سعر رفرف أمامي أيسر و اكصدام أكسنت 2010

[m6r1282]

السلام عليكم ورحمة الله وبركاته

منذ فتره ولسبب ظروف ألمت بي لم أتواصل مع أحبائي في هذا المنتدى العظيم, وحشتوني

أنا عندي استفسار لأن ربنا قدر لي حادث اصطدام بتوك توك بسبب زحف السيارة على مكان طينه ناعم كان مرشوش عليه مياه وأنا اضطريت أمسك فرامل مره واحده عشان أفادي الاصطدام بطفل صغير دخل نصف الطريق فجأة، فالحمد لله فاداني الله من دمه ودخلت في توك توك.

فا الاكصدام والرفرف شمال أمامي أنا شايف إنهم يتغيروا أحسن والحمد لله الفانوس سليم وفانوس الشبوره والدواخل سليمه ولكن الاكصدام أكلها هو الرفرف، فأنا عايز أغيرهم ولكن السعر اللي هايحكمني.

أطلت عليكم ولكن سؤالي هو: سعر ((الاكصدام أمامي والرفرف أمامي أيسر لأكسنت 2010)) بكم توكيل وخارج وبلاش استيراد، وهل الحاجات دي بتيجي مرشوشه لو من التوكيل أو بره ؟ يعني أنا سيارتي سمراء فهل الرفرف مثلا هايعطيهوني لونه أسمر ولا لازم أرش بره ..... ؟؟؟

مشكورين مقدما

[Hyper3G]

متابع

[mazeen]

اولا حمدا لله على سلامتك وفداك اى خسائر
الاسعار خارج التوكيل كالتالى :
الاكصدام ( العادى وليس الاسبورت ) الاصلى 700 جم والتايوانى 200جم والتايوانى ممتاز عن تجربه
الرفرف الاصلى تقريباً 400 جم والتايوانى 150 جم وانا ارجح الاصلى
وطبعاً لازم القطع تترش

[khaabas]

هو الرفرف بيجى لونه اسود بس موش مرشوش ولازم ترشه بس طالما ان العربية لونها أسود ممكن تسيبه شوية حتى ممكن لا قدر الله يدخدش او حاجة تقوم رشه ساعتها بالمرة

[Hyper3G]

اولا حمدا لله على سلامتك وفداك اى خسائر
الاسعار خارج التوكيل كالتالى :
الاكصدام ( العادى وليس الاسبورت ) الاصلى 700 جم والتايوانى 200جم والتايوانى ممتاز عن تجربه
الرفرف الاصلى تقريباً 400 جم والتايوانى 150 جم وانا ارجح الاصلى
وطبعاً لازم القطع تترش

اشكرك على الافادة
لو تكرمت تدلنى على مكان الشراء و شكرا

[m6r1282]

اولا حمدا لله على سلامتك وفداك اى خسائر
الاسعار خارج التوكيل كالتالى :
الاكصدام ( العادى وليس الاسبورت ) الاصلى 700 جم والتايوانى 200جم والتايوانى ممتاز عن تجربه
الرفرف الاصلى تقريباً 400 جم والتايوانى 150 جم وانا ارجح الاصلى
وطبعاً لازم القطع تترش

أولا أنا بشكر كل المهتمين واللي شاركوا كعادة المنتدى الدائمة وأعضائه المتميزين جميعا.
بخص بالشكر الأخ مازن، هو فعلا أنا اشتريت أمس رفرف تايواني والسمكري قالي والله هو هو الكوري الفرق في التشطيب، والاكصدام تايواني طري ميه والسمكري كان متكيف منه أوي.

الأسعار : الرفرف تايواني جديد 165 جنيه
الاكصدام تايواني جديد بـ 225 جنيه
مكان الشراء شبين الكوم، نزلة الكبري العلوي، محل أولاد مرسي شتات، والشهير بشتات.

السمكري خد 80 جنيه

وأنا لسه مارشتش عشان الوقت لكن أنا صراحة هارشه على طول رغم إنه فعلا مش باين أوي

والحمد لله على كل حال

صحيح يا جماعة الرش أسعاره إيه وايه النصيحة لأني أول مره أرش وهل فيه خامات بويه، وهل رش الفيبر زي الفرف عادي
معلش أنا أول مره وربنا يجعلها آخر مره

[m6r1282]

إيه يا جماعة أين الرد ؟؟

[Habd]

مبروك ان شاء الله و عمار يا كوريا عالاسعار دى الاسعار معرفش بس الفيبر بيتحط عليه مادة قبل الرش عشان البوية تمسك عليه بس هيا ايه معرفش بصراحة

[m6r1282]

مبروك ان شاء الله و عمار يا كوريا عالاسعار دى الاسعار معرفش بس الفيبر بيتحط عليه مادة قبل الرش عشان البوية تمسك عليه بس هيا ايه معرفش بصراحة

البوهيجي قاللي إنها فلاير أو فلير مش فاكر باضبط، قبل الرش

ودي بتتحط فقط عشان الألوان الميتاليك، والعادي بيرش على طول الحاجات الجديدة
* أنا بس بسأل هو فيه فرق في الخامات بين بويه وأخرى، أخلي بالي من حاجة وهو بيرش، أوصيه على حاجه ؟؟؟؟؟؟؟؟؟

[Habd]

حاول تجيب احسن حاجة ف البوية عشان ما يبقاش فيه فرق ف اللونين و شوف كود اللون برضوا من على قايم الباب الشمال بتاع السواق

[m6r1282]

حاول تجيب احسن حاجة ف البوية عشان ما يبقاش فيه فرق ف اللونين و شوف كود اللون برضوا من على قايم الباب الشمال بتاع السواق

بشكرك على المتابعة، وأنا أول مره أعرف المعلومة بتاعت كود اللون من على قايم العربية وإنه ممكن يكون فيه فرق لون

أشكرك على المعلومة دي..

ولو حد تاني عنده مساعدة أو اضافة يساعدني قبل الشروع يا جماعة الخير مشكورين مقدما

[Hyper3G]

أولا أنا بشكر كل المهتمين واللي شاركوا كعادة المنتدى الدائمة وأعضائه المتميزين جميعا.
بخص بالشكر الأخ مازن، هو فعلا أنا اشتريت أمس رفرف تايواني والسمكري قالي والله هو هو الكوري الفرق في التشطيب، والاكصدام تايواني طري ميه والسمكري كان متكيف منه أوي.

الأسعار : الرفرف تايواني جديد 165 جنيه
الاكصدام تايواني جديد بـ 225 جنيه
مكان الشراء شبين الكوم، نزلة الكبري العلوي، محل أولاد مرسي شتات، والشهير بشتات.

السمكري خد 80 جنيه

وأنا لسه مارشتش عشان الوقت لكن أنا صراحة هارشه على طول رغم إنه فعلا مش باين أوي

والحمد لله على كل حال

صحيح يا جماعة الرش أسعاره إيه وايه النصيحة لأني أول مره أرش وهل فيه خامات بويه، وهل رش الفيبر زي الفرف عادي
معلش أنا أول مره وربنا يجعلها آخر مره

شكرا على الافادة بالاسعار و المكان .. ربنا يوفقك

[m6r1282]

أرجاله، حد عنده نصايح للرش قبل مابدأ عشان أنا ناوي على السبت ان شاء الله
وكود اللون اللي على القايم ده نجيبه بسهولة ولا العملية عايزه خبير وعدسة ؟!

[m6r1282]

شكرا على الافادة بالاسعار و المكان .. ربنا يوفقك

لا شكر على واجب ياباشا

[Habd]

لا سهل انك تشوف الكود زى الصورة دى