الساده الفيرناويه و الهيونداويه ( فيرنا اوتوماتيك2013 )

[ahmedtalat]

بسم الله الرحمن الرحيم


الساده الفيرناويه و الهيونداويه

تحيه طيبه و بعد

انا نويت ان شاء الله اشترى عربيه فيرنا اوتوماتيك للمدام و عندى كام سؤال ارجو انكم تفيدونى فيها


1- هل هى مناسبه لقياده النساء و لا فى مشكله لأنى سمعت ان العربيه جرايه شويه(بتحب الجرى) ؟؟

2- يا ترى الأرتفاع عن الأرض اخباره ايه ؟؟

3-استهلاك البنزن اخباره ايه ؟؟

4- انا سمعت ان الكاوتش ابعاده 14 - يا ترى 14 يبقى كويس و لا لازم اغير الجنوط - و لو غيرت جنوط اجيبها جديده منين و بكام ؟؟؟ (سؤال مركب زى بتوع الثانويه العامه)

5- فى غبور بيقولولى ممكن ااقسط معاهم و ممكن شركه التأمين تبقى تبعهم - يا ترى حد تعامل مع غبور للتأمين من قبل و اخبارهم ايه - نصابين و لا كويسين (النسبه عندهم 4%)

6-يا ترى ممكن اعمل ايه يفيدنى و اخللى بالى منه و انا بتعاقد معاهم ؟؟؟

7- بيقولولى ممكن استلم اخر الشهر - يا ترى كلمتهم واحده ولا لأ ؟؟

8-الأوتوماتيك بتاع الفيرنا نظامه ايه - كويس و لا ايه الأخبار ؟؟

9- بيقولوا لى سعرها 90900 و عاملين خصم لمده شهر بقيمه الفين جنيه - يا ترى يا هالترى السعر مبالغ فيه ولا انا بيتهيألى ؟؟؟

10- اخبار مراكز الخدمه بتاعهم ايه و ايه احسن واحد فيهم ؟

11- هل لديكم اقوال اخرى ؟؟؟؟




وشكرا يا هيونداويه - و يا فيرناويه

[verna2008auto]

الفيرنا الاوتوماتك جيد جدا والحمد لله للسيدات والرجال ..
(( مش جراية )) يعني الاوتو ابطاء بكتير من المانويال وتجميعها ((( هادي جدااا )))
بس لو خدت سرعتها (( خلي حد يحصلها ))

بنزين .. 108.7 كيلومتر في ال 10 لترات بنزين وتنكها 40 لتر + 5 بتوع اللمبة الحمرا
قطع غيارها متوفرة
الكل بيشتغل فيها .. يعني اتعرفت من الشعب المصري
وبياعة

فعلا انا لو مكانك ... اامن واقسط عند غبور .. مش عشان الجودة ولا الخدمة لا عشان (( راحة البال ))

بالتوفيق ...
((هيونداوي قديم 2008 اوتو ))

[amagroup]

هو في فيرنا 2013
انا اعرف انه اوقوفوا تصنيعها ولا انا بخرف

[ezzeldin1234]

الفيرنا ب 90000 ج احنا فى حلم ولا علم

[Eng_Designer]

انا لسه جايب من اسبوعين فيرنا 2013 زيرو قسط بردو بس مانول فول اوبشن وكل حاجهجايبها من معرض اسمه الطارق ف اسكندرية ناس تمام المفروض انها عاملة 79000 والفاميه 80000
فيه خصم عند كل الموزعين 2000 ج
ده معتمد من غبور وانا قسط مع بنك ابو ظبي اتظبط ف 40 %
طبعا سعر الفيرنا بالذات رفع جامد لان العربية اول ما نزلت كانت ب 68 الف
بخصوص الجري هيه فعلا بتديك ثقة بنت حرام ف الجري بس الفرامل زففففففففففففففففففففففتتتتتتتتتتتتتتتتتتتتت
لان الماكنة 1600 انا كنت عارف طبعا ده من اول ما جبتها وطبعا لما جريت بيها ع السريع كنت بخلي عربية قدامى ع بعد كيلو وافتح وراها :d وهكذا وف وسط البلد زي الفل الباور 10 ع 10
قطع الغيار ارخص حاجه وده اللى خلانى اجبها من الاخر عربية تمام بس وعفشتها تمام
والتكييف ثلج واستهلاك البنزين انا مليش خبرة اوى لان مرة اشتري عربية خاص بيا فعموما انا شايفه كويس بحط دايما 92 عشان طبعا لسه جديدة ولسه مخلص التليين وهروح الفحص ان شاء الله :)
الاوتوماتيك طبعا راحة بال بس صراحة مجربتوش ف الفيرنا جربتها ف عربيات اعلي
موضوع الفرامل سمعت من ناس كتير ان حله جنوط حديد 15 هتظبط الدنيا شوية وانا ف التوكيل هحاول اركبلها abs وهعمل موضوع ف لمنتدى ان شاء الله