صوت تزييق فى دبرياج النترا 2012

[mhkash]

السلام عليكم

انا عندي مشكله غريبه ظهرت فى الالنترا 2012 مانيوال - و عارف ان المشكله دي مش هتكون عند كتير من حضراتكم لسبب بسيط جدا - هو انى حاسس اني انا الوحيد اللى راكب النترا 2012 مانيوال فى مصر

المشكله هي صوت تزييق و خشونه فى دواسة الدبرياج - هو صوت سخيف الحقيقه وانا مش مستحمله لان العربيه شاريها زيرو و عملت بيها 20000 لغاية دلوقتي

فمش من الطبيعي ابدا يظهر صوت زي ده فى عربيه غاليه زي دي بصراحه (دي وجهة نظري)

طبعا اشتكيت فى التوكيل (فرع العبور) وانا بعمل صيانة ال 20000 بس الرد الجاهز عندهم دايما ان ده مفيش فيه مشكله خالص - يمكن تكون السوسته ولا حاجه

وخرجت من هناك وانا قرفان من نفسي الحقيقه

كلمتهم فى التليفون 16101 - اللى رد عليا قالي - طب حضرتك عاوز ايه يعني - بمنتهي الغباء بصراحه
انا انفجرت فيه وقولت له انا عاوز العربيه تتصلح - ايه اللى عاوز ايه دى - عاوز اشرب معاك شاي مثلا

قالى واحد من عندهم هيكلمني كمان 24 ساعه ومحدش سأل فيا لغاية دلوقتي

بأسأل حضراتكم اعمل ايه فى القرف ده

وشكرا

[khaabas]

هتلاقي فورش الدبرياج عاوز تنظيف او تشحيم روح التوكيل وقالوهم نضفولى فورش الدبرياج او ممكن انتا تعمله wd40
واذا الموضوع استمر ممكن تبقى بلية دبرياج خليهم يغيروها وهى لسه فى الضمان

[mhkash]

هتلاقي فورش الدبرياج عاوز تنظيف او تشحيم روح التوكيل وقالوهم نضفولى فورش الدبرياج او ممكن انتا تعمله wd40
واذا الموضوع استمر ممكن تبقى بلية دبرياج خليهم يغيروها وهى لسه فى الضمان

شكرا لردك - باذن الله هاقولهم كده و اشوف

[salah_86]

طالما بتزيق تبقى بلية دبرياج

[mhkash]

طالما بتزيق تبقى بلية دبرياج

يا رب ترسي على كده لاني لسه دافع 1000 جنيه صيانة 20000

[ENG\AHMED]

اللى اعرفه ان الموديل ده فيه مشكلة فى طقم الدبرياج وهم عارفين
وعن تجربة مع واحد قريبى فى عربية 2008 نفس الاعراض تقريبا عند 40000 وراح كذا مرة لنفس العيب وكل مره شغل زحلقة ويرشوا wd-40 والصوت يروح وشوية ويرجع لغاية لما روحنا وعملنا مشكلة غيروا طقم الدبرياج كامل فى الضمان ومدفعش غير تمن الزيت بعد ماكانوا عايزين يشيلوهالوا

[A.Adel]

@mahkash

ربنا معاك وإن شاء الله مشكلتك تتحل

[A.Adel]

اللى اعرفه ان الموديل ده فيه مشكلة فى طقم الدبرياج وهم عارفين
وعن تجربة مع واحد قريبى فى عربية 2008 نفس الاعراض تقريبا عند 40000 وراح كذا مرة لنفس العيب وكل مره شغل زحلقة ويرشوا wd-40 والصوت يروح وشوية ويرجع لغاية لما روحنا وعملنا مشكلة غيروا طقم الدبرياج كامل فى الضمان ومدفعش غير تمن الزيت بعد ماكانوا عايزين يشيلوهالوا

غريبة !!!!!!!!!
المفروض الأعطال دايما بتبقى في الأوتو

[mhkash]

اللى اعرفه ان الموديل ده فيه مشكلة فى طقم الدبرياج وهم عارفين
وعن تجربة مع واحد قريبى فى عربية 2008 نفس الاعراض تقريبا عند 40000 وراح كذا مرة لنفس العيب وكل مره شغل زحلقة ويرشوا wd-40 والصوت يروح وشوية ويرجع لغاية لما روحنا وعملنا مشكلة غيروا طقم الدبرياج كامل فى الضمان ومدفعش غير تمن الزيت بعد ماكانوا عايزين يشيلوهالوا

لا اله الا الله
ربنا يستر

[mhkash]

@mahkash

ربنا معاك وإن شاء الله مشكلتك تتحل

اشكرك جزيل الشكر
يارب المشكله تتحل

[s7oda]

لا ياباشا بقو 2 اللي راكبين مانيوال في مصر لان العبد لله معاه مانيوال
استفسار بسيط (لما تيجي تدي غيار وتدوس دبرياج وتنقل على الاول وتعين رجلك بتسمع صوت التعشيق مع دوس البنزين ،،وبتتكرر معاك مع كل غيار ولما ترجع نمرة مثلا من الغيار الثالت للتاني بتسمع نفس الصوت والا اية بالظبط ؟

