد اللكزس.. لكن يارس وكورولا وكامري موتور ومكيف وبس..