[mhkash]

لا ياباشا بقو 2 اللي راكبين مانيوال في مصر لان العبد لله معاه مانيوال
استفسار بسيط (لما تيجي تدي غيار وتدوس دبرياج وتنقل على الاول وتعين رجلك بتسمع صوت التعشيق مع دوس البنزين ،،وبتتكرر معاك مع كل غيار ولما ترجع نمرة مثلا من الغيار الثالت للتاني بتسمع نفس الصوت والا اية بالظبط ؟

بصره يا سعادة الباشا الحمد لله انا مش لوحدي

هو الصوت اللى بيحصل ده هو مجرد تزييق مع الضغط على الدبرياج و الصوت مش بيظهر فى اول ما انزل من البيت الصبح - و بعدين يبتدي يظهر التزييق بعد نص ساعه سواقه - بس مش بأسمع صوت تعشيق مع دوس البنزين

و انا رحت التوكيل فرع العبور و اشتكيت تاني واخدوا العربيه وقالولي ان الفورش كان محتاج تشحيم و بس
وبقالي يومين ماشى والحمد لله من غير صوت - بس الحقيقه انا خايف الصوت يرجع تاني زي ما eng\ahmed قال في مشاركته - عموما ربنا يستر

فى حاجه تانيه -- انا ملاحظ ان استهلاك البنزين زاد بعد صيانة ال20000

[s7oda]

لسة مصينتش 20 يعني اخوك 17500 وبعدين البنزين عندي 8 لكل 100 كيلو عندك كام

[AoA]

لا ماتقلقش انا معايا مانيوال برضه (اصل انا عمرى ماحبيت الاوتو اصلا)
هى العربيه مش منتشرة فى المانيوال اوى

بس انا ماظهرش خالص عندى عيب التزييق دة

عموما هو الحل مع التوكيل

انك تعمل زى ما هاقولك بس هاتروح فيها للتوكيل كذا مره

هاتحجز قبل ماتروح للتوكيل عن طريق التليفون مع انه مالهوش لازمه بس علشان يبقى متسجل عندهم
هاتروح للتوكيل وتقول للمهندس اللى هايستقبلك على المشكله اللى فى العربيه
اول لما المهندس يخلص قوله يطلع معاك وجربوها على الطريق وسمعه الصوت بنفسك
ولو حصل وقالك هايبعت يجيب حاجة من بره علشان عيب ما فيها
اول ماتسيب التوكيل
اتصل على رقمهم وقول للهايرد عليك انك عايز تعمل شكوى
ووقت مايحولك لحد علشان تقوله تفاصيل الشكوى
قوله اسم المهندس وقوله انه مش عارف يصلح العربيه
بعدها بيومين هتلاقى المهندس بيتصل بيك
قوله العربيه فيها المشكله ومارحتش
ساعتها هايقولك تعالى اشوفها تانى
وقتها هايبقى مهتم اكتر
وهتلاقى فيه حل
لو ماحصلش حل شكوى على حمايه المستهلك بس هياخدوا حوالى اسبوعين للرد عليك

دة بناء على تجربتى مع التوكيل
هما دلوقت بيتصلوا بيا كل فتره لوحدهم يتطمنوا العربيه عامله معايا ايه :)

[AoA]

لا ماتقلقش انا معايا مانيوال برضه (اصل انا عمرى ماحبيت الاوتو اصلا)
هى العربيه مش منتشرة فى المانيوال اوى

بس انا ماظهرش خالص عندى عيب التزييق دة

عموما هو الحل مع التوكيل

انك تعمل زى ما هاقولك بس هاتروح فيها للتوكيل كذا مره

هاتحجز قبل ماتروح للتوكيل عن طريق التليفون مع انه مالهوش لازمه بس علشان يبقى متسجل عندهم
هاتروح للتوكيل وتقول للمهندس اللى هايستقبلك على المشكله اللى فى العربيه
اول لما المهندس يخلص قوله يطلع معاك وجربوها على الطريق وسمعه الصوت بنفسك
ولو حصل وقالك هايبعت يجيب حاجة من بره علشان عيب ما فيها
اول ماتسيب التوكيل
اتصل على رقمهم وقول للهايرد عليك انك عايز تعمل شكوى
ووقت مايحولك لحد علشان تقوله تفاصيل الشكوى
قوله اسم المهندس وقوله انه مش عارف يصلح العربيه
بعدها بيومين هتلاقى المهندس بيتصل بيك
قوله العربيه فيها المشكله ومارحتش
ساعتها هايقولك تعالى اشوفها تانى
وقتها هايبقى مهتم اكتر
وهتلاقى فيه حل
لو ماحصلش حل شكوى على حمايه المستهلك بس هياخدوا حوالى اسبوعين للرد عليك

دة بناء على تجربتى مع التوكيل
هما دلوقت بيتصلوا بيا كل فتره لوحدهم يتطمنوا العربيه عامله معايا ايه :)